تهييس مذاكرة

Tuesday, December 16, 2008

السلام عليكم ورحمة الله
كل سنه وانتو كلكم طيبين مرة تانيه
حاجات كتيرة كان مفروض أكتب عنها النهارده
منها خبر سعيد أوي بالنسبالي واستفتاء كبير بخصوصه بس هسيبه شويه كده
وكان كمان المفروض أكتب عن الجذمه بتاع بوش ..بس اللي كتبته ماحستوش
وماحبيتشي اكتب حاجه لمجرد الكتابه عن الموضوع وبس
مش عايز اطول في المقدمه
بس قريّب كنت بشيل كتب سنه خامسه من المكتب
على أساس قال يعني هذاكر سنه سادته بقى
وقلت قبل ما أشيلهم أبص فيهم بصة صغيره كده
ولاقيت فيهم شوية حاجات بسيطة صغيره كده كنت ناسيها
حاجات كنت بكتبها وانا بذاكر وبسجلها في الكتاب اللي بذاكر فيه
ولاقيت فيها جمل وابيات ..ممكن تكونوا سمعتوا حاجات منها قبل كده
وقلت بدل ما اسيببها هنشرها هنا خلطبيطه على بعضهم كده
شويه منها النهارده شويه في اي تلات جاي ان شاء الله
وفي النهايه لازم كل حد برضو هيدخل النهارده يختار منها تهييسه واحده بس
صحيح ..الأبيات اللي فيه كل طب عملتها بالأحمر عشان الناس اللي مش في طب
الحب الحقيقي..شئ ٌ زاد جماله فزادت ندرته
....................................................
إذا أحببت عينين فعليك ألا تفعل مايجعلهما يوماً ما ينظران إلى الأرض في انكسار
......................................................
أنا هفضل برضو أحبك...مهما على قلبي دست
hostأنا هعمل قلبي ....organismولو إنـت
.................................................
وقتلت غرامك جوايا...ودفنت هواكي في وجداني
أنا مش ندمان اني قتلته...لو عايش كنت أقتله تاني
............................................................
النسيان...شعور ٌ يذبحنا.. بمنتهى الرقة
.........................................
بعز الــناس ومهم يكون...هصون دايما ً معزتها
أنا لو نفــــــــسي ويّايا...ماكنتش عنــكوا عزتها
لكن مالاقيتشي روحي في يوم...ونفسي في نفسي عزيتها
..................................
ليس معني اننا لم نحب حتى هذه اللحظة أن قلوبنا قد ماتت
ربما كان ذلك لأن مشاعرنا الكبيرة لم تقابل إلى الآن من يستطيع ان يحتويها
.............................................
لو انت مش شايف حبى..اسمحلى أقوللك يا خساره
يا إما عــــايز تجرحني....يا إمــــــــــا عايز نضارة
..................................
نحن نحتاج ان نلغي عقولنا مرتين
مرة ٌ إذا قررنا ان نحب..ومرة ٌ اذا قررنا ان نضع نهاية ًلهذا الحب
......................................
أنااا رااايح خلاص في طـريق....وقلبك برضو راح في طريق
ماحدش فينا كان غلــــــطان......دي كانت غلـــــطة التنسيق
..................................

ليس من حق حبيبنا الأخير أن يلومنا على ما كان من قبله
إن ماضينا من العقاب يكفيه...أن من نحبه بصدق ٍ لم يكن فيه
..................................
انني أستطيع أن أتحمل أن يخونني من لا أحبه دهراً بأكمله
ولكني لا أستطيع أن أتحمل ان يخونني من أحبه ولو

للحظة ٍ واحدة
............................
لو قلت جميله بس...كده يبقى بظلمك
endemic يا اللي غرامك في قلبي...بقى حاجه
.......................
من حق الواقع أن ياتي ليهدم كل مابنيناه من قصص حب خيالية ٍ في قلوبنا
فقد كان خطأنا نحن حينما لم نشركه في بنائها منذ البداية
...............................
من غير كده ولا كده....حبك دخل في القلب
انت اللي زيـــك كده...مخلوق عشان يتحب
.......................................
ليس معني أن جرجتك زهرة أن تقاطع كل الزهور
فربما يكون خطأك أنت أنك تسرعت في قطفها منذ البداية
...............................
وبرغم البـــــــعد كنا........قريّبين زمان
دلوقتي ليه بـِعـِـدنا....واحنا في نفس المكان
...........................
.
و أخيراً
إن الله لم يخلق لنا قلوبنا لندفنها ؛ولا عقولنا لنلغيها
,ولا أعيننا لنغلقها,ولا أجسادنا لنعيش من أجلها
ان الله خلق قلوبنا لتحبه
وعقولنا لتفهم لماذا كان هذا الحب
و عيوناً تري هذا الحب على حقيقته فتجلعنا نبذل أجسادنا رخيصة ً في سبيله
في انتظار تعليقاتكم واختيارتكم

22 comments:

quiet_storm said...

