الدعوة عامة

Tuesday, April 21, 2009

السلام عليكم ورحمة الله وبركاته

انا آسف ان كنت حيرتكو معايا في المكان اللي ممكن اقول فيه شعر

ومتشكر لكل الناس اللي ردت هنا وطلبت مني اقول شعر عندهم هنا او على الميل
بجد دا شئ يشرفني وخصوصا رواند خامسة الي بعتز جدا اني واحد منه
انا بفكر في حل ممكن يرضي كل الناس اللي عايزة تسمع القصديتين دول
انا لو ربنا يسر ممكن اقولهم في مدرج الجراحة الساعة تسعة الا ربع قبل الشيفت الاولاني
يوم الأربع اللي زي بكرة
بحيث ان اي حد عايز يحضر يحضر ويكون المكان معروف وسهل الوصول اليه
وانا بجد بجد اتمنى كل الناس تحضر..انا كان نفسي اقول في
مجموعة خامسة بس المشكلة ان احنا كل يوم في مكان وكل يوم بميعاد
بس لاقيت ان الحل ده ممكن يرضي الجميع ويبقى الموضوع اختياري لكل حد حابب
ييجي بدري عشان يسمع القصيديتين وماأكونشي برضو فرضت نفسي مرة واحدة كده على الناس
يارب يكون الميعاده مناسب كل الناس
واتمنى ماحدش يتحرج ييجي من اي رواند ومن اي دفعة
احنا كلنا اخوات ودرجة الاحترام اللي بنا المفروض تلغي حتى الاحراج دي
الدكتورة غادة بتمتحن على فكرة ومحتاجة دعواتكم
انا كمان محتاجها جدا
ربنا يكرم الجميع ان شاء الله
اشوفكوا التلات اللي جاي هنا والاريع الي بعده هناك ان شاء الله

3 comments:

۩۝۩ Dr. Flavio ۩۝۩ said...

تسعه الا ربع ايه يا عم ... احنا هنبيع لبن


خليها بعد الراوند أحسن أو حسب ما الناس تتفق ع الميعاد .. لكن كده بدري جاااااامد

محمد عبدالعال said...

طيب ماتقول فى كل راوند مره يامحمود ؟
وخلى خمسه بتاعنا ده فى الآخر
احنا تعرف تقول لنا كل يوم ياعم لكن باقى الراوندات مابيتجمعوش غير فى المحاضرات اللى فى آخر السنه
ويبقى كل راوند حسب مواعيده ومواعيدك
وطبعا بكل تأكيد أنا مع فرج إنه يبقى فى آخر الراوند مش فى أوله لأن ناس كتير بتيجى بعد الساعه تسعه

وعلى العموم الوقت اللى هتختاره احنا معاك فيه !

Anonymous said...

السلام عليكم ورحمة الله
بجد احنا فرحانين اوي انك هاتقول عندنا في راوند ستة المسكين الغلبان

بس بلاش فعلا يكون قبل الراوند لاسباب كتير:

اولا في اليوم ده احنا عندنا دكتور محمد الشيخ وده بيدخل الساعة 8,5 وبيقفل الباب الساعة تسعة الا ربع

ثانيا دكتور سيد مندور قال انه هاييجي بدري يومها عشان يشوف البريسنتاشنز بتاعتنا

ده غير ان مش كلنا هانبقي موجودين
يا ريت يا دكتور تغير المعاد لبعد الراوند

بس اوعي تغير المكان
...........................