هدية ليلة القدر

Friday, September 26, 2008

السلام عليكم ورحمة الله

اترددت كتير جدا قبل ما انزل البوست ده

ولما احكيلكوا ليه هتعذروني

وما خدتش القرار ده الا بعد ما استخرت ربنا سبحانه وتعالي

ويمكن دا اطول مقدمه كببتها بس في نفس الوقت هي اهم مقدمه

كتبتها وهكتبها هنا ان شاء الله

والاختلاف النهارده مش في القصيده ولا في كلامها

الاختلاف في قصة القصيده

انا يمكن ما كتبتش شعر بجد غير وانا في اولى كليه

في المسجد اللي حكيتلكوا عن قبل كده

كتبت اول بيتين في شعر المناجاه

أيا من قد تـــــــفرد بالبقاء....دعوتك..هل ستقبل لي دعائي؟

جنيتُ من الذنـــــــوب كملء بحر ٍ...وجئت أجر آثامي ورائي

والحمد لله كملت وبقت قصيده مش فاكرها بصراحه

واشتركت بيها في معرض سنه اولى

وربنا كتبلها قدر كبير من النجاح الحمد لله

بعدها فضلت حوالي شهرين مش قادر اكتب اي حاجه

وكان عندي اعتقاد اني مش هقدر اكتب حاجه زي كده تاني

لحد ما كتبت القصيده اللي تحت دي

فاكر اني كتبتها في ليله

كان الاحساس بالذنب هيقتلني

واحساسي بالتقصير هيخنقني

في فتره كنت تايه فيها ومش عارف ولا شايف اي حاجه

خصوصا بعد وفاة والدي الله يرحمه

وسجلت الكلمات البسيطه دي

في اول ورقه في مذكرة الupper limb

ودخلت نمت وليلتها اجمل هديه واجمل تكريم في حياتي كلها

لاني لما نمت رأيت النبي صلي الله عليه وسلم بيقرأ القصيده دي

ومش بس كده دا كان بيقرأها للصحابه من حوليه

ومن نفس المذكرة اللي كتبت فيها القصيده

عمري ماكنت سعيد في حياتي اد اللحظه اللي صحيت فيها من نومي

يمكن بفضل الله ماكانتشي اول مرة اشوف النبي صلي الله عليه وسلم

بس النبي يقرا شعري أنا

شئ استكترته ولسه مستكترته على نفسي وعلى شعري

عارفين لما حد يطلب حاجه منك وتعملهاله

و تعملها بتقصير كمان

وبعد كده يديك مليون جنيه قصاد اللي عملته

هو دا كان احساسي

كان احساسي انه فضل من ربنا لا ولن أستحقه

حتي القصيده نفسها
ماكانشي فيه حاجه زياده
حتى وقتها ماكنتش اعرف لا أوزان ولا قوفي ولا اي حاجه
وحتى ما كنتش لسه كملت تمنتاشر سنه
عشان كده السبب الوحيد للرؤيه دي كان كرم ربنا ليس أكثر

وبعد كده عنت القصيده لحد اللحظه اللي احنا فيها دي

رغم ان عدد قليل جدا من زمايلي واصحابي هما اللي كانوا قروها

والنهارده
وانا بدور في كل دفاتري على هديه اقدمهالكوا
في ليله نتمنى من الله انها تكون ليله القدر
ما لاقيتشي غير الهديه دي غير الهديه دي
اني اقدم حاجه النبي صلى الله عليه وسلم قرأها

نفسي أقول درس اتعلمته من القصه دي
رضا ربنا حاجه قريبه مننا اوي
بس احنا مش حاسين
او يمكن حاسين اننا مش هنقدر

انا ماعملتش حاجه زياده ومافبّاش حاجه زياده عن اي حد منا
بالعكس لو الذنوب بتتعد فانا هكون للأسف اكثركم ذنوبا واكثركم تقصير
ولا أجد في نفسي شئ أزكي بيه نفسي على الله
غير شئ من الرضا وشئ من الصبر
و فيه بيتين بحبهم اوي لمحمد توفيق زميلنا وواحد من اقرب الناس لي بيقول فيهم
يارب
لو قلت أن جميع خلقك أصبحوا ...في فيض نورك كالسرا المستنيرْ
لم يبقَ منهم غير عبد ٌواجد ٌ..لعلمت أن القول حتما ً لي يشيرْ

اهو انا حاسس بالاحساس ده دايما
وطول الليل والنهار بيرن في وداني حديث النبي صلي الله عليه وسلم
عن المرائي اللي بييجي لربنا سبحانه وتعالي بعمل كتير جدا
ورنا يقوله فعلت ليقال وقد قيل
خايف يكون كل اللي عملته كده
بس في نفس الوقت كلي ثقه في عفو ربنا ومغفرته
وعندي دايما احساس ان فيه حاجات صغيره في حياتنا
ممكن نرضي بيها ربنا لما نعملها ابتغاء وجهه
زي اننا نساعد حد يعدي الطريق مثلا او نحمي حد من الناس الغلابه
اللي العيال الصغير بيزقلوهم بالطوب في الشارع

