كوني أنا

Tuesday, February 12, 2008

السلام عليكم ورحمة الله
النهارده التلات
كان في دماغي حاجات كتير اوي عايز انشرها
بس امبارح كارنيه أخويا مصطفي كان ضايع واتصل بي من مصر عشان ادور عليه
وانا بدور عليه
لاقيت حاجات غربيه اوي كابتها من زمان
يعني مثلا لاقيت بيتين بيقولوا

حيك كبّر مقامي..حبك عمللي قيمة
ياللي غرامك في قلبي..بقى عاهة مستديمه
شايفين الحب!!!!!!!!!

ولاقيت مثلا كمان

عسل أبيض نمرة واحد
ياغالبني سته واحد
حبك حقيقي ولاّ
ناوي تلبسني حلّة
وتقول عليكوا واحد

حلة وعاهة مستديمه..رومانسيه رومانسية يعني

المهم بالصدفه لاقيت ورقه كلت منها كل الحشرات اللي في منزلنا
قعدت أجمع فيها
ولاقيت فيها قصيده بتناريخ 25/3/2005
يعني تقريبا اقدم من اي قصيده هنا ومن اول المحاولات
اللي اعتبرتها فاشله في كتابة شعر الفصحى ...المرسل بالذات
المهم انا فرحت اني لاقيتها وهبقى سعيد انير أنشرها رغم انها مش أد كده
لان واحد من اصحابي لما عرف اني مش بحب اقري شعري ..القديم بالذات
قاللي انت لو ماكنتش كتبت القديم..ماكنتش هتكتب الجديد

كوني معي

مهما نقابل في الهوى

أرجوك لا تتراجعي

مُدّي يدكْ

ودعي الأصابع تشتبكْ

آن الأوان لتلقي أرواحنا

لأكون أنتي الآن وتكوني أنا
سيلي بدمعي...عيشي بين بسماتي
ذوبي بذاتك دون الخوف في ذاتي

ودعي نجومك كي تحلق في سماواتي

اروي زهور الحب في قلبي الوحيد

وخذيهِ في دنيا برائتك التي

تنساب طهراً مثل بسمات الوليد

ألقي عن الأكتاف أحمال الهموم

وتفائلي
فالشمس مهما تختفي

ستعود من بين الغيوم

كوني الحبيبة حين أحتاج العواطف

كوني القوية حين تشتد العواصف
لن ننحني

لن نرفع الرايات للحزن المرير

فالماء سوف يعود يجري بين أحصان الغدير
والزهر مهما عذبوه فإنه

سيظل يحتضن العبير

أرواحنا وقلوبنا

ستذوب في نفس الكيان

ماعدا يفصلنا زمانٌ أو يفرقنا مكان

نحيا معاً في دفء ِ شطئان الحنان

لا تسمعي من يلقي لوماً في حنين قلوبنا
إذ أننا
لن تصبح الأشواق يوماً عائقاً في دربنا

بل سوف نمضي للإمام بحبنا

فالحب أسمى من مجرد نظرةٍ وعبارةٍ

الحب روحٌ حين تسكننا تعيد بنائنا
تسمو بنا..تمسي ضياء نجومنا

و تزيد نبض الحب في أحلامنا

تعطي جناحاً للمشاعر كي ترفرف في السماء

وتعيد للأرواح شيئا من أحاسيس النقاء

وتطهر النفس البريئة في بحيرات الصفاء

فتعالي يا عمري ولا تتراجعي
بدر الأماني قد ظهر
فدعي حسابات البشر
وتبسمي
كل الذي أرجوه أن تتبسمي
أن تصبحي فعلا أنا
كوني أنا..كوني أنا

14 comments:

صناع المحلة الكبرى .. دواهم في غيدك said...

ياااااااااااااه
الحمد لله ...أول واحد المرادي
:)
ايه الكلام الجميل ده يابو العزم
بجد كلمات رائعه ...خاصة انها مرسله ..وانت عارف حبي للمرسل

بس قولي ليه بس الحقد بتاعكو عالزمالك ده

عسل أبيض نمرة واحد
ياغالبني سته واحد

ماشي يا حوده

Anonymous said...

الله جميله اوى القصيده دى وانت بجد رومانسى قديم وجديد وعجبتنى فكره ان اصحابك بيشجعوك على كتابه اشعارك وربنا يوفقك وتكتب لنا كل الجديد

GEHAD said...

"كوني أنا"
عنوان جذّاب رقيق جدا
قصيدة جميلة
أعجبني تعبيراتها الحلوة وكلماتها العذبة ومعانيها المعبّرة
........
وكذلك
لطيفة الكتابات الأولى
خالص تحياتي
وفقك الله
ودوما تمتعنا بروائعك سواءالقديم او الجديد

quiet_storm said...

ياللي غرامك في قلبي..بقى عاهة مستديمه
فعلا ..فعلا ادى الكلام المليان احاسيس
بس المفروض نعمل برده medicolegal reprot(سورى ياجماعه طب بقى )
اه متسبش حقك ...

