شموعٌ ..لا تنطفئ

Wednesday, April 9, 2008

السلام عليكم ورحمة الله
اقترحتْ علىّ احد أصدقاء مدونتي الأعزاء"هبهوبه"ألا أكتفي بالصمت تجاه وفاه والد أحمد صديقي
ولم أجد بين قصائدي ما اانشره في هذا الموقف
الا هذه الابيات
اللي كتيتها دون قصد
فقد أردت أن أضع بعض كلمات ٍاهداء لوالدي رحمه الله على قصائدي قي معرض اكليه
ووجدت قلمي يكتب هذه الكلمات دون وعي
لذاك الفلاح البسيط الذي كان يهوى الأدب رغم أنه فارق المدارس من الصف االأول الاعدادي
وزرع في قلبي حب كتابة الشعر
ولكن لم يمهلني الوقت لأقرء عليه أولي قصائدي الكامله
ولكني.. أحسبها جميعا تصله
اليه....هذه الكلمات البسيطه
التي ربما قد لا تعبر عن واحد من مليار من احساسي ناحيته
وانا انشر القصيده واعلم أن أحمد لن يقرأها
ولا أريده أن يقرأها
فأنا أعلم كم هو صعبٌ ذلك الفراق
وكم هي مريرةٌ تلك الدموع
وكم هو قاسٍ ذلك الوداع
ألهمنا الله جميعا الصبر


أبتي ..أراك الآن تقرأ ما كتبت
أبتي أراك الآن تسمع ما أقول


فرسائل الروح التي ما بيننا

لا شئ يمنعها الوصول

إن القلوب تضم في طياتها

ما ليس يمكن أن تصدقه العقول

إن تذبل الأزهار رغم جمالها

فعبيرها يبقى بها..رغم الذبول

أربعة أعوامٍ مضت

لا... ما مضت

فكأنما أيامنا ...وقفت بثانية الفراق

هم ودعّوك بدمعتين و أسرفوا

في سرد كلمات العزاء

لا يعلمون بأنهم

وضعوك في قلبي وساروا كلهم

و بقيت أنت بداخلي
كي نلتقي... رغم افتراق

ان لم تسعنا الأرض في رحبائها

فغداً تلملمنا السماء
ليس اعتراضا يا أبي

ما ذاك يا أبتي رثاء

فالقلب بعدك يا أبي...سيظل يؤمن بالقضاء

أنت الذي علمتني..إن نبتلي

فالصبر لا يكفي الفؤاد و إنما

سنكون أيضا شاكرين على البلاء
لكنني...أبغي مجرد أن أقول

حين ابتسمت و لم أجدك بجانبي

لمّا بكــــــيت و لم أجدك بجانبي

أدركت ما معني..........." أبي

25 comments:

Anonymous said...

السلام عليك
بجد لما قريتها في المعرض انا دمعت
مش عشان هي قصيده رثاء
عشان السطرين بتوع
هم ودعوك بدمعه.....لايعلمون انهم وضعوك في قلبي وساروا وبقيت انت بداخلى
بجد وكنت عاوزة اطلب منك تنزلها ع المدونه بس خوفت احسن تزعل

ادام الله عليك موهبتك

pure blue

۩۝۩ Dr. Flavio ۩۝۩ said...

رحم الله أباك ورحم أبا أحمد زميلنا

صحيح يا واد
اوعى تفتكر اني لما قلت لك بلاش تنزلها ..إني مش بحبها
لكن بجد بجد مؤثره لدرجه تفجر الدموع من العيون .. والحاله الأيام دي مش ناقصه خالص

ربنا يرحمنا جميعا

سلام يا حبي

Anonymous said...

السلام عليكم القصيده دي يا دكتور محمود بجد والله فعلا من اجمل القصائد اللي انا قرأتها لحضرتك مفيش كلمه فيها مش مؤثره بجد انا قرأتها قبل كده في المعرض وبكيت وقرأتها دلوقتي وبكيت برده يمكن علشان انا قد ايه حاسه بلوعه هذا الفراق بالنسبه لحضرتك ولاي حد فعلا فقد شخص غالي عليه جدا بس الحمد لله انت قلت في القصيده ان احنا بنشكر ربنا علي الابتلاءوبنتعلم الصبر من الشدائد ربنا يسكن والدك فسيح جناته ويجمعك معه هو واحبائه في الجنه ان شاء الله والبقاء لله مره اخري في والد احمد زميلناوربنا يحفظك ويكرمك وتكتبلنا دايما . اسفه طولت عليك

هبهوبه said...