حاجات صغيره زي دي بحس انها كبيره او عند ربنا
وأكبر دليل شقته على كده
كان في آخر مرة شفت النبي صلي الله عليه وسلم
كانت في اجازه سنه تانيه
كانت الرؤيه فيها بشري لواحد من اصحابي العزاز جدا
كنا شغالين انا وهو في الساحل الشمالي
وكنا ملتزمين جدا الفتره دي الحمد لله
وانا نزلت عشان الدراسه وسبته هناك آخر يومين
بعد اليومين دول شفته في الرؤيه دي
ولما رحت أبشره سألته اذا كان عمل حاجه زياده اليومين دول
قال لا بس قبل ما ينزل البلد

لقى محفظه فيها مبلغ كبير جدا

كان ممكن يحطها في جيبه وينزل من غير اي مشاكل

بس هو اختار ربنا
ودور على صاحبها ورجعله الفلوس

ربنا قريب مننا اوي يا جماعه
في آيه جميله اوي اوي في القرآن
ويريد الله أن يتوب عليكم
مافيش كرم ولا فضل أكتر من كده

حاجتين نفسي اقولهم
معلهشي طولت عليكم
اول حااجه انا كان صعب على اوي اني احكي كل الكلام ده
دايما اسمع ان بلاش الحاجات دي تنحكي الا للناس اللي بنحبهم وبيحبونا
وانا استخرت ربنا قبل ما احكي الحمد لله
وكمان انا بحب كل الناس هنا

وأظن ان لي قدر ولو صغير اوي من المعزه جوه قلوبهم
وهو ده اللي خلاني احكي وقلبي مطمن

و آخر حاجه نفسي اقولها
الليلادي ممكن تكون ليله القدر
ربنا يغفر لنا كلنا
بس ربنا مش هيغفر لنا الا اذا كنا مسامحين بعض

انا أشهد الله واشهدكم اني مسامح اي حد جرحني او ظلمني او زعلني
وبطلب من اي حد زعلته او ظلمته في اي حاجه
انه يسامحني عشان ربنا يسامحني
دا رجاء خاص لكل الناس
لو كنت زعلت اي حد او قصرت في حقه يسامحني

اسيبكم مع الهديه
اللي سيبتها زي ماهي من خمس سنين
بكل كسورها ولخبطتها وكلامها البسيط
واحساسها اللي نفسي يوصل للكل




في رياض التائبين

إلهي جئت بابك في خـــــشوع ٍ.....أبوح إلــــيك بالماضي الأثيمْ

بغير القصــد يا مــــــولاي إني....ضللت عن الصراط المستقيمْ

أفـــــــكر بالـــــتي لا ريب فيها......فيعـــــــصرني لها هم ٌ أليمْ

إذا ما انهــال فوقي تراب قبري.....وتركــوني مع عملي الهشيمْ

أحاسب عن ذنــــوب ٍ ماضيات ٍ....وأسئل عن صغير ٍ أو عظيم

أجيب بأنني جئت المعاصي؟؟!!....وأنــي كنت في الدنيا مُــلــيم

و أبعثُ من دجى ظلمات قبري.....وإن كانت عظــامي كالرميم

ليوم ٍ يجعل الولـــــــــدان شيباً......فليس المـــــلك إلا الحكــيمْ

فلن أنجو بمـــــالٍ أو بنـــــون ٍ ... فلــن يجدي سوى قلب ٌ سليمْ

وقدمي ترتجفْ فوق الصراط......فلا أجـــــد الولي ولا الحميم

فهل انجو الي طيب الجــــنان ِ...وهل أهوِي آلي غلـْى ِ الحميم؟؟

ألم أعلم بأن المــوت حـَــتـْـمٌ......وأني لســــــت في الدنيا مقيم

أعوذ بنور وجهــــك يا الهي.....و أطرق باب حلـــمك يا حليمْ

و أرجو من لدُنك َ إلهي عفواً.....يداوي دفـــــــئه القلب السقيم

لنفسي يا إلـــــهي لا تكــِـلني..... فترميــــني إلى سوء الجحيمْ

فكم أهفو لمــــــيلاد الأماني.....ولكـــن ْ للـــدنا رحـــــمٌ عقيم

إلهي لن أصِفْ ذلي وضعفي......فإنك يا إلــــــهي بي علـــيمْ

ذنوبي ما لها حصــــرٌ ولكنْ......إلـــهي أنت رحــــمنٌ رحيم

إلهي في رحـــابك فاحتويني......و أكـــرمني بعفوك يا كريمْ

لتهدأ أبحـــــرٌ من حزن قلبي......ويصبح ريحها العاتي نسيمْ

46 comments:

شق القمر said...

