مش هجرح..كبريائي

Sunday, December 2, 2007

دلوقتي فهــــــمت قلـــــــــبك...........و خــلاص لاقيت هواكي
ماكــــــانشي رغـــــــــبة فيّ ..........كان رغـــبة..في امتلاكي

أنا حبـــــــــك كان مالــــيني.......... و غرورك كــــان ماليكي
حبّــــــــــــــيتك إنتي و إنتي..........حبّــــــيتي حــــــــبي ليكي

لـــــمّا لمحــــــتـيني بــرسم .........حــــــــــدودي بين حدودك
خدتي هــــــوايا ومشاعري.......... فرصـــــة لإثبات وجودك

كان نفـــــــــسك أبقى دايما...........واحد من معجــــــــــبينك
محـــــــــتاجه تحسي دايما...........إن إحــنا محـــــــــتاجينك

محـــــــتاجه تـحسّي دايماً ...........إنك فـــــزتي وهزمـــــتي
و انك خــــــليتي قلـــــبي........... يعـــــــدّي بـــــحر صمتي
بس أنا مــش زي حد
ممكن أحــــــــبك بجد
لكن ما أقــــبلشي حــــبك........... يبقى على حساب كرامتي

محتاجه تشوفي صورتك............ مرســــومه في الــــعيون
توفي القلوب وقــــــــلبك............ لوحــــــب يخون...يخون
ماعشقتـنيش لـــــذاتي
عشقتي..صوت آهاتي
و أنا عزة نفسي عـــندي............ شئ مســــــــــتحيل يهون

محتاجه تحــــــسي دايما............. بحـــــــــــيرتي واشتياقي
و دمعة يوم فـــــــــراقك............. ولهــــفة في الـــــــتلاقي
بس أنا واخـــــد قرار
وبدون أي إعــــــتذار
أنا هـــجرح قـــلبي لـكن............. مش هـــــجرح كبريائي
مش هجرح كبريائي

5 comments:

۩۝۩ Dr. Flavio ۩۝۩ said...

استغربت قوي يا حوده لما لاقيت محدش علق علي الزجليه دي

مع انها واخده مركز تاني علي مستوي الجامعه
ده بيرجعني لفكره كنت كلمتك فيها قبل كده بص مش وقته دلوقتي

عموما هي جميله قوي وغرضها وفكرتها حلويييين

تسلم يا كبييييير

Anonymous said...

جاااااامده جداااااااا القصيده دى احساسها عالى اوى بس ده فى تناقض بنها وبين هكذا تمنيت ان احب وده كويس جداا انك قادر على انك يكون عندك القدره على التناقض فى الاحساس
جمييييييييييييله جداااااااااا

Anonymous said...

جميله خالص يادكتور محمود.بس الاحساس فيها عكس هكذا تمنيت ان احب .حلو اوي التنوع في المشاعر واللي في كل الحالات واصل للي بيقرأه وحاسه جدا.فور ورد فوريفر دكتر محمود.

محمود ابوالعزم said...

فرج محمود
anonymous
nice3yoon

تشكر جدا على زيارتكم للموضوع ده
القصيده دي غاليه جدا
وانا ماعشتهاش بس كتبتها
مش عارف ان كانت دي حاجه كويسه ولا وحشه
بس بيتهيالي لااللي بيكتب مش لازم يكون عاش الحاجه عشان يكتبها

جزاكم الله خيرا

الحلم الجميل said...

السلام عليكمورحمة الله وبركاته
القصيده مؤثره اوى
الحمد لله انك ماعشتهاش وانا مش شايفه ناقض مع هكذا تمنيت ان احب
لان الطرف الاخر مختلف تماما وكلاهما تستحق ما وجه لها