رسالة ٌ...الي قلبي

Tuesday, May 20, 2008

الدنيا...بحر ٌ نغرق فيه دون أن ندري...وتظن قلوبنا خطئا ً أننا قد وصلنا لبر النجاة
ازيكم يا جماعه
يارب تكونوا كلكم بخير
يمكن تكون القصيده اللي هنشرها النهارده مافيهاش شعر اوي
يعني ماحدش يدور على الصور الجماليه والمحسنات البديعيه والحاجات اللي ماكنتش بحبها ايام الثانوي دي
هي رساله صغيرة جدا
حاولت اكتبها لقلبي ولكل قلب زي قلبي
القلوب اللي الدنيا وخداها وابتدت تنسى وسط زحمة الدنيا اللي احنا عايشينها
والقلوب اللي بقالها كتير اوي بعيدة عن ربنا بس للأسف لسة مش حاسة
اللي مش لاقي ليها تشبيه غير تشبيه النبي صلى الله عليه وسلم انها قلوب صدّت
كثيرون منا يطيلون البعد عن الله لمجرد انهم استحوا أن يطرقوا باب عفوه من بعد طول العصيان ولا يعلمون أنهم لو أخلصوا نية الرجوع فسوف يجدون باب الله مفتوحاً من قبل حتى أن تمتد أيديهم لتطرقه
أنا المرادي اللي بطلب من كل حد هيقري القصيده انه يبعت اللينك لكل الناس اللي يعرفهم ...يمكن يكونوا شويه الكلام البساط دول حاجه تنحط في ميزان حسناتنا
ان قمة البعد عن الله ليس أن تشعر أنك بعيدا عنه ولكن أن تشعر انك أصبحت غير قادر ٍ على العودة اليه مرة أخرى وقمة القرب من الله ليس أن تشعر أنك قريبا منه ولكن أن تتأكد أنك لن تستطيع الحياة لحظةً واحدة ً بعيدا عن رحابه
رسالة ٌ...إلى قلبي
فؤادي.. لــمْ تعـــــد أبدا فؤادي........... أمـــا آن الأوان لكي تفـــــــــيقْ

طـــــــريق الله قد نادي علينا...............فمالك لست تأخـــــــــذه ُطريقْ

لما أشعـــــــلت ذنباً بعد ذنب ٍ ............ولست تجــــــــيد إطفاء الحريق

وتطلب في الدُنا عوناً فتمسي ............غريقا ً مستـــــــعيناً بالغــــــريق

أغرّك أن للــــــــــــدنيا بريقاً ؟...........غداً يا قـــــــلب سيـزول البريق

أغـــــــرّك أنني حــــرٌ طليقٌ ؟...........غدا في القـــــبر لن أمسي طليق

أغرك كثرة الخلان حــــولى؟.............غدا يا قلـب يتـــــــركنا الصديق

فمن يبقى إذا ما أفــــــردوني ............. أسير الذنــــب في لحــد ٍ عميق

وضاع المال وانتهت الأماني..............وصار الأهل وانصرف الشقيق

قلـيل الزاد.... ممتلئ الخطايا...............كثير الذنب..معــــــدوم الرفـيق

و قد نشرت صــــحائفنا وكلٌ...............لــه ُ دارٌ بما يجــــــني تلـــــيق

وسيق المتـــــــقون إلى جنان ٍ ............ و وفد ٌ نحــــو درك النار سيق

فريقٌ في اللظى وفـــريق طه...............فهل ترضي بأيــــــــهما فريق؟

أفق يا قلـــبُ من طول التمني..............فــَقــَـيْدُ الذنب قــد أمسي وثيق

أفق يا قلبُ إنك لــــست تدري ............زفيرك هل سيتــــبعه ُ شهـــيق؟
أيا قلبي

لنـــا ربٌ سيـــــكــــفينا
ولا ينســـــاك ان تنساهْ
لنـــا ربٌ ينــــاديــــــنا
لما لا تستـــــجيب نداهْ
وان ضـــــاعت أمانينا
لما لا تحـــــتمي بحماهْ
وكل الفـــــخر يأتيــــنا
إذا سجـَـــدَتْ إليه جباهْ
و ما زاد ٌ بأيــــديــــنا
إذا حــــــــانت لنا لقياهْ
تذكــــــــر أن ّ بــارينا
يراك وأنـت لست تراهْ
وان زاد الأســـــى فينا
فقط...لا تنس َ ذكرَ الله

19 comments:

Anonymous said...