لنفسي يا إلـــــهي لا تكــِـلني..... فترميــــني إلى سوء الجحيمْ

فكم أهفو لمــــــيلاد الأماني.....ولكـــن ْ للـــدنا رحـــــمٌ عقيم

إلهي لن أصِفْ ذلي وضعفي......فإنك يا إلــــــهي بي علـــيمْ

ذنوبي ما لها حصــــرٌ ولكنْ......إلـــهي أنت رحــــمنٌ رحيم




يارب كل سنه وانت طيب وبخير
يارب كل قصيدة جميلة يقراها عليك رسوله الحبيب
يارب اشوفك مرفوع الخاطر والجبين
يارب اشوف فينا كل خير وضرر نفوسنا عنا بعيد
يارب نشوف الامانى بالخيرات مجابه وان لم تجب فعهدنا بها فى جنانك باذنك قريب

******************************

خلينى اقولك حاجة بسيطه
انا لما كلمتك امبارح قالولى زمانه نايم
قلتلهم هكلمه برده واصحيه
عارف ليه
لان من غير ما حد يعرفك
والدى قالى الولد دا دخل قلبى ومش عارف ليه
وحتى بعد ما كلمتك والدى قالى من غير ما يعرف ردك
أكدى عليه
قلتله للدرجه دى يابابا؟
قالى انا بتكلم جد طبعا
مكنتش متخيله حماس بابا دا
وبرعم ان الكلام كان بسيط الا انك دخلت قلوب الناس بكل خير واسرتك
ربنا يجازيك كل خير
ويحفظك من كل سوء ومن آثام نفسك

ويديم الأخوة بينك وبين كل الناس اللى بتعزهم


انا كده هقضى اليوم كله فى الدعا

كفايه دعاءك الدائم مع الفجر واياك تكون بتنسى تدعى

semsema said...

بحجز تاني كومنت
هكمل قرايه واجي اعلق
سلام مؤقت

Anonymous said...

برده مالحقتش اول تعليق مع اني كنت مستعدة
بس مش مشكلة شق القمر انا وهي واحد
اولا مبروك على النجاح
ثانيا كل سنة وانت طيب لانها يمكن تكون ليلة القدر وكمان بقريب العيد على الرغم من ان رمضان ودعنا بسرعة
ثالثا تعليقي على الابيات
ابيات قادرة على أن تهز نفسي وتتغلغل في كياني وتشعرني بالخشوع والرهبة والخوف من الله ممتزجا بالأمل في رحمته وعفوه
بارك الله فيك يامحمود وجعلك دائما تذكرة لنا وعونا على التقرب الى الله

semsema said...

أعوذ بنور وجهــــك يا الهي.....و أطرق باب حلـــمك يا حليمْ

و أرجو من لدُنك َ إلهي عفواً.....يداوي دفـــــــئه القلب السقيم

لنفسي يا إلـــــهي لا تكــِـلني..... فترميــــني إلى سوء الجحيمْ

فكم أهفو لمــــــيلاد الأماني.....ولكـــن ْ للـــدنا رحـــــمٌ عقيم

إلهي لن أصِفْ ذلي وضعفي......فإنك يا إلــــــهي بي علـــيمْ

ذنوبي ما لها حصــــرٌ ولكنْ......إلـــهي أنت رحــــمنٌ رحيم

إلهي في رحـــابك فاحتويني......و أكـــرمني بعفوك يا كريمْ

لتهدأ أبحـــــرٌ من حزن قلبي......ويصبح ريحها العاتي نسيمْ

البوست ده غريب اوي يا محمود
انا كل كلامك فعلا بحس انه بيتكلم وبيتحس من كل اللي بيقراه
لكن البوست ده كل حرف فيه بينطق بصدق القول والشعور
من اول المقدمة وختاما بالنهاية
بوست حسيته جدا جدا من اول حرف فيه
ربنا يبارك فيك اخي الطويل

تعرف اليومين دول بالذات حاسة بتقصير كبير لاني كنت اتمني اعمل كتييييير اوي في رمضان لكن ظروف الامتحانات ما ساعدتنيش
لكن تيقني ان لي رب كريم بيغفر ويسامح
بيعفو ويتوب عنا
بيديني امل كبير اوي

انت فعلا تستحق كل خير
بدون مجاملات ولا كومبليمووو
انسان رقيق المشاعر مع صدقها
حسن الظن بالله
اخلاقه عاااااااااالية
وده كله بالنسبة لي واقع ملموس بينته مواقف ليك اخي الكريم
ربنا يبلغك ليلة القدر ولا يحرمك ثوابها العظيم
وانا كمان مسامحة كل اللي غلط في وقال في حقي ما لا ارضي
وبطلب من اي حد غلطت فيه بقصد او بدون قصد انه يسامحني
وانت كمان يا محمود لو زعلتك في حاجة معلش تعالي علي نفسك وسامحني
ههههه
ربنا يكرمك محمود
طولت صح؟؟
معلش يا طويل بنات ورغايات بئه
خالص مودتي وتقديري

Unknown said...