أنا حقيقي موش عارفه أشكرك إزاي
أنا فرحانه جداً إنك كتبت النهارده
وأعتقد إن أحمد لازم يقرأ كلامك ده علشان يعرف إن علاقة المحبيين عمرها مابتنتهي بلحظة فراق وخصوصاً حب الأب والأم بيعيش جوه قلوبنا مهما طال العمر
دائماً ما يختار الموت واسطة العقد ولكن ليس علينا سوى الدعاء وإنتظار اللقاء الذي لايدوم في الدنيا
وطبعاً كالعاده بنتعلم منك معنى الوفاء القصيده كلماتها جميلة وبتدخل القلب لأنها أكيد طالعه من قلبك وأكيد فعلاً والدك حاسس بيك وفخور بيك لأنك ابن صالح ووفي لكل اللي حواليك
حاول تكثر من قرأة الفاتحة لوالدك لأنها بترفع درجاته وإن شاء الله يكون في الجنة
أنا أسفه طولت عليك

محمود ابوالعزم said...

pure blue

دائما يسعدني ردك
وان كنت أرجو ألا تسيل دموعك بسببي
وانا ماكنت لأحزن إذا طلبتي مني وضعها في المدونه
فقد كانت القصيده قبل ذلك اهداءا يراه كل زائري المدونه
ولكنها ضاعت من المدونه أثناء تغيير شكلها
جزاك الله خيرا على تعليقك الجميل دائماً

محمود ابوالعزم said...

فرج

أيوه كده يا عم عايزين نشوفك على النت يا ابني
قول للراجل بتاعكوا ده لو ماكانشي هينعدل هو حر
واخيرا
آمين لدعائك
ربنا يرحمنا جميعا

محمود ابوالعزم said...

انو نيموس

اولا كم تمنيت أن يكون لكي اسماً ولو مستعارا حتى أستطيع الرد به عليكي

ولكن يكفيني زيارتك الدائمه وردك الجميل
فحقا..لابد أن نشكر الله على ابتلائه لنا
وحقا...كم هي صعبة تلك الدموع
جزاك الله خير
وأدام زيارتك للمدونه

محمود ابوالعزم said...

هبهوبه

أنا من يجب عليه الشكر
فلم يكن يخطر ببالي أن أنشر هذه القصديه لولا تعليقك على الموضوع السابق
وأشكرك من كل قلبي على كلامك الجميل
وأتمنى أن تصل هذه الكلمات والدي حقاً
شكرا لزيارتك الدائمه وردودك المشجعه دائما

Anonymous said...

السلام عليكم
بصراحة القصيدة كانت عاجبانى اوى لما قرأتها فى المعرض واحساس حضرتك جميل اوى
واكيد والدك فخور بيك وبموهبتك اللى واضح انه كان سبب عظيم فى وجودها
والبقاء لله وربنا يرحمنا جميعا
والى الامام دائما
nan

eng_eman said...

لا حول ولا قوة الا بالله
ان لله وانا اليه راجعون

اللهم اغفر لك ولوالديك ما تقدم من ذنبهم وما تأخر..

وقِهم عذاب القبر وعذاب النار..

و أدخلهم الفردوس الأعلى مع الأنبياء والشهداء والصالحين ..

واجعل دعاءهم مستجاب في الدنيا والآخرة ..

اللـهم آميـن ..


وكما تعلم اخي العزيز ان كلماتك لطالما اعجبتني كثيرا ومنتظرة المزيد

Anonymous said...

اول مرة اقرأ لك
حين ابتسمت و لم أجدك بجانبي

لمّا بكــــــيت و لم أجدك بجانبي

أدركت ما معني..........." أبي
اجمل مافيها الصدق ... الاحساس .. وجع الفراق
اعظم ابتلاء هو الفراق ربنا يلهمنا
الصبر الحسن
http://us4her.blogspot.com/

الي لقاء

عندما تنهمر الدموع said...

