اعزمنا انت

Monday, September 8, 2008

السلام عليكم ورحمة الله
ان القلوب التي لا تعرف معني الصيام تري فيه حرمانٌ من اللذه
أما القلوب التي تعرفه فتري فيه لذة الحرمان
أنا متشكر أوي على كل تعليقاتكم واختيارايتكم الموضوع اللي فات
حبيت استغل الوقت اللي دخلت فيه نت النهارده اني اعمل بوست جديد
بس البوست بتاع النهارده انتو اللي هتكتبوه
الفكرة جتني بقالها كتير بس ماكنتش عارف اعملها ازاي
كنت ماشي مع واحد من اعز اصحابي بعد درس قرآن
فجه على بالي السؤال ده
القرآن كله جميل طبعا
بس ايه اكتر آيه بتحبها في القرآن
وايه اكتر آيه لما تقراها بتخاف اوي
الآيه اللي كان بيحبها
كانت زي معظمنا
بسم الله الرحمن الرحيم
قل يا عيادي الذين أسرفوا على أنفسهم لا تقنطوا من رحمة الله
إن الله يغفر الذنوب جميعاً
...........
صدق الله العظيم
أما الآيه اللي كان بيخاف منها فكانت
بسم الله الرحمن الرحيم
أم حسب الذين اجترحوا السيئات أن نجعلهم كالذين آمنوا وعملوا الصالحات
صدق الله العظيم
وقال انه في كل حاجه صعبه تحصله بيخاف يكون ده عدم رضا من ربنا عنه
لانه من الذين اجترحوا السيئات
انا لما سمعت الايه حسيت اني بسمعها لاول مرة
وبقيت لما بقراها في المصحف بقف عندها كتير اوي
رغم اني قبل كده كنت بعدي عليها يمكن من غير ماخد بالي
من هنا بقيت بسأل السؤال ده لناس كتير
لانهم بقوا بيوروني آيات وتأملات في القرآن لأول مرة اشوفها
انا شخصيا بحب سورة الزمر جدا جدا جدا جدا
وأكتر آيه بحبها فيها وفي القرآن
وبقولها لنفسي كل ما حاجه تضيع مني
بسم الله الحرمن الرحيم
أليس الله بكافٍ عبده
صدق الله العظيم
اما أكتر آيه بتخوفني
فهي جزء من آيه بيخليني أرتعش من جوايا
بسم الله الرحمن الرحيم
أحصاه الله ونسوه
صدق الله العظيم
وآيات كتيرة تانيه
بس دلوقتي دوركم انتو تجاوبوا على السؤال ده
وتأكدوا ان الآيه اللي هتقولوها وتقولوا تأملكم فيها
يمكن تسيب أثر جوة حد فينا نؤجر عليه كلنا ان شاء الله
مستني اجاباتكوا كلكم

20 comments:

أحمد سعيد بسيوني said...

اول تعليق

ولي عودة

تحياتي

dina said...

ايه ده هى بالحجز ولا ايه؟
طب تانى تعليق

dina said...

موضوع جميل جدا يا محمود
انت اخدته من دماغى
معلش المهم خرج للنور
اكتر ايه بحبها
" الا بذكر الله تطمئن القلوب" ولى معاها مواقف كتير وسبحان الله ساعات بشوفها فى كذا مكان بروحه
بحس ان قلبى مطمن اوى

اكتر سوره بحبها سوره مريم وسوره يوسف

اكتر ايه بخاف منها
" تكاد السموات يتفطرن منه وتنشق الارض وتخر الجبال هدا أن دعوا للرحمن ولدا "
" ون منكم الا واردها "
صدق الله العظيم
سوره مريم
كل واحد فينا هيعدى على النار
دى بتخلينى مرعوبه ياترى هعدى ولا هقع؟
يا ترى الاسواط من نار هتشدى ولا هنجو؟
يارب نجنا منها

الايه التانيه
بزعل فيها او من نفسى ومننا كلنا
الارض والسما والجبال هتتفرتك لما الناس غلطوا وقالوا كلام مش يصح ابدا
بحس اننا مش بنعمل حاجه
وبحس ان زما يكون الارض والسما والجبال نفسها تنتقم للعزيز الجبار مننا

ربنا يهدينا ويتوب علينا ويتقبل منا فى رمضان ويجعلنا من عتقاءه
يارب افتح علينا واستخدمنا
وسامحنا على تقصيرنا

ومعلش طولت عليكم

Anonymous said...

