الدعوة عامة

Saturday, June 14, 2008

بسم الله الرحمن الرحيم
الحاج عزام ابراهيم عطا الله..................الحاج عبد الباري عبد الوهاب أبوالعزم
                                         الدكتور محمود سليمان أبوالعزم(أنا يا جماعة)واخدين بالكم

يتشرفون بدعوة سيادتكم والعائله الكريمة لحضور حفل عقد قران وزفاف

نجل الأول......................وكريمة شقيق الثاني وشقيقة الثالث
الدكتور أحمد..............................................الدكتورة حنان

وذلك بمشئية الله تعالى في الساعه التاسعة من مساء يوم السبت الموافق14/6 بقاعة السعد
امتداد طريق الغزل طنطا
والعاقية عندكم في المسرات
تلغفرافيا..أبوالعزم وعطا الله
ودامت دياركم عامرة بالأفراح
مطبعة دار الصحوة بالسنطة



14 comments:

محمود ابوالعزم said...

السلام عليكم ورحمة الله
ازيكم يا جماعه
انا عارف ان الدعوه اتاخرت كتير
كان نفسي اعملها ليله الفرح
واجيب الكارت واصوره واحطه هنا
عشان تبقى الدعوه عامه لكل الناس
بس حصلت ظروف امبارح ومش قدرت ادخل نت
يارب تقروا الدعوه النهارده
ويارب كلكم تشرفونا
بالتوفيق للجميع
بس بذمتكم
اسمي مش منور الكارت

Anonymous said...

السلام عليكم ورحمه الله
الف مبرووووووووووووووووووووك يادكتور محمود وعقبالك ان شاء الله لما نيجي فرحك كلنا بس انت ساعتها هتبقي محتاج تعمله في الاستاد عشان يكفي كل الناس اللي هيبقي نفسها تحضر
والله من غير دعوه احنا اصلا كان نفسنا نحضرفرح اختنا كلنا مش اختك بس علي فكره بس نعمل ايه بقي الظروف
ياريت توصلها سلامنا كلنا وقلها الف مبروك من اخوات ليكي عمرك ماشفتيهم

Anonymous said...

الف مبروك يارب يتمم بخير
وعقبال البكاري زي مبيقولوا

Anonymous said...

السلام عليكم
الف مليون مبروووووووك يا دكتور محمود مبروووووووك يا دكتوره حنان ربنا يتمملك بخير ان شاء الله ويديم عليكي الفرح ان شاء الله ويجعل ايامك كلها سرور وسعاده وعقبالك يا دكتور محمودان شاء الله تنور الكارت بتاعك زي ما حضرتك منور كارت حنان كده .
مرسي جدا علي الدعوه وبلغ حنان مباركتنا ليها وتهانينا .
اه شكل البلوج الجديد للمدونه بجد تحفه اوي والصوره والكلام اللي فوق كمان رائعين بجد.
مبروك مره تانيه
Amert Alhozn

semsema said...

لو ممكن ابعت صوت كنت بعتلك أحلي صوت زغرودة لدكتورة حنان
ألف مليون مبروك يامحمود وعقبال يارب اسمك ما ينور كارتك زي ما منور كارت اختك
مبروك لكل العائلة الكريمة وعقبال ما يفرحوا بيك
كان نفسي آجي بس النفسية والعصبية بئه
بس لن أتنازل عن الحاجة الساقعه
منتظراها
تحياتي

Anonymous said...

elrousha
الف الف مبروك لدكتورة حنان وربنا يسعدها وطبعا اسم حضرتك منور الكارت وعقبال يارب ما حضرتك تنور الكوشة ويومها اكيد كلنا هنيجي عشان ناخد حتة من التورتة.

عندما تنهمر الدموع said...

السلام عليكم ورحمة الله وبركاته
الف الف مليون مبروك ياد/محمود للدكتورة حنان ويارب ايامكم تكون كلها فرح وسعادةوربنا يكرمها ويرزقها الذرية الصالحة وعقبال ما يكون اسم حضرتك منور الكارت مكان اسم العريس ياريت حضرتك تبلغها ان احنا كلنا هنا بنبارك لها

محمود ابوالعزم said...

ربنا يبارك فيكم كلمك يا جماعه
عقباكلوا جميعا ان شاء الله
وان شاء الله هوصل لحنان التهاني دي كلها
بس هو مافيش نقطة ولا ايه؟؟؟؟
شفوي كده وخلاص

ربنا يعزكم ويحفظكم جميعا

GEHAD said...

مبرووووووووووووووك لأخت حضرتك وعقبال حضرتك
بارك الله لهما وبارك عليهما وجمع بينهما في خير
معلش متأخرة تقبل خالص تهانيّ وأمنياتي لها بحياة يملؤها السعادة بإذن الله

۩۝۩ Dr. Flavio ۩۝۩ said...

بس هو مافيش نقطة ولا ايه؟؟؟؟

نقطه؟؟؟

يا عم رووووووووووووح

مش كفايه مشينا من غير عشا

عموما أنا مستني الكحك .. لو مجاش هيبقى فيه كلام تاني


ألف مبروك يا حوده وعقبالك قريب كده وساعتها هتشوف.. هعمل معاك احلى واجب

ربنا يكرمك ويوفقك .. دعواتك

شق القمر said...

معلش يا فلافيلو ... دائما الاكل يوم الفرح بيكون عالعريس فدى تعديها
النقطة بقى فى جيب محمود ودى احنا عايزنها
خاصة انى مش اعديلك ابدا عدم دعوتك لينا
لا وكمان انت عارف اد ايه مستنية البوم ده
بس يلا متعوضة وتيجوا فرحى بس مش اجى فرحك ... رخامة ليس الا :)
سلامى لحنان كتيير
كان نفسى اشوفها فى الكوشة
باركلها كتييير محمود
وان شاء الله اشوفها تالت فى فرحك بقى :)
سلام عليكم

Anonymous said...

ازيك يامحمود
الف الف مبروك
جت متاخر شويه
بس والله لسه داخله النهارده
الف مبروك مره تانيه
واسمك منور الكارت
وعقبال ماينور كارت فرحك
ان شاء الله
هبه

عمر said...

ألف ألف مبروك ياحودة وعقبالك

وبعتذر للمرة العاشرة عن الحضور لظروف امتحان النفسية والعصبية ، بس انا كنت بعتلك تهنئة وانت داخل الفرح ما اعرفشي وصلت ولا لأ

على العموم ، فعلا أنا كنت حزين جدا إني ما قدرتش أحضر لكن قدر الله وما شاء فعل

وبارك الله لهما وبارك عليهما وجمع بينهما في خير

وعقبــــــــــــالك
وعقبالنا كمان

تحياتي

عمر said...

بالمناسبة ياحودة اسمك طبعا منور الكارت

وبالمناسبة كمان ... النيولوك بتاع المدونة جميل جدا

ربنا يبارك لك فيها ، ويبارك لها فيك