أرجعلها

Tuesday, February 19, 2008

أرجعلها؟؟؟؟
سابها خلاص ...أرجعلها؟؟.... ولا خــــــلاص...ما أرجعلهاش
قلبي يقـــــــــــول... نرجعلها... وكرامتي تصرخ .......لأ بلاش
ازاي نســــــــــــامح قلــــــــبها... ان كان في حضن حبيبها عاش
و القــــــلب قالـلي في بعــــدها...أنا لسه برضه .....مابنسهاش

سابها و ياريته ما كـــان يسيب....حبه اللي عاش يوعــــــدها بيه
أنا جرحي كان قــــــرب يطيب....ليه بس جدد جــــرحي ليه؟؟؟؟
زمان وقلت خــــــلاص نصيب...دلوقتي قلــــــبي هقولُّه ايه؟؟؟؟
لا بإيدي منــــــــها أكون قريب....والبعد مش قــــــادر عليه!!!!!

وساعات بقـــــــول لازم أكون ....دلوقـــــــتي واقـــف جنــــــبها
لو دمعها يمـــــلى العــــــــيون ...بالحـــــب همــــــسح دمعــــها
و أرجع وتمــــلاني الظــــنون....وتقوللي فـــــــــوق من وهمها
لما القـــلوب تقــــــدر تخـــون.....لازم نسيـــــــــبها بجـــــرحها

و أرجع ويســـــألني الحــــنان.....وينادي قلـــــبي بأعلى صوت
ايه ذنبها في كل اللي كـــــــان.....ما انت اللي طولت السكـــوت
يمــكن لقـــــت فيه الأمـــــــان.....لما السنــــــين فضــلت تفوت
لو حتى حــــــــست بيك زمان.....كان لازم الاحـــــاسيس تموت

و ساعات بقـــــول ان الرجوع....ياقلــــــــبي شئ مابقاش يفيد!!
ابعد قــــوام وبلاش خضــــوع....و بلاش تخـــلّي الشــــوق يزيد
ازاي هتيـــجي على الدمــــوع ...وهتبني فوقها شــــعور جديد؟؟
دا الحب شئ زي الشـــــــموع....في العمر مرة يادوب يئـــــيد!!

جوايا ميت ملـــــيوووون سؤال...ومافيش ســـــؤال لاقي الجواب
القـــــلب لــــو ناحيـــــــتها مال....برجع و أخـاف ليكون سراب؟!
و إزاي أفــــــارق واحتــــــمال...تشــــــتاقلي من بعد الغـــياب؟!
قالت كرامتي.... وقلــــبي قال......والحــــيرة واخــداني لعذاب

ماأنكرشي ...حاسس جرحها
ماأنكرشي.... لسه بحـــــبها
بس السؤال...أصعب سؤال
أنساها....ولا أرجعلها؟؟؟؟؟

23 comments:

محمود ابوالعزم said...

أكيد مش محتاج اقول انها مش تجربت واتمني مش تكون تجربه حد
لان لما حسيت الاحساس ده حسيت بجد انه احساس صعب اوي على أي حد بيعيشه
بس ده مايمنعشي ان عايز اعرف رايكم لو مطرح الارجل ده
يا تري يرجعلها ولا لا

Anonymous said...

فى الاول ازيك يامحمود وميرسى اوى على المعرض اللى اتاح لنا ان نشوفك ونشوف اشعارك بس بجد القصيده دى لواحد بيعيش فى عذاب بس انت ما وضحتش هى عملت ايه عشان حبيبها يسيبها كل ده بس ارجع واقول دى قصيده جميله بس صعبه على اللى بيحسها ومتهيالى ان لما حد يحب حد ما فيش حاجه اسمها كرامه بينهم ورايى اللى انت عايز تسمعه بعد الكلام ده كله انه لو حاسس انها بتحبه اكيد وهو بيحبها لسه ليه ما يرجعلهاش فبل ما يندم بس لوبيحبها بجد ومره تانيه مبروك على القصائد ا اللى لاقت اعجابى

Anonymous said...

السلام عليكم ورحمه الله وبركاته ياخساره كان نفسى اديك اول كومنت بس متعوضه قصيدتك رائعه ياحوده بس فيها حزن اكيد للى يعيشه واكيد للطرفين بس بجد الحبيبه صعبت عليا من ناحيه ومن ناحيه تانيه مش قادره افهم هى كان ليها حبيب قبله وسابته وعلى العموم ان كانت بتحبه لسه يغنيلها اغنيه تامر حسنى ارجعلى وهو طبعا اكيد عليه لوم زى مانت قولت فى القصيده انه ساكت طول السنين وحاسس بحبها له ويارب يوفقك فى قصايدك على طول ونشوف المزيد والى الامام سلام

Anonymous said...