السلام عليكم ورحمة الله وبركاته
موضوع هايل ومختلف وحلو جدا يامحمود وبجد هيخلينا نحس بمعاني آيات كانت بتعدي علينا ومش حاسين بمعناها
اكتر آاية بخاف منها هي دي((ومن يعش عن ذكر الرحمن نقيض له شيطانا فهو له قرين)) وكمان الآية اللي في سورة الكهف((قُلْ هَلْ نُنَبِّئُكُمْ بِالأَخْسَرِينَ أَعْمَالا

الَّذِينَ ضَلَّ سَعْيُهُمْ فِي الْحَيَاةِ الدُّنْيَا وَهُمْ يَحْسَبُونَ أَنَّهُمْ يُحْسِنُونَ صُنْعًا)) الآيتين دول بجد بيرعبوني يعني ممكن الواحد يكون فاكر نفسه صح وهو ماشي غلط خالص
أما أكتر آية بحبها(( إنما يوفى الصابرون أجرهم بغير حساب)) وآيات تانية كتير لكن مفيش في بالي غير دي دلوقتي

quiet_storm said...

السلام عليكم ..ازيك يامحمود فكره بجد
جميله....
انا ايه بحبها وبحب ديما اكتبها

وَمَن يَتَّقِ اللَّهَ يَجْعَل لَّهُ مَخْرَجًا***
وَيَرْزُقْهُ مِنْ حَيْثُ لَا يَحْتَسِبُ وَمَن يَتَوَكَّلْ عَلَى اللَّهِ فَهُوَ حَسْبُهُ إِنَّ اللَّهَ بَالِغُ أَمْرِهِ قَدْ جَعَلَ اللَّهُ لِكُلِّ شَيْءٍ قَدْرًا (الطلاق)
وكتير جداااااااا غيرها
**********

والايه اللى فعلا بتخلينى اخاف جدا وافكر كتير فى حياتى واتخيل يوم القيامه وانا هبقى عامله ازاى

قُلْ هَلْ نُنَبِّئُكُمْ بِالْأَخْسَرِينَ أَعْمَالًا
الَّذِينَ ضَلَّ سَعْيُهُمْ فِي الْحَيَاةِ الدُّنْيَا وَهُمْ يَحْسَبُونَ أَنَّهُمْ يُحْسِنُونَ صُنْعًا
(الكهف)

أَفَأَمِنَ الَّذِينَ مَكَرُواْ السَّيِّئَاتِ أَن يَخْسِفَ اللّهُ بِهِمُ الأَرْضَ أَوْ يَأْتِيَهُمُ الْعَذَابُ مِنْ حَيْثُ لاَ يَشْعُرُونَ (النحل).ه

من السور اللى بحسها قريبه منى اوى واحب اقراها كتير الكهف ويوسف والمؤمنون وغافر

موضوع جدا رائع
جزاك الله خيرا على الفكره الرائعه

Anonymous said...

السلام عليكم ورحمة الله وبركاته
جزاك الله خيرا يادكتر بجد جميله الفكره
دى
انا اكتر ايه بخاف منها(وقدمنا إلى ما عملوامن عمل فجعلناه هباء منثورا) يعنى احنا ممكن مع كل اعملنا من صلاة وصيام وغيرها لو مفيش اخلاص فيها وفيها رياء ممكن كل ده يبقى هباء ا منثورا يوم القيامه حاجه ترعب فعلا وخصوصا ان الرياء دا اخف من دبيب النمله والرسول عليه الصلاه والسلام يقول(اللهم انى أعوذ بك من ان اشرك بك شىء أعلمه وأستغفرك لما لا أعلمه) فياريت كلنا ندعوى الدعاء دا عشان ما حدش ضامن نفسه
واكتر ايه بحبها فى سوره التين(إلا الذين آمنوا وعملوا الصالحات فلهم أجر غبر منون)يعنى لما نكبر ان شاء الله او يجى فى يوم ما نقدرش نعمل العبادات اللى احنا اتعودنا نعملها ربنا سبحانه وتعالى الكريم هيدينا ثواب العبادات دى اكننا بنعملها
اسفه للاطاله

عندما تنهمر الدموع said...