وسته واحد ....جميله جدا جدا
حاجه غريبه كنت لسه شايفاهم قبل ما اقرا الموضوع مفيش ربع ساعه
لو عايزهم يا دكتور مصطفى ...ممكن

نيجى للكلام الجد بقى

اكثر ما اعجبنى فى القصيده دى...الامل اللى موجود فى كل ابياتها
وكان فى نهايه القصيده اللى فاتت كمان
ده غير طبعا البيتين دول

فالحب أسمى من مجرد نظرةٍ وعبارةٍ

الحب روحٌ حين تسكننا تعيد بنائنا

تسمو بنا..تمسي ضياء نجومنا
وفى الاخر نشكر طبعا اخوك مصطفى والكارنيه بتاعه اللى كان السبب وراء اعاده اكتشاف القصيده دى
بس انت مقولتش انت لقيت الكارنيه؟

محمود ابوالعزم said...

مصطفي

حبيب قلبي
ايه كلامك انت الحلو ده
ولو اني شايف اني فشلت في النوع ده من الشعر
بس هحاول اكتب فيه تاني
وبعدين مش قصدي اقول حاجه على الزمالك والله
كفايه انها من ريحتك

محمود ابوالعزم said...

مصطفي

حبيب قلبي
ايه كلامك انت الحلو ده
ولو اني شايف اني فشلت في النوع ده من الشعر
بس هحاول اكتب فيه تاني
وبعدين مش قصدي اقول حاجه على الزمالك والله
كفايه انها من ريحتك

محمود ابوالعزم said...

anonymous

ربنا يكرمك يا رب
متشكر عى ذوفك
أما اصحابي فربنا يكرمهم
كفايه ان ناس فيهم عامللاي دوسيهات عندهم رغم ان انا نفسي كسلت اعملها

محمود ابوالعزم said...

جهاد

دايما مشجعاني كده يا رب
شكرا على مداخلتك ومجاملتك الرقيقه

محمود ابوالعزم said...

حنان

انتي كده فهتيني
عاهه مستديمه بالنسبالي هي قمة الرومانسيه

بس بلاش سيرة السته واحد دي اصل مصطفي بيزعل

وانت من الناس النارده اللي قاولي ان انا بعرف اكتب عن الامل

ناس كتير وانا منهم بيقولوا اني مابعرفشي اكتب عنه

وعلى فكرة انا ماللاقيتش الكارنيه بس والدتي لقته

Anonymous said...

السلام عليكم
الكلام ده حلو اوى يامحمود ورقيق
انا عجبنى
كوني الحبيبة حين أحتاج العواطف
كوني القوية حين تشتد العواصف

والزهر مهما عذبوه فإنه
سيظل يحتضن العبير

والحب روح تعيد للأرواح شيئا من أحاسيس النقاء
وتطهر النفس البريئة في بحيرات الصفاء

كوني أنا..كوني أنا

ومتزعلش منى يامحمود اذا اتاخرت فى اى تعليق
انا هقولك من دلوقتى انا قصايدك القديمه والجديده كلها جميله واحنا مستنيين منك اى حاجه هتعجبنا ان شاء الله
مترددش

شق القمر said...

انت كنت بتسمع أغنية " كونى أنا" لكافورى ولا ايه ؟؟؟؟؟

ههههههههههههههه
زعلت جدا من تعليقك عندما ذكرت لى انك لا تحب ما كتبت ولا تعود اليه

بالعكس
رغم ما اجده من استحسان فى شعرك كلما جد " مع كل جديد " الا اننى استحسن احساسك فى ما اظهرت من قديم ما كتبت

اظن اننى قرات هذه كثيييرا واحسست روعة احساسها عن سابقتها فى المدونة

هذا عن نفسى طبعا
احيييييك جدا
واطلب منك ان تعيد القراءة فى وريقاتك القديمة

لربما تجد ما ندعوه ابداعا وربما يكون اجمل كثيرا فى احساسه مما هو جديدك ....... ربما
فلتعيد النظر فى وريقاتك القديمة
واعلم انه ما من اناس يطلون على مدونتك خاصة - واعلم بعضهم - الا لانهم يرون مما تكتبه كل جميل
فبالله عليك لا تضع على نفسك شائبة اهمال ما تكتبه فى نفسك
واعلم انه دائما جميل وانك تريد ان تصل الى الاجمل
بالتوفييييييق :)

محمود ابوالعزم said...

عندما نحب

أسماء انت منوراني دايما
ودايما رأيك بيسعدني
جزاك الله خيرا على الكلام الجميل ده
وان شاء الله هدور في الحاجات القديمه
وخصوصا ان كارنيه أحمد أخويا ضايع

محمود ابوالعزم said...

شق القمر
رنا

متشكر جدا على كلامك الجميل ده
بس انا اول مرة اسمع عن الأعنيه دي

أما بالنسبه للشعر القدبم
فبجد مش بقدر اقراه ولا الجديد حتي
أنا في آخر سنه اولى رميت كشكول كان فيه خمسين أعنية
وكل أما أقري حاجه اقول ايه اللي أنا كاتبه ده
بس كلامكوا الجميل ده هيخليني أدور
وهيديني ثقه ان أنشر أي حاجه ألاقيها

جزاك الله خيرا يا رنا

Casper said...

محموووووووووووووود باشا

أخيرا عرفت طريق مدونتك

والله كنت عايز أعرفها من زمان

بس ما شاء الله كتابتك تستحق عناء الجهد والبحث

واعتبرنى من الآن من الزوار الدائمين ان شاء الله