السلام عليكم ورحمة الله وبركاته
انا مش لاقية اي كلام اقوله لأن اللي حسيته بعد ما قرأت القصيدة لا يعبر عنه الكلام ولاتكفيه الاقلام ولا تحويه الاسطر لأنها فعلا صحت جوايا حاجة كنت بحاول دايما انساها او حتى اتناساها رغم اني مؤمنة بالقضاء والقدر لكن ده ميمنعش ان الفراق صعب جدا ومؤلم ومهما عملنا مش هنقدر ننسى في يوم ناس فاتونا كانوا دايما بيحوطونا بالرعاية والحب والاهتمام ومهما انشغلنا بالدنيا وهمومها مش هترحمنا الذكريات اللي بنفضل دايما عايشين فيها لانها ربما تخفف عنا لوعة الفراق لكن مهما قابلنا من بشر مش هنلاقي زيهم ومش هننسى حبهم ومش هيعوضه اي حب تاني مهما كان لكن واجبهم علينا اننا ندعيلهم دايما ونقرأ لهم الفاتحة ونحاول نعمل الخير اللي يسعدهم لاني على يقين بأنهم لو رحلوا عنا روحهم بتفضل حوالينا وبتحس بينا يمكن ساعات تخفف عنا همومنا والامنا عشان كده رغم انهم ماتوا فهم لسه عايشين جوانا وخيالنا وفي كل احلامنا بيعوضونا عن ناس عايشين معانا بالاسم بس لكن بالفعل كأنهم ميتين لأن ليس لهم وجود او دور حقيقي في حياتنا . في نهاية كلامي فاني ادعو الله الرحمة والمغفرة لكل اموات المسلمين وان يدخلهم فسيح جناته ويصبرنا على فراقهم ويلحقنا بهم في جنة الخلد .انا اسفة على اطالتي لكن فعلا كل قصيدة بقرأها لحضرتك بتمس حاجة جوايا وبتجبرني على التفاعل معها والتأثر بها مش انا بس اكيد الكلام ده لأنه طالع من القلب أكيد مصيره في الاخر الى القلب واشكرك حقا على قصائدك الرائعة اللي كلها بترجم شخصيتك وتوضح لكل واحد سبب نظرة الحزن اللي في عينيك واللي ممكن اي حد انه يلاحظها حتى لو شاف حضرتك مرة او مرتين
انا اسفة مرة تانية وادعو الله لك بالتوفيق والنجاح

Anonymous said...

السلام عليكم ورحمة الله وبركاته
في البداية احب اوضح ان القصيدة الرائعة دي انا قرأتها في المعرض وكمان سمعتها منك في الروند لكن كل مرة بسمعها كأني بسمعها لأول مرة.

ربنا يكرمك ويرحم والدك يا رب و يرحم والد احمد ويرحم جميع الموتى المسلمين.

انا بس هطلب من كل واحد هيقرأ القصيدة انه مش بس يقول الله دي قصيدة تحفة دي جميلة!!! لكن انا عايزة كل واحد بعد ما يقرأها يدعي دعاء ولو صغير لأي حد متوفي هوه كان يعرفه وكمان يدعي لكل المسلمين

اللهم اجعل قبورهم روضة من رياض الجنة ولا تجعلها حفرة من حفر النار.اللهم انسهم في وحدتهم وانسهم في وحشتهم وانسهم في غربتهم.اللهم انزلهم منازل الصديقين و الشهداء والصالحين وحسن اولئك رفيقا
{H}

عمر said...