السلام عليكم ورحمة الله وبركاته
ازيك يا د/محمود يارب تكون بخير ورمضان كريم بصراحة موضوع النهاردة من اجمل المواضيع اللي قريتها على المدونة وان شاء الله هتاخد عننا ثواب كبير لأنك خليت كل واحد فينا يعيد النظر في ايات الذكر الحكيم اللي بيقراها بصراحة السؤالين اللي المفروض نجاوب عليهم صعبين لأن القرآن الكريم بكل اياته بيزيل همومنا ويريح قلوبنا ويفرج كروبنا عشان كده المؤمن الحق يجعله صديقه الدائم يتقرب ويتوسل به الى الله تعالى ليحفظه ويحميه قال تعالى*ادعوني استجب لكم* وقال ايضا
(واذا سألك عبادي عني فاني قريب اجيب دعوة الداعي اذا دعان)
لكن اكتر اية بحبها وبتريحني لما بفتكرها قوله تعالى *ان الله مع الصابرين اذا صبروا * وايضا قوله تعالى *واستعينوا بالصبر والصلاة وانها لكبيرة الا على الخاشعين ،الذين يظنون انهم ملاقوا ربهم وانهم اليه راجعون *وكمان في اية بتخليني احس ان اللي ربنا بيكتبهولي وان قدري هو الخير لي قوله تعالى *وعسى ان تكرهوا شيئا وهو خير لكم *اما السور القرأنية اللي بحبها جدا سورة يوسف لأنها بتعلمني الصبر وانه كلما استحكمت حلقاتها فرجت وان ربنا مع المؤمن وان نصر الله قريب
اخيرا بقى الايات اللي بتخوفني جدا قوله تعالى *ولا تحسبن الله بغافل عما تعملون * وكمان ايات سورتي الزلزلة وسورة القارعة في حديثهما عن اهوال يوم القيامة وجزاء كلا من المحسنين والمسيئين
في النهاية اتمنى ان يتقبل الله منا صالح الاعمال ويغفر لنا ولكم ويستجيب الله دعاءنا ودعاءكم ويارب سامحنا على ذنوبنا وادخلنا الجنة برحمتك لا بأعمالنا
اسفة جدا على الاطالة وربنا يوفقك

Anonymous said...

جزيت خيرا اخى الكريم محمود ابو العزم كم هو رائع هذا الموضوع
بالنسبه ليا فاصعب ايات سمعتها كانت فى سورة فصلت
بسم الله الرحمن الرحيم
حتى اذا ماجاؤوها شهد عليهم سمعهم وابصارهم وجلودهم بما كانوا يعملون وقالوا لجلودهم لما شهدتم علينا قالوا انطقنا الله الذى انطق كل شئ وهو خلقكم اول مرة واليه ترجعون وماك نتم تستترون ان يشهد عليكم سمعكم ولا ابصاركم ولا جلودكم ولكن ظننتم ان الله لايعلم كثيرا مما كنتم تعملون
الايات 20 21 22فى سورة فصلت
امن يلقى فى النار خير امن ياتى امنا يوم القيامة اعملوا ماشئتم انه بما تعملون بصير
سورة فصلت الاية40
بالنسبه لاكثر ايات بحبها واكثر سوره بحبها سورة الرحمن
بسم االله الرحمن الرحيم
الرحمن علم القران خلق الانسان علمه البيان الشمس والقمر بحسبان والنجم والشجر يسجدان الى اخر السورة
فى ايات كتيرة اوى يامحمود بس اسمح لى اقول لكل زمايلنا هى دعوة من اخوكم محمود لتدبر القران الكريم خاصه واحنا فى شهر القران
وكل عام وانتم بخير
حلم كبير

Anonymous said...

بسم الله

سبحان الله زى تررررررب الموضوع دا كان في دماغى

وانا بقرأ قرآن لما تيجى آيه مبشرة بحس انها جميله جدا وبتريحنى جدا وبتمنى تكون ليه ومن نصيبى

وبردو لما بتيجى آيه منذرة بخاف جدا جدا وبدعى من ربنا انى مكنشي منهم

بالنسبه لاكتر آيه بحبها فبجد اىآيه بكون فاهمه معناها بحبها جدا

أما الايه اللي بتخوفنى

"اقترب للناس حسابهم وهم في غفلة معرضون"

كلنا تقريبا بننسي انه فى اى لحظه ممكن ربنا يقبض روحنا وتقوم قيامتنا ...

بردو الايه اللي في سورة الكهف"قل هل ننبئكم بالاخسربن اعمالا الذين ضل سعيهم في الحياة الدنيا وهم يحسبون انهم يحسنون صنعا"

دايما اخاف اكون فاكرة نفسي كويسه وباحسن صنع وكل دا يكون مجرد وهم.

بردو في حديث قدسى تقريبا بيقول"لا أجمعن أمنين و لا خوفين في قلب واحد فان أمننى في الدنيا أخفته يوم القيامه وان خافننى في الدنيا أمنته يوم القيامه"

الحديث دا بيرعبنى جدا

اللهم اجعل كل كلامنا في ميزان حسناتنا

بارك الله فيك

pureblue

هبهوبه said...

