كفايه عليّا

Thursday, November 22, 2007


كفايه عليّا
مجرد وجودك
جمال ابتسامتك
وضحكة خدودك
وقلبي يرفرف
ويبعد بعيد
ويرجع ويعرف
بإنه اكيد
مكانه وزمانه
هنا بين حدودك
كفايه عليّا مجرد وجودك
كفايك عليا أكون بس شايفك
ولو حتى واقفه وساكته شفايفك
ما دام شمس قلبك بتديني نور
ساعتها أنا أقدر أعدي البحور
و أسيب قلبي نجمة في سماكي تدور
و رغم الحواجز ورغم البعاد
ومهما هتفصل ما بينّا البلاد
هتقدر تشوفك عيون الفؤاد
وتاني هنرجع في نفس الميعاد
ويومها
ويومها هنقدر نكمل طريقنا
وحلم السنين الجميل هيسابقنا

ما دام لسه نبض الحياه جوة روحنا
هنقدر نكمل ونغلب جروحــــــــــنا
و نكبر ويكبر معانا طــــــــــموحنا
.و أما النهارده ....
في يوم عيد ميلادك بجدّد وعودي
و أقول مش لغيرك تفتّح ورودي
يا حب إدّى معنى وطعم لوجودي
وبستنّى ترجع وتبقى معايا
و شمسك تنور وتملى سمايا
و يملى وفائنا سطور الحكايه
عشان تبقى أجمل و أروع حكايه
ومهما هيحصل هيبقى كفايه...كفايه عليا
كفايه عليا
مجرد وجودك
جمال اتسامتك
و ضحكة

3 comments:

صناع المحلة الكبرى .. دواهم في غيدك said...

السلام عليكم....محمود الجامد جدااا
بجد الكلمات دي رائعه..وأجمل ما فيها
الأمل .....سامعننننييييي
الأمل....
ويارب دايما يا محمود من نجاح الى ما هو أكبر من النجاح

eng_eman said...

اخي محمود
تسلم ايديك على الكلمات الرائعة والرقيقة وتلك المشاعر الحساسة والمولعة بالحب الحقيقي
فما اجمل الحب الذي به نعيش ونحيا ومن دونه كالاموات

نصيحة مني : اذا كنت بتحب فمتترددش انك تقولها دلوقتي .. ممكن بكرة يكون الوقت متاخر اوي .. ولو كنت قولتلها متسبهاش يمكن تكون في اشد الحاجة ليك.. مهما كانت الظروف .. وتذكر ان الحب دائما يدوم ولا يفنى ..

فهنيا لها بك وهنيا لك بحبها
وفقك الله دائما

Anonymous said...

ومهما هيحصل هيبقى كفايه...كفايه عليا
كفايه عليا
مجرد وجودك
جمال اتسامتك
و ضحكة


رائعة دكتور محمود...بالرغم أني لاأتذوق العامية كثيرا..لكنها في كل الاحوال...قوية المعاني قبل الأسلوب..

دمت بخير..