ما شاء الله لاقوه الابالله
ما شاء الله لا قوه الا بالله
ربنا يزيدك ويباركك
انت بتقول علي نفسك اكثرنا زنوبا
ازاي بس وربنا اكرمك برؤيه حبيبه
ماشاء الله
انت بجد تستاهل اكيد علشان ربنا يمن عليك بحاجه زي كدا
وكلنا بنغلط وانا اكتر حاجه بتضايقني من نفسي ان ممكن اغلط واقصر وارجع لربنا وبعد كدا ارجع اكرر الغلط والتقصير دا
نسالكم الدعاء بالهدايه والثبات
والقصيده طبعا جميله ومعبره واحساسها واصل للكل اكيد
للمره التانيه ربنا يكرمك ويزيدك
كل سنه وانتوا طيبين

Unknown said...

لنفسي يا إلـــــهي لا تكــِـلني..... فترميــــني إلى سوء الجحيمْ

فكم أهفو لمــــــيلاد الأماني.....ولكـــن ْ للـــدنا رحـــــمٌ عقيم

إلهي لن أصِفْ ذلي وضعفي......فإنك يا إلــــــهي بي علـــيمْ

ذنوبي ما لها حصــــرٌ ولكنْ......إلـــهي أنت رحــــمنٌ رحيم


لاني بحب دعاء ..يا حي يا قيوم برحمتك استغسث اصلح لي شأني كله ولا تكلني الي نفسي طرفه عين

Little Angel said...

ياااااااااه يا محمود ربنا يبارك فيك ويحفظك ويعينك ويبلغك الجنة وكلنا يارب من فرط عظمة الكلام وحكايتك ورؤويتك للهادى البشير صلى الله عليه وسلم ويارب نبقى زيك ونشوفه او حتى يبرق لنا فى المنان ولو برهة ..مش عارفة اقولك ايه غير ان دايما الى ايمانه قوى بيحس انه مقصر وده احسن شئ بيدفعه يحسن نفس اكثر واكثر وهيفضل كده لحد ما ربنا يتوفاه ويارب كلنا نبقى كده ويعنا ويتقبلنا فى الليالى المباركة ده ويبلغنا ليلة القدر ويعتقنا من النار ويرزقنا الخير والصلاح .. والله كل اللى اقدر اقوله يا اخى العزيز يارب اكون زيك ولو جزء بسيط وليا كل الشرف انى عرفتك وربنا يزيدك من فضله .. وفاكر انا اول ما عرفتك كنت باسميك صاحب القصائد الزهدية العموديةههههههه لانى كنتب اكتب ريان يافجل من غير قافية ووزن وكنت تقولى حاولى توزنى ..وكان كلامك وتدينك سهم ثاقب للفؤاد يؤنبه ويبكيه وطبعا ندعيلك لانك بتحى فينا وتذكرنا والذكرى تنفع المؤمنين ..تحفة زهدية جديدة ما شاء الله ربنا يحميك ..تحياتى وامنياتى ورمضان خلص يارب يحينا ونفضل ثابتين خاشعيين راجين عفو الله دوما ..وكل عام وانت لله اقرب عيد فطر مبارك هههههههه اول من هنيتك.. سلمت يمينك يا مبدع

Anonymous said...

من الحاجات اللي الواحد ندم عليها انه قعد جنبك خمس سنين ما عرفكش اوي وما قربتش منك مش عارف ازاي

ان شاء الله السنة الجاية اقرب منك اكتر وربنا يزيدك ويكرمك وبلاش لحظات اليأس اللي بتجيلك واحساسك ان اللي بتعمله ده مالوش قيمة

انت عاوز ايه اكتر من النبي عليه الصلاة والسلام

بلاش طمع وكل سنة وانتو طيبين وربنا يكرمنا كلنا في الليلة القدر

GEHAD said...

جزاك الله في الدنيا سرورا وفي الآخرة فردوس الخلودا

Anonymous said...

اقول ايه بس انا مش عارفه
اللى اجمل من القصيده الكلمتين
اللى قلتهم عن التسامح وانك بفضل الله قدرت تسامح اللى جرحك هنيئا هنيئا لك
دا شيء أنا شخصيا أتمناه لنفسى لآنى لو قدرت اسامح اللى جرحنى فى حاجات كتييير فى حياتى هتتغير وخصوصا انه أقرب الناس ليا بجد اللى انت فيه نعمه انا أغبطك عليها واكيد دى من بركه الشهر الفضيل

اما القصيده فانت قلبت علينا المواجع يا دكتور ربنا يسامحك ههههههه
لكن اسمح لى اخذ منهم بيتين ادعو بهم فى تهجد ما تبقى من ليالى الشهر الفضيل وهما..