السلام عليكم جميعاً
إزيك يادكتور محمود
يارب تكون بخير دايماً وتكون في أحسن حال
حقيقي الموضوع أكتر من رائع هو مهم جداً بس محير جداً لأن كلنا لو مؤمنين بجد يبقى أكيد بنحب القرآن كله ولو قلوبنا خاشعة يبقى أكيد بنخاف من القرآن كله
بس أنا شخصياً مجرد ما بفتح المصحف وأقول بسم الله الرحمن الرحيم بحس براحه لأني بذكرصفة الرحمه وبقول ربنا يرحمنا جميعاً
بس من أكتر السور اللي بحبها جداً سورة يوسف كلها
ومن أكتر الآيات اللي بتريحني
سلام عليكم بما صبرتم فنعم عقبى الدار
سورة الرعد
ربنا يجعلنا جميعاً من الصابرين
وأكتر آيه بتخوفني
يوم نقول لجهنم هل امتلأت وتقول هل من مزيد
الآيه دي بتهز قلبي بجد وبخاف أوي أكون منهم وأول ما اسمعها أو أقرأها بستعيذ من عذاب النار
وأدعي ربنا أكون من أهل الجنة
يارب نكون أنا وإنتم وكل المسلمين من العتقاء في رمضان
أحياناً بعجز قدام موضوعاتك وكلامك يا محمود بحس إن أي كلام في الدنيا هيكون قليل عليك بس إنت بقيت فرد أساسي لازم أدعيله كل يوم وكل صلاة
ربنا يباركلك ويكرمك ويجعله في ميزان حسناتك
بس ياريت بقى انت تقرأ تعليقاتنا وتختار منهم أكتر آيتين حسيتهم بجد
وياريت نعمل سباق في ختم المصحف بين أصدقاء المدونه مين هيختم الأول ومين هيقدر يختم أكتر من مرة وربنا يجعلوا في ميزان حسناتنا أجمعين
وعايزة أحجز من دلوقتي ان شاء الله اوعى تنسى بوست خاص لليلة القدر
بإذن الله
أنا أسفة طولت عليك واقتراحاتي كتير بس ده لأني عارفه انك عضو مؤثر جداً في المجتمع ربنا يوفقك .

Anonymous said...

ana ba7eb soret el fagr awyyyyyyyyyyyyyyyyyyyyyyyyy w lamma basma3 akher aya feha bgd babky

يا أيتها النفس المطمئنة ارجعي الى ربك راضية مرضية فادخلي في عبادي و ادخلي جنتي

lamma basma3ha bad3y rbna enna nkon mn el motma2ennen elly rbna an3am 3alehom bedokhol el ganna


law seme3toha kman besot Mshary Rashed bgd hat7esso ennoko awel marra tesma3oha

b7b kman soret el ra7man w soret maryam w soret yasen w el shams w el mo2menon


allahom eghfer lelmoslemen w elmoslemat al2a7ya2 mnhom w alamwat rb eghfer ly w lwaledayya w lelmo2menen yawm yaqom el 7esab

ameeeeeeeeen



Hala

Anonymous said...

NB.ana makatabtesh aya bakhaf menha la2enny kol aya barakkez feha w ata2ammal ma3naha lazem a7es ba3daha bekhof..lazem nekhaf 3shan lamma nekhaf haneb2a a7san

w rbna yekrmna kollena w yer7amna
ya rab






Hala

باجوجو said...

والله بجد موضوع رائع
أنا يمكن السورة اللى بحبها هى نفس السورة اللى بتخوفنى
متستغربش يمكن بحبها عشان بتخوفنى أعصى ربنا
هى آيات السورة كلها بس لو عايزنى أنقى
أكتر آية بتخوفنى
‏(وما منعهم أن تقبل منهم نفقاتهم إلا أنهم كفروا بالله وبرسوله ولا يأتون الصلاة إلا وهم كسالى ولا ينفقون إلا وهم كارهون) الآية 54
صدق الله العظيم
وأكتر آية بحبها أو بتطمنى
‏(وءاخرون مرجون لأمر الله إما يعذبهم وإما يتوب عليهم) الآية 106
صدق الله العظيم

باجوجو said...

صحيح كنت هنسى
الآية اللى محمد عبد الباسط كتبها من سورة فصلت
هى (مما تعملون )
وليست مما كنتم تعلمون
والآية التانية
‏(أفمن يلقى)
وليست أمن يلقى
معلش يامحمد هتلاقيك كتبتها وانت صايم
وعلى فكرة أنا قريت تعليق محمد عبد الباسط بس
يعنى غير مسئول عن أى أخطاء أخري
تقبل تحياتى

Anonymous said...