وانت طيب وبخير يامحمود وان شاء الله سنه سادته تبقى احسن واجمل واسعد عليك وعلينا ان شاء الله
اخر سنه بقى وتبقى مسك الختام

جميله بجد كل الجمل قراتها وعجبتنى كلها جدا ومش كنت هختار عشان كده
بس هختار واحده برده

النسيان.... شعور يذبحنا بمنتهى الرقه

ربنا يوفقك ونشوف بوست تهييس مذاكره سنه سته على خير ان شاء الله

dina said...

ماشاء الله
جميله يا محمود
كعادتك طبعا

بس اسمحلى مش هختار حاجه

لان كلها عجبتنى

Anonymous said...

شككرا يا حوده على الكلمات دى وانا اخترت
إذا أحببت عينين فعليك ألا تفعل مايجعلهما يوماً ما ينظران إلى الأرض في انكسار

فعلا رائعة لانها فعلا تلخص كل احاسيس الحب والشعور العفيف والتقدير اللى هو اصلا المفروض انه اساس للحب دا

ولكن اسمحلى انى اسالك عن كام جملة كدا منهم ؟

من حق الواقع أن ياتي ليهدم كل1_ مابنيناه من قصص حب خيالية ٍ في قلوبنا فقد كان خطأنا نحن حينما لم نشركه في بنائها منذ البداية
طيب لو كنا اشركناه من البداية وبردة هدم الحلم دا بردا دا من حقه ؟؟؟!!!

2_ ليس معني أن جرجتك زهرة أن تقاطع كل الزهور
فربما يكون خطأك أنت أنك تسرعت في قطفها منذ البداية

انا قطفتها لتكون ملكى امام كل الناس وليست مباحة لاى الناس انهم حتى ينظروا اليها لان وقتها لن تكون ملكهم فهو تقدير لها قبل ما يكون مجرد تسرع ولكن: هل هذا التقدير يقابله ان تجرحنى ؟؟؟؟!!!!!!!

3_ نحن نحتاج ان نلغي عقولنا مرتين
مرة ٌ إذا قررنا ان نحب..ومرة ٌ اذا قررنا ان نضع نهاية ًلهذا الحب
عندما نحب قد نلغى عقولنا لبرهه وليس على طول هذا الحب لان وقتها نهايته محتومه ولكن عند نهايته نلغى كل شىء الا كرامتك وزاتك لانها بدونها لا تملك شىء

اسف لاطاله يا حوده : خال حبيبه

Anonymous said...

جميل كلامك يا محمود
الا صحيح انت ناوي تذاكر من اين؟؟
هههههههههههههه

بجد كلام جامد واعجبني كثيرا

..................................
نحن نحتاج ان نلغي عقولنا مرتين
مرة ٌ إذا قررنا ان نحب..ومرة ٌ اذا قررنا ان نضع نهاية ًلهذا الحب
......................................
تحياتي
Dr.ShaboMania

Anonymous said...

بعز الــناس ومهم يكون...هصون دايما ً معزتها
أنا لو نفــــــــسي ويّايا...ماكنتش عنــكوا عزتها
لكن مالاقيتشي روحي في يوم...ونفسي في نفسي عزيتها


دى بجد عاااااااااااااااالية جداااااااااااااااا
انا سمعتها منك قبل كده وعجبتنى جدااااااااااا

ربنا يبارك فيك ياحوده

Anonymous said...

فعلا يا محمود
كلام رقيق جدا
بس الجملتين دول عجبونى جدا
أنااا رااايح خلاص في طـريق....وقلبك برضو راح في طريق
ماحدش فينا كان غلــــــطان......دي كانت غلـــــطة التنسيق
فعلا ده غلطه التنسيق

Anonymous said...

انا اول مرة اشوف البلوج,بس بجد حلو اوي,ياالله مش عارفة حتى اكتب كومينت معلش انا افشل واحدة فى الكتابة ..anyway,اكتر حاجة بجد عجبتنى

من حق الواقع أن ياتي ليهدم كل مابنيناه من قصص حب خيالية ٍ في قلوبنا
فقد كان خطأنا نحن حينما لم نشركه في
بنائها منذ البداية

شق القمر said...