أعوذ بنور وجهــــك يا الهي.....و أطرق باب حلـــمك يا حليمْ

و أرجو من لدُنك َ إلهي عفواً.....يداوي دفـــــــئه القلب السقيم

واخيرا هنيئا لك برؤيه سيد الانام مسك الختام

Anonymous said...

الله الله الله
بس الله ما شاء الله عليك يا محمود
والله اي كلام هاقوله مش هايوفيك حقك
دي فعلا احلي هدية في هذة الايام الجليلة
بارك الله فيك واعزك
تعرف
انا فرحانالك جدا ان ربنا اكرمك بالرؤية دي
وبدعيها من زمان يارب ينولهالي ولكل المسلمين
لكن انت وزي ما سمسمة بتقول من غير اي مجاملات
فعلا انسان علي خلق
وتستحق ده واكتر ان شاء الله
لا املك الا الدعاء لك ربنا يحفظك ويكرمك وينولك كل اللي في بالك
ويمن عليك وعلينا بالعتق من النار
ويرزقك ثواب الدنيا وحسن ثواب الاخرة
ويمن عليك بفضل هذه الليالي المباركات
انه سميع مجيب الدعوات

ملحوظة بس مهمة:.....
الف مبروك علي النتيجة الحلوة دي
وماتقولش ابدا كان نفسي
قول ان شاء الله هاكون وهاكون
واستعن بالله
ثم بنفسك
تحياتي ليك يا مؤمن

صناع المحلة الكبرى .. دواهم في غيدك said...

ربنا يتقبل منا و منك إن شاء الله
بارك الله لك وفيك يا محمود

Anonymous said...

ربنا يباركلك ياااااااااااااااااارب

وربنا يغفر لك ويغفر لنا

انت احساسك عالى اوى

ومن الواضح انه من زمان كمان

ربنا يكرمك يارب

ولولا القديم ماكان الجديد

ولا أية ؟؟؟؟؟؟؟

Anonymous said...

السلام عليكم ازيك يا دكتور محمود
الف مليون مبروك للنتيجه والحمد لله علي كل شئ
بالنسبه للبوست ده احسن بوست في المدونه دلوقتي
بجد ماشاء الله عليك ولا حرف في اي كلمه ثناء او مدح يكفيك حقك ربنا يبارك فيك يارب وبجد ماشاء الله عليك ويبختك ان ربنا من عليك برؤيه الحبيب في المنام وعقبالنا احنا كمان امين يا رب العالمين
بجد كل الابيات رائعه جداجدا ربنا يبارك فيك وينمي موهبتك ويزيدك من فضله ورحمته
وفعلا دي اجمل هديه في العشر الاواخر من رمضان المبارك وفي هذه الايام المباركه اللهم بلغنا ليله القدر واجعلنا من عتقائك من النار يا رب العالمين
جزاك الله عنا كل الخير يا دكتور محمود
وربنا يكرمك ويحفظك يارب
Amert Alhozn

محمد عبد الباسط said...

اكتب اليك وعينى تقطر دموعاااااا ولا ادرى من القصيدة ام من المقدمة للقصيدة
كم اتشرف بك زميلا لي وكم اتشرف اكثر لو اصبحت مثلك فى يوم من الايام وعسانى ان اري خير خلق الله فان لم استطع فاري من راوة
دمت سالما غانما مجاهدا يا اخى العظيم
كل عام وانتم بخير اسالكم الدعاء

Anonymous said...

ربنا يعزك و يكرمك
بجد ما شاء الله ربنا يجازيك خير كلام من القلب للقلب
وربنا يكرمك دايما و يوفقك فى حياتك و يفتحها عليك و يرزقك الاخلاص و الرضا

عندما تنهمر الدموع said...

السلام عليكم ورحمة الله وبركاته
ازيك ياد/محمود يارب تكون بخير وكل سنة وحضرتك طيب ،متتصورش انا فرحت اد ايه بالبوست ده فعلا دي اجمل هدية تقدمها لأي انسان في ليلة مباركة زي ليلة القدر طبعا القصيدة جميلة جدا لكن الاجمل كون الرسول -عليه الصلاة والسلام- زارك في المنام وقرأ قصيدتك لكل الصحابة فعلا حاجة تفرح يمكن تكون القصيدة بسيطة في كلامها لكن عشان طالعة من قلب عبد مؤمن يخشى التقصير في حق الله ويشعر دايما بتأنيب الضمير كونه لم يؤد حق الله عليه على اجمل وجه يمكن عشان كده زارك النبي الكريم وده اكيد من حب ربنا ليك ورضاه عليك بجد شكرا على القصيدة لاننا اتعلمنا منها درس كبير وهو ان ربنا موجود وقريب مننا جدا وان الله سبحانه وتعالى بيبقى سعيد جدا بتوبة عبده ورجوعه عن المعصية
سبحان الله مهما غلط الانسان وعمل ذنوب بمجرد ما يتوب توبة نصوحة ربنا يغفره ويسامحه فعلا كرم ربنا كبير اوي
فلن أنجو بمـــــالٍ أو بنـــــون ٍ ... فلــن يجدي سوى قلب ٌ سليمْ