ياه يامحمود ، انت بتنزل امته يا ابني ... نفسي مره ابقى أول تعليق
لكن .. بسم الله ما شاء الله حبايبك كتير ، بس إن شاء الله هفضل وراك لحد ما ابقى أول تعليق

طبعا في البداية بنقول البقاء لله لأخونا أحمد فتحي ولأخونا محمد علام

ثانيا .. أنا متهيألي انك كنت حاططها على المدونة في الذكرى الخامسة لوالدك رحمه الله .. ولا انا غلطان
وبرضه متهيألي انك قلتها في الراوند عندنا
لكن والله كأن الواحد بيسمعها لأول مرة ، ومتهيألي حتى لو سمعتها كتير برضه الإحساس بيختلف كل مرة

أنا باهدي المقطع اللي جاي لكل واحد أبوه وأمه عايشين ، زي ما اهديتها قبل كده في الراوند

حين ابتسمت و لم أجدك بجانبي
لمّا بكــــــيت و لم أجدك بجانبي
أدركت ما معني..........." أبي

...............................

كان نفسي والله يا حوده يبقى عندي حاجة ليك أو لفرج أو لتوفيق كنت هحطها عندي على المدونة ، ولكن إنشاء الله ربنا هيكرمني بيها
وعلى العموم مقطع لمصطفى علام ولـ د/ سالم عندي على المدونة .. ابقى شرفني وزوارك الكرام

تحياتي

أحمد سعيد بسيوني said...

بسم الله
بقيت أنت بداخلي كي نلتقي... رغم افتراق
جميلة جدا
رحم الله والدك فقد ربى وها انا ارى اثر ذلك فيك
حفظك الله ورعاك وجعل الجنة مثواك
تحياتي الخالصة

د/اجدع بنوته said...

ربنا يرحمه ويرحم والد احمد

ويرحم امواتنا جميعا

قصيده صعبه اوىىى

بس هكذا هى الحياه سلسله م الفراق

محمود ابوالعزم said...

nan

ربنا يكرمك ويحفظك يا رب
جزاك الله كل خير على كلامك
ربنا يرحمنا جميعا

محمود ابوالعزم said...

ثeng_eman

آمين لدعائك
ربنا يكرمك ويحفظك

محمود ابوالعزم said...

kemet

سعيد جدا بتشريفك للمدونه
وشكرا على كلامك
ربنا يلهمنا جميعا الصبر

محمود ابوالعزم said...

عندما تنهمر الدموع

اولا ماتعتذريش تاني على رددودك الطويله
انتي كلامك دايما جميل
وبيضيف كلام للكلام اللي بيبقى في البوست
وببقى سعيد جدا بيه

ربنا يكرمك ويوفقك ويستجيب دعائك
أما موضوع نظرة الحزن ده
فلازم ان شاء اللله اشوفله حل
لان ناس كتير اوي قاولوي عليه
ربنا يبعد الحزن عننا جميعا

محمود ابوالعزم said...

H

{ربنا يكرمك و يا رب تكون كل الناس سمعت اقتراحك الجميل
وشكرا لردوك اللي نورت المدونه
وانا هرد بالذات على ردك على قصيدة نظرتك معناها ايه
شكرا جدا مرة تانيه ليكي

محمود ابوالعزم said...

عمر حبيب قلبي

ازيك يا عمر
انا بنزل كل يوم تلات ان شاء الله
وهبقى سعيد لو انت بقيت أول تعليق
انا كنت حاطط القصيده هيدر للمدونه
بس اشتالت في حركة التغيير الأخيره
ان شاء الله أعملها تاني
بس كانت الذكري الرابعه مش الخامسه
وبعيدن يا عمي انا وسالم ومصطفي وفرج واحد
الممهم انك حطيتي حاجه لينا
وبالنسالي نا متعوضه ان شاء الله

محمود ابوالعزم said...

أحمد سعيد

ربنا يكرمك يا ابو حميد
منور المدونه
وجزاك الله كل خير على كلامك الجميل

محمود ابوالعزم said...

دكتوره أجدع بنوته

ياااااااااااااااه
بقالك كتير ماشرفتنيش على المدونه
واتمنى التعليق ده
مايكونشي مرور الكرام كده
ماشي؟؟؟؟؟

DR-KOKO said...

سلمت يدك التي كتبت
وسلم قلبك الذى احس
وسلم شعور الاخوه الذي بينك وبين صديقك
ورحم الله والدك
واقر عينه برؤيه الرسول في الجنه
وجعله الله لك سببا في الرحمه
وغمد روحه اعالى الجنان
انه ولي ذلك ومولاه



بجد تسلم ايدك الكلمات اكتر من رائعه