السلام عليكم ورحمه الله وبركاته
زي عادتك يادكتور محمود احساسك رائع وكلامك جميل وزي عادتي مش لاقيه كلام اعبر بيه عن جمال اللي انت كاتبه
اما عن موضوع يرجعلها او ميرجعلهاش فانا مش فاهمه هو سابها ليه بس اللي بيحب لازم يسامح علي قد الحب اللي بيحبه وكمان الواحد بيقعد يدور علي حب حقيقي طول حياته فلو لقاه يبقي حرام عليه يسيبه عشانه مايندمش طول عمره عليه
واخيرا ربنا يوفقك

صناع المحلة الكبرى .. دواهم في غيدك said...

يا عم انت مدايق نفسك يرجعلها ولا لا ليه
و انت مالك..
خليك في اللي انت فيه
هههههههههههههههههه

كالعاده نجم يا بو العزم
ربنا يباركلك

تقبل تحيات سعادتي
يلاااا ....سلااااااااااااام

۩۝۩ Dr. Flavio ۩۝۩ said...

أول ما قريتها افتكرت زعلك قوي من كلمة نادر لما سمعها منك

لكن أقول لك ايه

الفنان اللي بحق هو اللي يقدر يعبر عن اللي عاشه هو واللي غيره عاشه .. وهو ده الجمال والإبداع الحقيقي

استمر يا حبي في التعبير عن كل المحبين وعن كمل المعذبين .. علّّك بالشعر تداوي جراح المتعبين

إلي الأمام أخي العزيز

quiet_storm said...

زى ما انت مش محتاج تقول انها مش تجربه عشتها احنا كمان مش محتاجين نقول اد ايه قصيده رائعه


هنقول بس بسم الله ما شاء الله عليك

وعن رأيى انا بقى
بقول هو الرأى الاخير يرجع لصاحب الموضوع لانه هو اللى عاش القصه وعارف كل جوانبها

بس ممكن نقول الطيب احسن

بالتوفيق ليك وليه وليها

شق القمر said...

ارجعلها !!!!!!!!

:((

شق القمر said...

و أرجع ويســـــألني الحــــنان..............وينادي قلـــــبي بأعلى صوت
ايه ذنبها في كل اللي كـــــــان..............ما انت اللي طولت السكـــوت
يمــكن لقـــــت فيه الأمـــــــان..............لما السنــــــين فضــلت تفوت
لو حتى حــــــــست بيك زمان.............كان لازم الاحـــــاسيس تموت

Unknown said...

طبعا مش هنقول حاجه علي القصيده وجمله هي تحفه طبعا

لو عاوز رايي بجد ميرجعش يمكن علشان انا مش بنسي الاساءه او الخيانه
لكن لو عاوزنا نهدي النفوس نقول زي
quite storm
الطيب احسن

Anonymous said...

اولا..شكل المدونة الجديد تحفة كدة اجمل واجمل
ثانيا ..طبعا كلنا شوفنا ابداعاتك في المعرض اللي اقل ما يتقال عليها انها رائعة جدا جدا وفوق الوصف كمان
ثالثا..انا شايفة انه طالما بيحبها لسه وان سبب بعدها عنه من البداية كان خارج عن ارادتها يبقي ليه لا
..................................
يرجعلها طبعا احسن له ولها

Anonymous said...

اليوم يوم ميلادك
و الكل فرحان علشانك
و من صميم قلبي أدعيلك
ربي يخليك و يطول عمرك
يا ناس روحوا و حيوه
اليوم زاد عمره
و من الفرح ما حد مثله
يا ربي يخلي لأهله

Anonymous said...

ازيك يامحمود كل سنه وانت طيب طبعا بشره خير على الامتحان انا ههديك قصيده بالمعـيدُ مـيلادٍ سعيدٍ *** بـينَ أقـداحٍ و غيدِ
يـا طيورَ الأيكِ غني *** يا غصونَ الدوحِ ميدي
قـدْ غـدا قلبي أسيراً *** رهـنَ قيدٍ من حديدِ
حـلّقت أطيارُ روحي *** فـي سـماءِ اللاوجودِ
فوق أرضِ الوهمِ كنا *** و الـهوى في يومِ عيدِ
و الـتقيناياصديقى*** فـي مـدى أفقٍ بعيدِ
لـيلةٌ قـمراء توري *** كـلَّ إحـساسٍ بليدِ
عـربدتْ فيها نفوسٌ *** بـعدَ حـرمانٍ مديدِ
مـن رياضٍ زاهراتٍ *** جـمّعتْ أحلى ورودِ
__________________ناسبه دى و وطبعا عايزه كومنتات عليها اما بالنسبه لقصيدتك مش عارفه اقول ايه لان ده راجع لصاحب الموضوع

۩۝۩ Dr. Flavio ۩۝۩ said...