وقدمي ترتجفْ فوق الصراط......فلا أجـــــد الولي ولا الحميم

فهل انجو الي طيب الجــــنان ِ...وهل أهوِي آلي غلـْى ِ الحميم؟؟

ألم أعلم بأن المــوت حـَــتـْـمٌ......وأني لســــــت في الدنيا مقيم
الابيات دي حكمة حقيقية لازم ناخد بالنا منها لأن يوم القيامة مش هيبقى لنا غير العمل الصالح وكل اللي بنحرص ان احنا نجمعه من متاع الدنيا زائل وفاني
بجد ربنا يكرمك ويوفقك على الكلام الجميل ده ويارب يتقبل منا صالح الاعمال ويغفر لنا ويرحمنا ويدخلنا الجنة برحمته لا بأعمالنا
يارب سامحنا على ما اقترفته يدانا وسامحنا على تقصيرنا في حقك
اللهم لا تجعل الدنيا اكبر همنا ومبلغ علمنا ولا تجعل مصيبتنا في ديننا واجعل صالح اعمالنا خواتمها وتب علينا وتقبل منا انك انت التواب الرحيم
اللهم غسلنا بالماء والثلج والبرد
اللهم باعد بيننا وبين خطايانا كما باعدت بين المشرق والمغرب
اللهم نقنا من خطايانا كما ينقى الثوب الابيض من الدنس
امين امين امين يارب العالمين
اخيرا بدعيلك مرة تانية بكل خير ويارب يجزيك عنا كل خير

هبهوبه said...

السلام عليكم يا احلى دكتور محمود
انا عاجزة عن الشكر ليك
انا متشكرة جداً جداً جداً على هدية ليلة القدر والله كانت احلى هديه
ربنا يباركلك ويجازيك خير يارب انا مش هقولك ان البوست جميل ورائع
لأن ده اكيد انت عارفه بس البوست ده مبارك ايه احلى من انه يقرأه الرسول عليه الصلاة والسلام ربنا يوعدك ويوعدنا يارب بزيارته
ويارب نسمعك وانت بتقرأ القصيدة دي في الجنة بين يدي الرسول عليه افضل الصلاة والسلام
ربنا يجعلنا جميعاً من العتقاء ويغفر لنا ويتوب علينا ويجازيك خير عن كل حد يقرأ القصايد بتاعتك وبفضل ربنا وبفضلها يرجع عن الذنوب ويعود إلى الله
احنا مستنين هدية العيد وطبعاً العدية

باجوجو said...

إيه يا عم محمود الحاجات الجامدة دى
يارب كده أعيش لما أشوفك أمير الشعراء
بس الرسول قراها يا بختك
أنا نفسى أشوفه فى المنام ومش لازم يقرالى حاجة
نسيت أقولك مبروك
معلش جات متأخرة
عشان كنت مشغول شوية

quiet_storm said...

السلام عليك محمود..عارف انا من ساعه ما قرأته اول ما نزلت الموضوع على طول وانا مش عارفه اكتب كومينت
بجد هى حاجه نحسها اكتر ما نتكلم عليها
اللهم ارزقنا رؤيه وزياره حبيبك المصطفى صلى الله عليه وسلم


و أرجو من لدُنك َ إلهي عفواً.....يداوي دفـــــــئه القلب السقيم

لنفسي يا إلـــــهي لا تكــِـلني..... فترميــــني إلى سوء الجحيمْ

فكم أهفو لمــــــيلاد الأماني.....ولكـــن ْ للـــدنا رحـــــمٌ عقيم

إلهي لن أصِفْ ذلي وضعفي......فإنك يا إلــــــهي بي علـــيمْ

ذنوبي ما لها حصــــرٌ ولكنْ......إلـــهي أنت رحــــمنٌ رحيم

إلهي في رحـــابك فاحتويني......و أكـــرمني بعفوك يا كريمْ

....يارب امـــــــــــين

ربنا يديم عليك نعمته والصحبه الصالحه
وسقانا الله شربه هنيئه من يد رسولنا الكريم لا نظمأ بعدها ابدا

شكرا على الهديه الاكثر من رائعه وكل سنه وانت طيب وبخير وربنا يتقبل منك صالح الاعمال ان شاء الله

Anonymous said...

بسم الله الرحمن الرحيم

بعد انقطاع عن الجلوس على الكمبيوتر اول حاجة شوفتها كانت البوست الرائع دة الذى كانت مقدمته تهيئة جميلة للفصيدة ........ تمنيت ان ارى البوست فور ارسالة لكن قدر الله و ما شاء فعل
جزاء الله عنا خيرا و نفع بك الاسلام والمسلمين ودمت داعيا الى الله و ذكره
sluvswho

Anonymous said...

