موعد ٌ..بغير موعد

Tuesday, November 4, 2008

القصيدة اللي هكتبها النهاردة هتبقى أقدم حاجه كتبتها هنا على المدونه
ويمكن تكون من اول اربع خمس محاولات لي في كتابة الشعر
ويمكن اتنين بس اللي شافوها قبل كده
واحد من اصحابي مااظنش انه يفتكرها
وحنان اختي اللي حبت القصدية دي اوي واختارتها من بين كل الحاجات
اللي كتبتها لحد دلوقتي عشان تحتفظ بيها دايما معاها
وكنت نسيت القصدية خالص لحد فرح حنان
لاقيتها و احنا ببنقل الحاجات و حسيت ان فيها قصدة لذيذة
وقلت ليه ماانشرهاش هنا يمكن تعجبكم
ويمكن تكون بداية لفتح الأدراج ونشر حاجات كنت بشوفها ماتستحقش النشر
لاني زي ماقلت اني هكتب وهنشر هنا كل اللي انا حاسس بيه
وهدّي فرصه للحاجات اللي دفنتها زمان انها تشوف النور من جديد
أسيبكوا دلوقتي مع القصيدة اللي اتمني بجد انها تعجبكم
موعد ٌ.. بغير موعد
كلما حاولـــــــتُ أنْ أنسى هواها.....أنْ يفارق عش عصفوري سماها
يستعيد القلب ذكـــراها فــــــيرنو....أنْ يــعود لكي يرفرف في ضياها
كيف أرحل من أحاسيسي وعيني....تــُغـمـض الجفنـــين لكـــني أراها
كل درب ٍ مـن دروب البعد عنها....يسكن التــَـذكار دومـــــا ً منتهاها
كلما حاولـــتُ أن أبــــدو قــــويا ً....تغرس الأشــواق في قلبي رُحاها
كنت أحسـب أن آلامـــــي جميعا ً.....سوف تأخـذها الليالي في خطاها
لم يداوي بعدها آهـــــــــات قلبي.....فالفـــــــؤاد كـــأنه يأبى شــــفاها!
والتقينا..دون وعــــد ٍ جمّــــعتنا......روضــة ٌ كانت تلمــــلمنا ضياها
كنت جئت لكي ألمـــلم ذكرياتي.......كي أعيد على أحـاسيسي صداها
لم أكـن أدري بأن حبيــــبتي في .....قلبها شــــوق ٌ يؤجــــــجه هواها
انها جـائت تزور الروض مثلي.......تشــــتكي قلبي الذي أدمى مناها
فاقتربـت ُ أجرّ أقدامي ..رأتـْـني.......والـــــفؤاد بأبـــحر الأفكار تاها
فانتظرت ُ لكي أري ماذا ستفعلْ......أذهلـَـتــْني حين مدت لي خطاها
والخطى سارت إليــها في حنين ٍ.....صــــار يقسم أنّ قلبي ما سلاها
والتقينا...ساد صمت ٌ ..فابتسمنا.......,و الفـــؤاد كـــــأنه مــــاذاق آها
ثم قالت يا حبــــيبي لا تلــــمني.......قلت كــيف ألوم من قلبي هواها
ثم قالت هل تتوق إلى قصـيدي........قلت هاتي..تاق قلــبي أن يراها
فانتقــْـتْ لي من دفاترها قصـيد ٌ...... والقـــصائد كـــان أول مبتداها
كلما حاولت أن أنـسى هــــواه ُ.......أنْ يفارق عش عصفوري سماهُ
يستعيد القلب ذكــــراهُ فـــيرنو.......أنْ يعـود لكي يرفرف في ضياهُ
..................................كيف أرحل من أحاسيسي





19 comments:

الحلم الجميل said...

السلام عليكم ورحمة الله وبركاته
طبعا فرصه انى اكتب اول كومنت
القصيده جميله اوى احساسها حلو اوى وعلى فكره اجمل احساس هو اللى بيجى صدفه من غير ترتيب عجبنى اوى البيتين دول
كيف أرحل من أحاسيسي وعيني....تــُغـمـض الجفنـــين لكـــني أراها
كل درب ٍ مـن دروب البعد عنها....يسكن التــَـذكار دومـــــا ً منتهاها
وكمان البيتين اللى ختمت بيهم القصيدهتحفه
واكيد كنا هنزعل اوى لو كانت القصيده دى لسه فى المكتب بعيد عننا وفى انتظار البقيه
ربنا يوفقك

Anonymous said...