السلام عليكم ورحمه الله وبركاته
مش قادره اقولك علي احساسي دلوقت وانا بكتبلك الكومنت ده انت ازاي كده ازاي بتكتب اللي جوه الواحد كده كلام كتير جوانا مش بنعرف نطلعه لما بفتح المدونه بتاعتك واقرا البوست بتاعك بلاقيك بتوصفه بالظبط
بلاقي مكتوب قدامي
مش هقولك غير ربنا يديم عليك احساسك وجمال روحك ويهديك ويقربك منه ويكرمك ويكرمنا كلنا
وطبعا انا مبسوطه جداا اني اول كومنت علي القصيده دي وشكرا علي ردي عليا في البوست اللي فات

Anonymous said...

ان قمة البعد عن الله ليس أن تشعر أنك بعيدا عنه ولكن أن تشعر انك أصبحت غير قادر ٍ على العودة اليه مرة أخرى وقمة القرب من الله ليس أن تشعر أنك قريبا منه ولكن أن تتأكد أنك لن تستطيع الحياة لحظةً واحدة ً بعيدا عن رحابه

نسيت اقولك ان الكلام ده عجبني جدااااااااااااا يمكن اكتر من اي كلام قريتهولك قبل كده

Anonymous said...

elrousha
السلام عليكم ورحمة الله وبركاته
صراحة قصيدة حضرتك ماخليتناش نفكر في اي محسنات بديعية ولا اي حاجة من الكلام ده لان الجمال في القصيدة بيكون في معناها وحضرتك فعلا عندك حق لاننا فعلا بعدنا عن ربنا في الوقت اللي احنا محتاجين ليه اوي بس فعلا كل مشاكل الدنيا خليتنا نبعد كتير عن ربنا وانا ان شاء الله هوجه لقلبي نفس رسالة عشان نرجع تاني لربنا ونطلب منه العفو والسماح

Anonymous said...

السلام عليك

طبعا الله ينور عليك
ويزيدك كمان وكمان

والله ما لاقيه كلام اقوله
لان اى كلام هقوله هيبقي تافه

بس فيه بيتين هقولهم

حسبي نفسي عزا أننى عبد
يحتفي بي بلا مواعيد رب

هو في قدسه الاعز ولكن
انا القي اليه متى وحين احب

بارك الله فيك

pure blue

Anonymous said...

السلام عليكم ازيك يا دكتور محمود
اولا انا مبسوطه جدا جدا ان حضرتك بقيت تكتب كل ثلاثاء زي ما اتعودنا منك .
والله انا مش عارفه اقولك ايه المره دي ولا لاقيه اي كلام اكتبه يعبر فعلا انك انسان رائع جدا وحساس جدا وكلامك حلو اوي اوي فوق المعقول .القصيده دي فعلا يا ريت كل الناس تقرأها بجد لانها فعلا لمست حاجه الناس معظمها اعتقد انهم بدأوا يفقدوها وهي القرب من ربنا بمشاغل الحياه بتفاهات ملهاش داعي باي حاجه بس فعلا لو قرأوا الجمله الرائعه جدا دي من هنا اعتقد ان كل واحد هيبتدي يراجع نفسه تاني الف مره.

ان قمة البعد عن الله ليس أن تشعر أنك بعيدا عنه ولكن أن تشعر انك أصبحت غير قادر ٍ على العودة اليه مرة أخرى وقمة القرب من الله ليس أن تشعر أنك قريبا منه ولكن أن تتأكد أنك لن تستطيع الحياة لحظةً واحدة ً بعيدا عن رحابه
الجمله دي عجبتني جدا جدا جدالانها بجد حلوة اوي بتلخص الموضوع كله في كلمات معبره جدا جدا .
عجبني كمان بيتين في القصيده

وضاع المال وانتهت الأماني..............وصار الأهل وانصرف الشقيق

أفق يا قلبُ إنك لــــست تدري ............زفيرك هل سيتــــبعه ُ شهـــيق
ده ما يمنعش ان كل القصيده تحفه بجد .انا بشكرك جدا يا دكتور محمود علي كلامك الرائع ده وانا ان شاء الله هبعت اللينك لكل اصحابي اللي ما يعرفهوش وربنا يوفقك ويكرمك ويحفظك يارب دايما.....
وانا هختم كلامي بدعاء صغير خالص وهو


اللهم لاتجعل الدنيا اكبر همنا
Amert Alhozn

صناع المحلة الكبرى .. دواهم في غيدك said...

لا أله الا الله
:)

لك تحياتي

Anonymous said...

روعة...........
لا اله الا انت سبحانك
اني كنت من الظالمين
................................

quiet_storm said...

ربنا يبارك فيك ويجعله فى ميزان حسناتك ان شاء الله
....