بسم الله

ماشاء الله لاقوة الا بالله

pure blue

محمود ابوالعزم said...

السلام عليكم ورحمة الله

قبل ما ارد على اي حد
انا لسه داخل نت دلوقتي
والله انا بكيت من الكلام الطيب اللي انا ما استحقهوش ده
والدرود اللي هردها
هي ردود بسيطه
لاني مش لاقي كلام ارد بيه

محمود ابوالعزم said...

السلام ليكم ورحمة الله

شق القمر
متشكر اوي على كلامك ودعائك الجُمال دول يا رنا
اما والدك
فجزاه الله كل خير
مجرد انه يفكر في حاجه زي كده
دا جميل اشيله فوق راسي طول العمر
ولولا اننا كنا اتفقنا مع الجرار اللي هيدرس الرز
ماكتننتش هتنازل ان والدك هو اللي يدرسه لينا
اول ما انتي قولتيلي
قلتي هتيجوا بقى كلكم راكبين الجرار
وفيه ناس زي مصطفي علام هتتفرج بس
هو اللي قال
انما احمد سعيد ومحمد عبدالباسط اكيد هيشتغلوا طبعا
وانتو تبقوا تقفوا على الشكاير
يلله
السنه الجتايه ان شاء الله
متشكر اوي مرة تانيه
جزاكم الله كل خير

محمود ابوالعزم said...

نهنوهه

ربنا يكرمك
الله يبارك فيكي
فعلا رمضان اتخطف منا
خصوصا وسط جو الامتحانات اللي كنا فيه
ادعيلي دايما اكون زي ما انتي قلتي في اخر سطر كده

محمود ابوالعزم said...

سمسمه

جزاكي الله كل خير يا سماح
ماتخافيش يا سماح
كلنا قصرنا في رمضان السنادي
بس غصب عننل هنعمل ايه
ربنا يغفرلنا تقصيرنا كلنا
وربنا يجازيك خيلر على كل الكلام الحلو ده
اللي اتمنى اكون واحد في الميه منه
القلوي عند بعضها
وعمر ربنا ماهيجيب زعل ان شاء الله
كل سنه انتي طيبه
وبكل صحه وسلامه يارب

محمود ابوالعزم said...

ناتوشورال ماجيك

جزاكي الله كل خير
والله انا فعلا زي ماقلت
ممكن اكون اكثكركم ذنوبا
انتو ان شاء الله احسن مني وبكتير كمان
وان شاء الله ربنا يكون شايلكم لثواب الاعظم في الاخره
وان ما كتبشي ليكم رؤيه في الدنيا
يكتبلكم مصاحبته في الجنه ان شاء الله
ربنا يكرمك
وبلاش تغيبي عن المدونه كتير كده
هستني ردك دايما

محمود ابوالعزم said...

ليتيل آنجل
أختنا الكبيره
لما الكلام بييجي منك بيكون ليه طعم تاني
بحش انه فعلا مم اخت كبيره
مش عارف ارد
بس اقدر اقول
انك ما بتكتبيش ريان يا فجل
انتي اللي مقصره في حق نفسك
عل العموم اكتبي بس ومالكيش دعوه
احنا هنقري
ماشي
؟؟؟

محمود ابوالعزم said...

غير معرف

متشكر اوي على زيارتك وعلى كلامك
وكان نفسي اوي اعرف انت مين
على العموم هيشرفني اني اعرفك اكتر
بس هو مش بيبقى يأس وليعاذ بالله
هو بس الواحد بيفصل غصب عنه
وبعيدن اللي جرب يشوق ف النبي صلي الله عليه وسلم
اكيد من حقه يطمع يشوفه تاني

محمود ابوالعزم said...

جهاد
ولكي مثله
ربنا يكرمك وشكرا اوي لزيارتك

محمود ابوالعزم said...

دوك ميرو
بفرح اوي ام بلاقي تعليقك
بتفائل بيه
اما مووضوع التسامح
فقبل ما اكتب الموضوع
الشيخ اللي كان بيخطب الجمعه
قال كلمه حلوه اوي
قال لما تبقى فيه حاجه عايزها اوي
او حاجه مش عارف تتخلص منها
قارنها برضا ربنا
اكيد هتختار رضا ربنا
ربنا يساعدك يارب وتقدري تسمامحي
وخلى بالك احنا لما بنشسامح
بنسامح عشان نفسنا قبل اي حد
متشكر اوي لزيارتك
ماتقطيعهاش تاني

محمود ابوالعزم said...

سنو وايت

ربنا يكرمك ويعزك
كل اللي اقدر اقوله ان القلوب عن د بعضها
انتي كمان من اطيب واحسن الشخصيات اللي اتشرفت بمعرفتها في الكليه دي
والف مبروك لنتيجيتك
وان شاء الله السنه الجايه احسن
وتزيدي في الترتيب عن كده كمان
ربنا يكرمك ويوفقك في حياتك كلها ان شاء الله

محمود ابوالعزم said...