السلام عليكم ازيك يا دكتور محمود
اولا انا فرحانه اني تاني كومنت اهو قربنا شويه ومعلشي لاني ما علقتش علي الموضوع اللي فات ولكني قراته والمواقف بجد عجبتني جدا وابكتني جدا
موضوع انهارده بقي عنوانه جميل جدا موعد بغير موعد رائع بجد والقصيده جميله جدا بجد وفيها مشاعر غايه في الرقه والاحساس وخساره اوي انك قعدت كل الفتره دي ما نشرتهاش يا ريت لو عندك كتابات شكل كده تنشرهالنا واكيد طبعا هتعجبنا عجبني اوي البيت

كيف أرحل من أحاسيسي وعيني....تــُغـمـض الجفنـــين لكـــني أراها
كل درب ٍ مـن دروب البعد عنها....يسكن التــَـذكار دومـــــا ً منتهاها

وكويس اوي تكرارهم في الاخر

جزاك الله خيرا عنهم وربنا يوفقك ويحفظك

Amert Alhozn

dina said...

كلما حاولـــتُ أن أبــــدو قــــويا ً....تغرس الأشــواق في قلبي رُحاها
كنت أحسـب أن آلامـــــي جميعا ً.....سوف تأخـذها الليالي في خطاها
لم يداوي بعدها آهـــــــــات قلبي.....فالفـــــــؤاد كـــأنه يأبى شــــفاها

جميلهيا محمود

semsema said...

والتقينا...ساد صمت ٌ ..فابتسمنا.......الفــــــؤاد كـــــأنه مــــاذاق آها

رائعة جديدة يا شاعر
ليها حق والله د حنان تحتفظ بيها
البيت ده عجبني جدا يا محمود
رسم بكلماته موقف وكلام واحساس جميل
دمت مبدعا
تقبل خالص تحياتي ومودتي

Anonymous said...

السلام.عليكم.ورحمه.الله,وبركاته
قصيدتك.رائعه.يامحمود
متداريش.عننا.اى.كلام.ليك.تانى
لان.كل.كلامك.يستحق.اننا.نقراه
ونحسه
اكتر.حاجه.عجبتنى
ان.الاتنين.افكارهم.واحاسيسهم.واحده
حتى.وهما.بعيد.عن.بعض
ربنا.يوفقك.يارب.ويبارك.فيك

Anonymous said...

مفيش كلام بصراحه يوصف اعجابي بكلماتك الرقيقه والعاليه الاحساس
كل الي اقدر اقوله انك رائع زي ما عودتنا دايما
مستنين منك المزيد

أحمد سعيد بسيوني said...

بسم الله

جميلة جدا والله يا حودة

تسلم دماغك وايدك
وتسلم كلك على بعضك

لم أكـن أدري بأن حبيــــبتي في .....قلبها شــــوق ٌ يؤجــــــجه هواها
انها جـائت تزور الروض مثلي.......تشــــتكي قلبي الذي أدمى مناها

البيتين دول عاجبني جدا

***
النهاردة كنا رايحين مؤتمر طبي في القاهرة - فندق فيرمونت هليوبوليس- وفي الاتوبيس كنا عاملين برنامج جميل كده ، وفي فقرة المواهب طلعنا واحد مننا بعد ان فتحنا له صفحة مدونتك على قصيدة الفوطة من على الموبايل وكانت مشاركتنا بهذه القصيدة ، بعد الاشارة طبعا الى مؤلفها والى مدونته

هذه القصيدة لاقت اعجاب الجميع من الاطباء حيث كان الجميع طلبة امتياز وخريجين ، وكان التعليقات كثيرة ومثرية

مجموعة منهم طلبت منا القصيدة ولانها طويلة فقد كتبنا لهم اسم المدونة للاستزادة اكثر

انا بافكر في موضوع كده وعاوز اعملهولك مفاجاة عن قريب بس ابقى ادعيلي

دمت مبدعا

quiet_storm said...

هو تقريبا كل اللى اسمهم حنان هيحبوا القصيده دى
بس انا عايزها فى ورق بقى عشان احتفظ بيها انا كمان....:D;;)

جميله بجد يامحمود
وفى انتظار كل ما لديك
انا بنتظر الثلاثاء من النهارده.....بالتوفيق

shady gad said...

بسم الله الرحمن الرحيم
انا لست من هواة الشعر واعانى فى قراءته واستغرق وقتا طويلا وانا احاول فهم الابيات الا ان هذه القصيده اعجبتنى جدا
اعجبتنى فى اسمها وفى عرضهاوفى احاسيسها

Unknown said...

جميله جميله جميله
من يومك مبدع طبعا
ما شاء الله
والله انا بخاف احسدك
بجد احساسها رهيب وانا كاني شفت موقف الروضه دي بعيني تخيلته بتفاصيله
مش عارفه اقول ايه بس
ربنا يدمها عليك نعمه يا محمود

Anonymous said...