مساء الخير عليك أخى الكريم وعلى كل زوارك
طبعا انت عارف نوعية تعليقاتى
تقدر تقول الكلام كله السنة اللى فاتت كان له نفس الطابع
ودا واضح من مقتطفاتك طبعا
اتمنى تصل للأفضل دائما بأمر الله
وتجعل الواقع أمامك وتشركه فى كل ما تقدم عليه
ولا أختار هذه الفقرة بقدر ما أحييك عليها

إذا أحببت عينين فعليك ألا تفعل مايجعلهما يوماً ما ينظران إلى الأرض في انكسار


لأن هذا هو بحق معنى النبلاء

شكرا جزيلا

--------------------------

وعايزين امتياز السنة دى
بلاش خبال السنة اللى فاتت
انت فى واقع الجراحة حاليا
ثم الولادة والنسا
يعنى بعيد بعيد عن ألأطفال واللعب مع العيال :))

بالتوفيق
وسنة سعيدة علينا وعلى كل زملاءنا

semsema said...

وانت بالف خير وسعادة مرة تانية وتالته وعاشرة
جميلة الخلطبيطة دي عجبتني اوي بس علشان السؤال الاجباري بتاعك هختار واحدة بس

ليس من حق حبيبنا الأخير أن يلومنا على ما كان من قبله
إن ماضينا من العقاب يكفيه...أن من نحبه بصدق ٍ لم يكن فيه

عجبتني اوي وحسيتها جدا
يله ودع خامسة وانسي كل شيء فيها سيء واستقبل سادسة بنفس مفتوحة وعلي رأي دكتور فتوح
دي اخر سنة هتذاكروا فيها فذاكروا بقي بذمة لان اللي بعد كده من ماجيستير وغيره لا يعتمد علي المذاكرة وانما له حسابات اخري

صحيح علي ليك 60 قرش مش ناسياهم لما اشوفك هنتحاسب
تحياتي محمود

Anonymous said...

السلام عليكم ورحمه الله
ازيك يادكتور محمود كل سنه وانتم طيبين انا عارفه انها متاخره كتير اووووي
جميله اووووي الخلطبيطه دي بجد مناسبه لايام المذاكره واللي شوفناها فيها
هو ينفع اختار اكتر من جمله عجبني اوووي الاتنين دول


إذا أحببت عينين فعليك ألا تفعل مايجعلهما يوماً ما ينظران إلى الأرض في انكسار


ليس معني اننا لم نحب حتى هذه اللحظة أن قلوبنا قد ماتت
ربما كان ذلك لأن مشاعرنا الكبيرة لم تقابل إلى الآن من يستطيع ان يحتويها

علي فكره الاسم تحت امرك في اي وقت انا كان بحب الاسم ده جدا اسفه للاطاله

Anonymous said...

uyuytuytuyilkjlklytiuti

Anonymous said...

كل الجمل جميلة و روعة واكتر حاجتين عجبوني اذا احببت عينين فعليك الا تفعل ما يجعلهما يوما ما ينظران الى الارض في انكسار.......النسيان شعور يذبحنا بمنتهى الرقة

Anonymous said...

السلام عليكم
جميله اوى يادكتر التهيسات دى وكويس انك كنت بتطلع كبت الم>اكره فى حاجات جميله زى دى واحلى تهيسه عجبيتنى هما كلهم احلى من بعض بس احلاهم هى
ليس معني اننا لم نحب حتى هذه اللحظة أن قلوبنا قد ماتت
ربما كان ذلك لأن مشاعرنا الكبيرة لم تقابل إلى الآن من يستطيع ان يحتويها

! ! ! ! said...

السلام عليكم ...

أنا هختار على طول .. و كمان هختار أتنين ..
كوسه بقا :D

الأولاني
إن ماضينا من العقاب يكفيه...أن من نحبه بصدق ٍ لم يكن فيه

بجد تعبير تحفه .. رائع يا محمود

الجمله التانيه
إن الله لم يخلق لنا قلوبنا لندفنها ؛ولا عقولنا لنلغيها
,ولا أعيننا لنغلقها,ولا أجسادنا لنعيش من أجلها
ان الله خلق قلوبنا لتحبه
وعقولنا لتفهم لماذا كان هذا الحب
و عيوناً تري هذا الحب على حقيقته فتجلعنا نبذل أجسادنا رخيصة ً في سبيله

الحلم الجميل said...

السلام عليكم ورحمة الله وبركاته
حلو اوى التهيسات دى يادكتور بس دى اكتر واحده عجبتنى
إذا أحببت عينين فعليك ألا تفعل مايجعلهما يوماً ما ينظران إلى الأرض في انكسار
ربنا يوفقك

عندما تنهمر الدموع said...