وان زاد الأســـــى فينا
فقط...لا تنس َ ذكرَ الله

نهايه جميله جدا

تحياتى ودعواتى بالتوفيق

عندما تنهمر الدموع said...

السلام عليكم ورحمة الله وبركاته
في البداية احب اشكر الصديقة *اميرة الحزن* على كلامها الجميل
في النهاية لا اجد ما اشكرك به غير الدعاء لك بالنجاح والتوفيق والدعاء لعامة المسلمين بأن يغفر الله لنا ويتقبل منا ويهدينا طريق الرشاد
اما اكتر جزء عجبني هو غريق مستعينا بغريق لأننا مهما استعنا بناس مش دايما هيقدروا يفيدونا لأنهم بشر لا يدركوا الحكمة الالهية وراء ما يحدث لنا
اما بالنسبة للقصيدة فهي رائعة بكل ما تحمله الكلمة من معاني لأنها بتجسد ما يعانيه الانسان من متناقضات وصراع نفسي بين رغباته الدنيوية التي لا تنتهي ومن فطرته التي فطر عليها وهي حب الخير والرغبة الدائمة في التقرب من خالقه كما تبين لنا كيف ان الشيطان بألاعيبه واساليبه الملتوية يحتال على عقولنا وينسينا ذكر الله ويجعلنا نظن بأننا دائما بعيدين عن الله وان التوبة شئ مستحيل مع كثرة ذنوبنا وان طريق الله صعب الاهتداء اليه مما يجعلنا نتمادى في عصياننا وطغياننا وننسى كلام الله في الذكر الحكيم والذي يحفزنا دائما على التقرب من خالقنا لأنه قريب يجيب دعوة الداعي وينقذ المستغيث ويساعد المحتاج كما ان القصيدة حملت اسلوبا من الترغيب والترهيب حيث تمثل الترهيب فيها في التحذير من التمادي في طريق الشيطان والاقرار بانه مهما كنا والى اي حد بلغنا او ملكنا من العلم والجاه والمال فان كل هذا زائل وانه يوم يموت الانسان يكون وحيدا في القبر لااهل ولامال ولاحبيب ولا رفيق ولاماء ولازاد ولن ينفعه حينئذ الا عمله الصالح ودعاء اهله له وكيف كانت صلته بخالقه اما الترغيب فتمثل في التحفيز على التقرب من الله وعدم الخوف من طرق بابه لأنه مفتوح دائما امام العاصي والمطيع سيان وان ابواب السماء مستعدة لاستقبال رجائنا ودعائنا وان الله تعالى يفرح بتوبة عباده وهو مستعد لتقبله

هبهوبه said...

السلام عليكم يادكتور محمود
ربنا يباركلك ويجازيك خير عن كل رسالة بتبعتها عبر قصايدك
خيركم من تعلم العلم وعلمه وإنت بتقرأ وبتتعلم وبتحاول تترجم كل معلوماتك وكل مشاعرك لكلام سهل وتنشره
وتحاول توصله لقلوب كل الناس حقيقي أنا كنت أتمنى إني أملك وسيلة أقدر أوصل لكل القلوب بيها لكن إنت حققت الأمنية دي وبحس إن كل اللي نفسي أقوله بسمعه منك وبلاقي كل الناس بتقرأه وتفرح بيه بس أنا نفسي إن كل اللي يكتب كومنت يكون كاتبه من قلبه ويكون صادق فيه فعلاً من غير مجاملات يعني موش يكتب لمجرد الكتابه وخلاص
أنا كمان كان نفسي أعرف أخواتك ووالدتك علشان أعرفهم إنهم لازم يفتخروا بيك وبكتاباتك وموش يزعلوا منك أبداً
وبجد بتمنى ربنا يوفقك في كل حياتك
ويرزقك كل اللي بتتمناه
ويجعل القصيدة دي في ميزان حسناتك

Little Angel said...

الله عليك يا محمود ..ما شاء الله سلمت يمينك يا صاحب القصائد الزهدية التصوفية ..كان اول لقب سميتك بيه لما اتقابلنا فى المعرض فى سنة 2 وانا كنت 3 ايييييييييه ايام ..وحمد لله عرفت انسان مثلك وكفى بخلقك شاهد باعتبره اخ عزيز جدا عليا ..من فرط الروعة ما وجدت ما اقوله وتستحقه ..زادك الله تقوى وبارك فيك واكرمك ويارب يهدينا كلنا ..كل ثلاثاء بانتظارك تمتعنا ..تحياتى

Anonymous said...