باجوجو
جزيت خيرا انا كتبت ومرجعتش فعلا اللى كتبته ربنا يكرمك يا رامى

Anonymous said...

هي اية يمكن اول مرة اخد بالي منها امبارح وانا بقرا بس بجد ياجماعة جميلة اوي......(ياايها الذين ءامنوا استجيبوا لله والرسول اذا دعاكم لما يحييكم).يعني يمكن اني قريتها في وقت كنت تعبانة فيه جدا ومحتارة في حاجة بس لما قريت لما يحييكم مش عارفة اوصف احساسي بجد اقل حاجة اقولها اني حسيت باستقرار
اما الاية الي بتخوفني بجد هي في سورة الكهف(قل هل انبئكم بالاخسرين اعمالا الذين ضل سعيهم في الحياة الدنيا وهم يحسبون انهم يحسنون صنعا)بتخوفني بجد لاني حاسة اني كدة ربنا يرحمنا يارب ويعفو عنا
وكل سنة وانت طيب وربنل يجعلك من المقبولين يارب
الشيماء

Anonymous said...

بسم الله

نسيت بس اقول لون المدونة جميل جدا

حاسة انه ماشى مع الروحانيات الجميلة دى

pureblue

Anonymous said...

elrousha
السلام عليك يادكتور محمود
ازي حضرتك يا رب تكون بخير
صراحه البوست انهرده محير جدا وبجد مش عارفه اختار اي ايه وقعدت فكرت كتير لحد ما توصلت ان اكتر ايه بحبها هي "ايه الكرسي"
بحس لما بقرأها بعد كل صلاه بالراحه
اما اكتر ايه بخاف منها كل الايات اللي بتتكلم عن اهوال يوم القيامه وعذاب
القبر لاني ببقى عايزة ما كنش مقصرة في حق ربنا وبحاول على قد ما اقدر اني ما اكونش مقصرة
اسفه اني طولت عاى حضرتك
ربنا يوفقك

ام يحيي said...

موضوع مميز .. جزاك الله خيرا

كلام الله ..اروع مايمكن ان تسمعه اذناك او يستشعره قلبك

ان أذنبت .. فاقرأ

(قل ياعبادي الذين أسرفوا علي أنفسهم لا تقنطوا من رحمة الله ..)

وان خفت من تقصيري قبل امتحان أتذكر

(وتوكل علي الحي الذي لا يموت وسبح بحمده وكفي به بذنوب عباده بصيرا)


واذا اغتررت بطاعة قرأت (وبدا لهم من الله مالم يكونوا يحتسبون)

واذا اسودت الصورة امامي من كثرة جراح المسلمين وآلامهم تتردد في ذهني (ألا ان نصر الله قريب )

واذا تكررت امام عيني مشاهد انكسار المظلومين وتجبر الظالمين أقول

(ولا تحسبن الله غافلا عما يعمل الظالمون انما يؤخرهم ليوم تشخص فيه الابصار)


اللهم لك الحمد علي القرآن .. اللهم أحينا بالقرآن .. وأمتنا في سبيله

DR-KOKO said...

اسمحولي اضيف تعليق صغير

بسم الله الرحمن الرحيم
((اليوم اكملت لكم دينكمواتممت علكم نعمتي ورضيت لكم الاسلام دينا))

دي من اكتر الايات تاثيرا فيا
لسبب بسيط جدا
دي كانت من اواخر الايت التي نزلت على رسول الله
صلي الله عليه وسلم
ولما نزلت على رسول هو في حجه الوداع وتلاها على الناس بكى ابو بكر رضي الله عنه
لانه فهم مغزى الرسول من ذكرها
وفهم ما تحويه الايه
كونها كانت من خواتيم الايات التي نزلت


بجد لما بقراها بتوقف
وبكون نفسي اقابل المصطفى
واشكره
واقول له
جزاك الله عن امه الاسلام خيرا
نشهد انك اديت الامانه وبلغت الرساله
وتحملت في نقلها الينا ما لا يتحمله واحد منا
اللهم صلي وسلم وبارك على علم الهدى محمد ابن عبد الله
اللهم صلي عليه بعدد
من اسلم واهتدى
اللهم بلغه منا السلام
وشفعه فينا يوم الدين

اللهم امين
واخر دعونا ان الحمد لله رب العالمين
وسلام الله على المرسلين