السلام عليكم ورحمة الله وبركاته
ازيك ياد/محمود يارب تكون بخير وازي سنة ستة معاك يارب يكرمك ويوفقك فيها يارب
اسمحلي انا هختار اكتر من حاجة معلش بقى كلها حاجات جميلة وصعب اوي الاختيار
اول جملة عجبتني هي
إن الله لم يخلق لنا قلوبنا لندفنها ؛ولا عقولنا لنلغيها
,ولا أعيننا لنغلقها,ولا أجسادنا لنعيش من أجلها
ان الله خلق قلوبنا لتحبه
وعقولنا لتفهم لماذا كان هذا الحب
و عيوناً تري هذا الحب على حقيقته فتجلعنا نبذل أجسادنا رخيصة ً في سبيله
واكتر جملة شدتني واثرت فيا هي
إذا أحببت عينين فعليك ألا تفعل مايجعلهما يوماً ما ينظران إلى الأرض في انكسار
فعلا جملة رائعة ومؤثرة بكل المقاييس بتوضح يعني ايه تكون انسان نبيل وعلى خلق انسان مشاعره رقيقة انسان ميعرفش يجرح ولا يكره
والحاجات اللي ضحكتني اوي
لو انت مش شايف حبى..اسمحلى أقوللك يا خساره
يا إما عــــايز تجرحني....يا إمــــــــــا عايز نضارة
وكمان في بيتين عجبوني اوي
ليس معني أن جرجتك زهرة أن تقاطع كل الزهور
فربما يكون خطأك أنت أنك تسرعت في قطفها منذ البداية
البيتين دول معناهم حلو اوي الجميل فيهم ان الانسان لو انجرح من حد من حبيب من اخ من صديق من قريب من بعيد فده مش معناه ان كل الناس وحشة او ان كل الناس زي بعضها لان المثل بيقول صوابع ايديك مش زي بعضها كمان احنا ليه دايما بنلوم الناس ونطلعهم هم اللي غلط واننا دايما اللي صح ليه منحاولش نحط نفسنا مكانهم ونشوف هيكون تصرفنا ايه ساعتها بلاش دايما نطلع الغلط في الناس وياريت قبل ما نغلطهم ندور على الغلط اللي فينا الاول
اسفة طولت على حضرتك بس كان ليا طلب صغير ياريت في اقرب وقت تقولنا على الخبر السعيد اللي ذكرته في بداية البوست عشان كلنا نفرح معاك
ربنا يكرمك ويعينك

محمد عبد الباسط said...

ماشاء الله عليك
انت عارف رايى طبعا فى كلماتك
ربنا يبارك فيك ويحفظك اخى الكريم دعواتك ليا

حلم كبير

Anonymous said...

ليس معني اننا لم نحب حتى هذه اللحظة أن قلوبنا قد ماتت
ربما كان ذلك لأن مشاعرنا الكبيرة لم تقابل إلى الآن من يستطيع ان يحتويها


جامده جدا جدا دي يا محمود وبجد ربنا يكرمك انت لخصت وجبت من الاخر

Anonymous said...

السلام عليكم ورحمة الله وبركاته ...........اكثر تهييسة عجبتنى واستغربت لما محدش اختارهالحد دلوقت ..... الحب الحقيقى شئ زاد جماله فزادت ندرته دمتم بخير

Anonymous said...

جديدك فييييين يا دكترة

احنا الثلاثاء بالليل ولسه مافيش حاجة
خييير ان شاء الله

بالانتظااااار

Anonymous said...

يا أهل الدار انتوا روحتوا فين ولا
الدنيا برد ؟فين الجديد؟
لعل المانع خير يااااارب
...................................
...............................
حسيت "
انني أستطيع أن أتحمل أن يخونني من لا أحبه دهراً بأكمله
ولكني لا أستطيع أن أتحمل ان يخونني من أحبه ولو

للحظة ٍ واحدة
"

وكمان "
من غير كده ولا كده....حبك دخل في القلب
انت اللي زيـــك كده...مخلوق عشان يتحب"
فعلا فى ناس كده ربنا بيضع حبهم فى قلبه
وبيكونوا سبب سعاده ليه لمجرد بس ان الواحد يشوفهم

جمييييييل جدا ومتخلوناش نستنى كتير الا لو كانت المذاكره كده يبقى سماح

بالتوفيق دائما ان شاء الله

هبهوبه said...

الحب الحقيقي..شئ ٌ زاد جماله فزادت ندرjندرته
دي حقيقة والله يا محمود وكان لازم اختارها
ارجوك بلاش تزعل مني في تأخيري عليكم بس والله ظروف خاجه عن إرادتي انا بدخل على نت البيت وبيبقى بطيئ جداً بس انا قلبي معاكم دايماً