في يوم ميلاد ٍ لخير الأصدقاء ........ قد جئته وأنا ليغمرني الحياء

ما عاد في الأشعار من قول ٍ يكا- .... فئ مدحه فبشعره بلغ السماء

أرجوكمُ هل تبلغوا ذاك الذي ... بالشعر أضحى من يداوي كل داء

أني أحب كلامَهُ بل صار من ...... عشقي لهُ ... قلبي ليشدو بالغناء


علي فكره يا حوده يوم ميلادك يوم تاريخي اه والله
أولا أختي اتولدت في نفس اليوم وزوج أختي الثانيه اتولد بره في نفس اليوم

والش الجامد بقه
ان رمسيس التاني بحاله اتولد واتولي الحكم في نفس ذات اليوم

وكانوا بيحتفلوا انهارده الجمعه بتعامد الشمس علي دماغ سيادته في أبو سمبل

ابسط يا عم
مش حارمك من حاجه أخبار وأشعار
عايز رأيك العروضي بقه في الابيات عشان ميجيش حد يقول مكسوره

كل سنه وانت طيب

Anonymous said...

كل سنة وانت طيب يا د/محمود
وعقبال مليون سنة
ويارب تقضيهم في سعادة ورضا وراحة بال
وان شاء الله تكون السنة الجديدة احسن من اللي قبلها
واللي بعدها احسن منها
وتنول كل اللي تتمناه

albatool said...

كالعاده من رائع لأروع يا استاذي الفاضل وهكذا عادتك دائما عندما تُلجم القارئ وبالرغم من اني مش بتذوّق الشعر العامي ابدا الا انك اسرتني برهافة الاحساس وقوّة التصوير ورايي الشخصي لصاحب مشكلة القصيدة انه كفى صمتا ان كان صمته اللي ضيعها من اديه في الاول وجَبَل البطله انها ترتبط بغيره فكفى و دلوقتي جت الفرصة عشان مايكررش غلطه على الاقل يبقى ماضيعش الفرصة عشان بينه وبين نفسه بعد ماتمرّ السنين تاني ولو كنا متشائمين وافترضنا جدلا انهم ماكملوش مع بعض يبقى مايفضلش يفكّر كتير في المستقبل ويقول ياريتني كنت قولتلها انا ليه ماكلمتهاش فيكون عارف على الاقل اجابة السؤال وهو ليه ماكملش معاها!! عشان هو حاول بس مانفعش مش عشان هو اصلا كان خايف يحاول فماحاولش اعتقد هاتفرق كتير ...

albatool said...

بالمناسبة

happy birth day

محمود ابوالعزم said...

السلام عليكم ورحمة الله
أنا عارف ان انا اتاخرت كتير اوي في الرد
بس معلهشي غصب عني
أنا قريت كلامكوا كله وكله أسعدني أوي أوي أوي
وشكرا لكل الناس اللي هنيتني على عيد ميلادي
وشعر محمود فرج الجميل اوي
واهداء
d_l
بجد رائع
متكشر أوي يا جماعه
و آسف ان الوقت ما أسعفنيش اني أرد على واحد واحد
متعوضه ان شاء الله

جزاكم الله خيرا

Anonymous said...

ازيك يامحمود
انا هبه
ايه اخبارك
كل سنه وانت طيب
مع اني معرفش عيد ميلادك كان امتي
ومبروك كمان لاختك
ومبروك تالته للقصيده التحفه دي
وبجد روعه الاحساس اللي فيها
بس لو فيه حد كا يبقي نصيحه انه يلحق اللي فاضل ويروح يقولها
ومتبقاش تحرمنها من كتباتك
ربنا يوفقك
سلام

محمود ابوالعزم said...

وانتي طيبه وبكل خير يا هبه
ومتكشر على مجاملتك الرقيقه

Anonymous said...

جميلة و رقيقة
و متشكر علي زيارتك للبلوج عندي

اتمني نكون اصحاب دامًا
واضح إنك صاحب ذوق عالي

ألا قولي صحيح
هوأنت طبيب بشري .. أصل أنا لسه مجرد مشروع ف السكة

سلام

Sometimes the heart sees what is invisible to the eye said...
This comment has been removed by the author.
Anonymous said...

elsalamo 3alaykom..tab3an msh kfaya enny a2ol en elqaseda ra2e3a gedan gedan gedan............... enta kont 3ayez ra2yena yerga3laha walla la2..ana shayfa kol elnas mota7amlen 3aleha awyyyyyyyy bs ma7addesh fehom fakkar yelomo howwa 3ala enno sabha?? ana msh mota7amla 3aleh 3shan hwwa ragel w ana bnt bs ana maba7ebbesh elly ye7eb yetkhalla 3n 7abebo.madam hwwa estaghna 3anha marra yeb2a mayestahelhash aslan.amma law kant elzrof hyya elly farra2ethom f ana shayfa enno elmafrod yo3zorha..msh ma3na enno shafha m3 7d tany ennaha kant mabsot w sa3eda.momkn tkon kant tayha~7azena~mo7bata ma7addesh fe eldonya abadan hay7es be msha3er 7d tany w khsosan el7ob. w ba3den elly 7ab bgd 3omro ma hayensa el7ob da mahma 7asal.hyya law kan 7obbaha leh bgd.law rege3laha b3d meeeeet sana bardo hayla2eha lessa bet7obbo!!!!!!! ASFA ENNY TAWWELT 3ALEK {H}