قلبك بيتي

Sunday, December 2, 2007

قلبك بيــتي
و أنا عمري ما همشي وأسيب بيتي
و بقولهالك
و هقولــــــها كتير لو حـــــــــــبيتي
قلبك بيــتي
أنا عايزك مهما الناس لاموا
و فراقك طالت أيامه
تعرفي إنك جوة في قلبي
ولا غيرك يسكن أحلامه
قلبك بيــتي
مش عايز أبدا أبدا أشوف
قلبك لكلام الناس ملهوف
و نخاف إزاي منهم وإحنا
حبنا علمنا نخاف مـ الخوف
قلبك بيتي
الجب دا زي شراع مفرود
لو قابل أي طريق مسدود
هيعدّي بقوة أحلامه
عمره مايستسلم يوم ويعود
قلبك بيــتي
و الحب دا طير وإحنا الجناحين
طاير مش عارف رايح فين
لكن مهما احتار واتغرب
يرجع على عشه بشوق و حنين
قلبك بيــتي
وأنا عايزك مهما فراقنا يطول
في قلوبنا يكون حلمنا موصول
نشوفيني بعين حبك ليّ
و أسمع قلبك من غير ما يقول
قلبك بيــتي

3 comments:

۩۝۩ Dr. Flavio ۩۝۩ said...

فاكر .. انت اديتهالي في سنه رابعه

أروع أغنيه قريتها يا حوده بجد

فضلت كام يوم أغنيها بعد أما قريتها ولحنتها لحن علي قدي .. ولكني اتمين أن أسمعها مغناه من صوت عذب يعبر عن ما فيها من مشاعر ... مع انك معارض بس دي امنيه أتمني تتحقق

سلام الله عليك

أخوك .. بتاع .. إني أغار ..هههههههههه

Anonymous said...

حلوه اوى
ربنا يكرمك يارب يامحمود
وتبقى دايما كده عندك اصرار
وامل وتعلمهم لنا من قصايدك

الحلم الجميل said...

تشوفينى بعين حبك لى
واسمع قلبك من غير مايقول
بجد اختيارك للكلمات جميل اوى
الاحساس بيوصل من بين الحروف

بجد اشكرك على ابداعك