انا بقى صاحبك اللى اول واحد شافها وراى فيها بردة زى ما هو من ساعه ما قرتها وسيظل راى كدا الى اخر الزمن مهما حدث ومها كان

اخوك / صاحبك اللى شافها

Anonymous said...

جميلة اوى يا محمود, و المشاعر اللى فيها رقيقة اوى ربنا يبارك لك فى موهبتك

عندما تنهمر الدموع said...

السلام عليكم ورحمة الله وبركاته
ازيك يا د/محمود يارب تكون بخير
طبعا اي كلام هقوله على القصيدة هيبقى قليل اوي عليها لأنها فعلا حميلة زي مااخت حضرتك قالت ومن حسن حظناان حضرتك لقيتها ونشرتها على المدونة اولا اسمها حلو اوي ومحتواها بقى اجمل كل كلمة فيها بتعبر عن حب كبير وحزن عميق نبع من عدم القدرة على نسيان هذا الحب وخصوصا البيت اللي بيقول
كيف أرحل من أحاسيسي وعيني....تــُغـمـض الجفنـــين لكـــني أراها
اد ايه حلوة الجملة اللي بتقول
فالفـــــــؤاد كـــأنه يأبى شــــفاها
فعلا قمة الحب الحب اللي عامل زي المرض اللي ملوش دوا ولاعارفين له علاج واذا حاولنا ننساه منعرفش وبيفضل دايما جوانا زي ظلنا عايش دايما معانا ما بيفارقناش بس الحب اللي قصدي عليه هو الحب الحقيقي الحب اللي يخليك انسان يضحي بأي حاجة بكل حاجة عشان خاطر حبيبه ممكن يضحي بسعادته عشان يحافظ على سعادة اغلى انسان على قلبه مش لازم يكون الحب ده بين العشاق لكن ممكن بين الاخوة الاصدقاء مش المشكلة دلوقتي مين الاطراف في الحب المهم هل الحب ده موجود ؟هل في حد بيحب حد اكتر من نفسه الايام دي؟مفتكرش .............
خلينا في القصيدة الجزء التاني بقى واللي بيصور التقاء الحبيبين كيف جمعهما الشوق والحب واللهفة فهي فعلا حاجة جميلة خصوصا الوصف الممتع والمشوق
واجمل مافي القصيدة وقت ما يكتشف الحبيب حب حبيبته ليه وان الشعور بينهما متبادل وان اول ابيات قصائدها
كلما حاولت أن أنـسى هــــواه ُ.......أنْ يفارق عش عصفوري سماهُ
يستعيد القلب ذكــــراهُ فـــيرنو.......أنْ يعـود لكي يرفرف في ضياهُ
فعلا قصيدة رائعة ربنا يوفقك ويبارك لك ويزيد موهبتك ويحفظها لك

سنا said...

كلمات اكثر من رائعه
ولك ان تفتح ادارجك وتخرج منها كنوزك
فلتمتعنا بكلماتك الرائعه
وشكرا علي الشعر الجميل
وجزاك الله خير

Anonymous said...

يلااااااااا بقي انا مجبره اني ارد مدام دخلت
بس بجد قصيده اكثر من روعة وتحفة بجد
انا لو حبيت اقتبس منها اللي عجبني هقتبسها كلها
وعلي فكره لو مردتش علي الكومنت بتاعي ده انا بعد كده بقي مش هشكر في القصايد الجميله بتاعتك ولا اقول انها حلوه جداا ولا اي حاجه
وفي انتظار المزيد

هبة النيــل said...

راقية جداااا


لم يداوي بعدها آهـــــــــات قلبي.....فالفـــــــؤاد كـــأنه يأبى شــــفاها!


الله

۩۝۩ Dr. Flavio ۩۝۩ said...

شاعر حقيقي

هي دي فكرتي عنك يا حوده واللي بتأكدها بالقصيده دي اللي هيا من أوائل كتاباتك وده ظاهر فيها جدا من غير ما تقول لأن تناولك للوزن ده في قصيدة ليطمئن قلبي يختلف بشكل كبير عن تناولك له في هذه القصيده

بس نهايتها بجد رائعه وبجد فكر عالي جدا

فكرتني انت بقه بقصيده الشاعر اللبناني حليم دموس وهي قصيده للغه العربيه بدأها :

لا تلمني في هواها .. ليس يرضيني سواها


ألقاك على خير قريبا

۩۝۩ Dr. Flavio ۩۝۩ said...

صحيح نسيت أقول لك

مبروك تغيير الإسم ..

مع إني مش فاهمه

Anonymous said...

جميييييييييييييييييييل


بتخببببى الحاجات دى لية ياعم بس !!!!!!