ياه عليك يا دكتور موضوع مناسب فى الوقت المناسب والله انا كنت بفكر فى المو ضوع ده بس كنت محتاجه حد يدفعنى خطوة لامام ربنا يبارك فيك بجد الموضوع اكثر من رائع بس انا كنت عايزه اسال سؤال هو حضرتك بتختار الموضوع اللى هتكتب فيه الاول ولابتكتب وزى متطلع وبعدين احنا قلنا علماء من قرية العلماء نلاقى شعراء وموهوبين بجد كمان مافيش رسامين بقى يلا بقى كلامى مش مترابط بس معلش المره الجايه يكون مترابط وفى النهايه انا بشكرك على موضوعاتك الجميله ------------امضاء-----انسان

semsema said...

اللهم بارك فيك وفي موهبتك
القصيدة رائعة ومعبرة جدا ماشاءالله
يوم عن يوم بيتأكدلي إنك فعلا إنسان
ذو إحساس عالي في أي شيء بتكتبه
بداية من إختيار عنوان القصيدة
وختاماً بنهاية القصيدة
ربنا يكرمك يامحمود
ويحققلك كل اللي تتمناه في الدنيا والآخرة

خالص مودتي وتحياتي

dina said...

سلام عليكم
روعه روعه يا محمود
سبحان الله ربنا بيبعتك بكلمات فى وقت ما حد بيكون محتاجها
مش هقول رد عليك الا
جزاك الله خيرا ربنا يرضى عنك ويجمعنا كلنا فى الفردوس يارب

Anonymous said...

السلام عليكم\بسم الله ماشاءالله..كلمات ومعانى قمة فى الروعة والجمال..جزاك الله خيرا..لااله الاانت سبحانك انى كنت من الظالمين..ربى اني ظلمت نفسى ظلما كثيرا وانه لا يغفر الذنوب الاانت فاغفر لى..انك انت الغفور الرحيم...ربنا يوفقك د\محمود..اكثراكثر جملة اثرت فيا"افق ياقلب انك لست تدري.....زفيرك هل سيتبعه شهيق؟؟؟" SOUL

۩۝۩ Dr. Flavio ۩۝۩ said...

لا إله إلا الله .. ما لنا رب سواه
ربنا رب القلوب .. وهو علام الغيوب
في الشروق وفي الغروب .. نوره يهدى العصاه
ربنا الهادي الودود .. فضله ملء الوجود
عفوه خير و جود .. فارتجي دوما رضاه
ربنا الحي الرقيب .. يقبل العبد المنيب
فهو رحمن مجيب .. للدعاء ومن دعاه


دي انشوده جميله قوي لمشاري راشد ..أول ما قريت تلك القصيدتين .. سمعتها .. وقلت ياريت تسمعوها معايا


تحياتي ومدوتي

باجوجو said...

بصراحة إنت جبت م الآخر
أنا فعلا كنت محتاج نصيحة جامدة زى دى
وشعرك طبعا جميل زى ما عودتنا
وربنا يزيدك ويوفقك

Anonymous said...

اللهم انا عبيدك بنو عبيدك بنو امائك.نواصينا بيدك ماض فينا حكمك عدل فينا قضاؤك..نسألك اللهم بكل اسم هو لك سميت به نفسك أو انزلته في كتابك أو علمته أحد من خلقك أو استأثرت به في علم الغيب عندك..أن تجعل القران العظيم ربيع قلوبنا.و نور صدورنا و جلاء احزاننا و زهاب همومنا و غمومنا...

اللهم اغفر لحيينا و ميتنا و زكرنا و أنثانا و كبيرنا و صغيرنا..

اللهم اغفر لجميع موتى المسلمين و وسع لهم في قبورهم و مد بصرهم و افرش قبورهم فراش الجنة..اللهم اجعل قبورهم روضة من رياض الجنة ولا تجعلها حفرا من حفر النار.

انا باتأسف انني طولت بس بجد ربنا يكرمك يا دكتور محمود و يكرمنا كلنا و يهدينا لما فيه الخير و يحسن خاتمتنا جميعا
{H}

Anonymous said...

السلام عليكم ورحمة الله وبركاته مشكور اخي الكريم وبصراحة لاول مرة في حياتي اقرء شعر معاصر بهده الروعة لاني كنت لا احب الا الشعر القديم شعر احمد شوقي وابو العتاهية و المتنبي وغيرهم ممن سبق ولولم اقرء التاريخ لاقسمت انه صاحب هدا الشعر من اصحاب المعلقات مشكور وماأجمل شعرك وروحك يلي تحس بكل هدا الأحساس الرائع ولكن عندي رجاء بان تحاول تقرء المحسنات البديعية باعطائك وقت للباغة لانها والله تتفق مع احساسك وشعرك الرائع واحب ابدي اعجابي الشديد للعنوان الرائع والله احسنت الأختيار