مصطفي
ويبارك فيك يا حبيبي
وان شاء الله نتيجيتك السنه الجايه
بقى في اول عشره ان شاء الله
على فكرة
دي اول مرة تتنور لمدونه من زمان اوي

محمود ابوالعزم said...

محمد الخطيب

الف شكر يا حبيبي
واام الله زيارتك
وعلى رايك
لولا القديم ماكانشي الجديد

محمود ابوالعزم said...

السلام عليكم ورحمة الله
اميره الحزن
متشكر اوي على كل كلامك الجميل ده
ومش عارف ليه رغم كل كلام الثناء اللي ما استحقوش ده
بس انا حاسس في كلامك بريجة زعل
النتيجه زععلتك ولا ايه
خساره اني ما اعرفكيش عشان اطمن على نتيجيتك
بس على العموم
الف مبروك على نتيجيتك
وربنا ان شاء الله يكتبلك الخير دايما
لانك تستاهلي كل خير

محمود ابوالعزم said...

محمد عبد الباسط

ايه يا عم محمد الكلام اللي انت بتقوله ده
دا انا اللي اتمنى اكون ربعك ولا ربع احمد سعيد
ولا ربع عمرو ولا محمد زكي
ولا اي حد من الناس الجميله دي
ان شاء الله ربنا هيكرمك بالاتنين
بالرؤيه في الددنيا
والرفقه في الآخرة
ان شاء الله

محمود ابوالعزم said...

دكتور اتروبينا
سعيد اوي ان الكلام دخل قلبك
والف شكر على دعائك وكلامك الجميل
يارب لك مثله ان شاء الله

محمود ابوالعزم said...

عندما تنهمر الدموع
مافيش اي كلام بعد كلامك
ربنا يارب يستجيب دعائك
ويغفر لنا تقصرينا
لان كرم ربنا كبير اوي زي ما انتي قلتي
ربنا يكرمك وتفضلي من الردود اللي بستناها دايما

محمود ابوالعزم said...

هبهوبه
شكر خاص ليكي انتي اوي
لانك كنتي صاحبة الفكرة
وماكانشي في دماغي خالص اني اكتب حاجه في ليله القدر
انا اللي متشكر على فكرتك
ومتشكر اكتر على كلامك وعلى كلامك
وان شاء الله لو ربنا يسر هيكون فيه عيديه ان شاء الله

محمود ابوالعزم said...

باجوجو

ربنا يكرمك يا رومه
انت عايز تعيش لما تشوفني امير الشعراء
دا نت كده هتكون من المعمرين بقى
ان شاء الله في التفره الجايه
هكون واحد من الزوار المنتظمين عندك
ان شاء الله

محمود ابوالعزم said...

كويت ستورم
جزاكي الله كل خير يا حنان
مش عارف ارد
كل شنه اونتي طيبه
ومهما كان هنتظر ردك برضو

محمود ابوالعزم said...

sluvswho

متشكر اوي
ربنا يكرمك ويعزك
وماتنقطعيش عن الكمبيوتر ولا عن المدونه تاني ان شاء الله

محمود ابوالعزم said...

بيو بلو

ربنا يكرمك ويعزك
زكل سنه وانتي طيبه

GEHAD said...

كل سنة وحضرتك طيب وبخير دكتور محمود والكل هنا وعيدكم(احنا سبقناكم بالعيد) سعيد بإذن الله..وملأ الله حياتكم فرحا وسعادة
خالص تهاني القلبية وتقبلوا وافر تقديري

Anonymous said...

السلام عليكم ورحمة الله وبركاته يمكن دلوقت وبعد ايام كتير من ليلة القدر دخلت وقريت كلامك الجميل مش عشان هو موجه لاحسن مين يتوجه له الحديث لأ ده لانه طالع من القلب ليلة صيام ولان فى الجسد مضغة ان صلحت صلح الجسد كله انا بس نفسى ان حضرتك تدعيلى ان ربنا يمن على برؤية الحبيب صلى الله عليه وسلم ...فيه اوقات كتير كنت زعلانة فيها وتمنيت ان ربنا يمن على برؤيته بس سبحانه لسه ما أذنش..........ربنا يديم ايمانك ويزيده ان شاء الله

Anonymous said...

ياااااااااااااااااااااااااربى
شعرت بكل كلمه كتبت
علمت الان لماذا دخلت هذه المدونه
والله كنت فى امس الحاجه لقرآه مثل هذه الابيات وهذه الكلمات التى سبقتها
لم اتمالك نفسى من البكااء
شعرت وكأن قلبى يتقطع حزنا على تقصيرى
شعرت برحمة ربنا
كم هو رحييييييييم
اللهم اغفر واعفو وارضى
جزيت الجنه ونعيمها