افتكاسات دكتور مفروس

Tuesday, April 28, 2009

السلام عليكم ورحمة الله
يارب يكون كل الناس بخير
انا بجد متشكر اوي لكل الناس اللي حضرت بدري النهاردة
بجد الواحد مش عارف يشكرهم ازاي صحيح ان الوقت ما امهلناش نكمل
بس متعوضة ان شاء الله...و اتمنى الناس اللي فضلت بعد الرواند
يكون عجبها صوت زميلنا ابراهيم مطاوع اللي بجد كان يستاهل
ان شاء في اقرب فرصة هقول في المدرج لإن الناس هناك
أحرجوا الواحد بحسن استقبالهم الجميل ده...جزاهم الله كل خير
أسيبكم مع بوست النهاردة
نست اقول ان كل واحد لازم يختار جملة...رخامة كالعادة يعني
................................................

افتكاسات دكتور مفروس

.....................................
لدخول الطب فرحة ٌ لا تتكرر ..إلا عند التخرج منه

...................................................
لأن أشياءاً كثيرة ً في حياتك ستتأجل بسبب الطب

فهم يدربوك على ذلك من الفرقة الأولى

..................................................
يستطيع الطبيب أن ينتقل إلى أي مكان في العالم بتكلفة ٍ أقل من التكلفة

التي تنتقل بها الدبلة من يده اليمني إلى يده اليسرى

.............................................
" تحب تتسأل في ايه؟"...هو أسهل سؤال من الممتحن.. ولكنه أصعب سؤال على الطالب
............................................

يتكفل الآباء بإحضار الأقلام والكراريس والكشاكيل لأولادهم حتى

يدخلوا كلية الطب..فيتركوا ذلك لشركات الأدوية

......................................................
في الطب تصنّف تقديراتنا كالتالي
امتيــاز...حد أقصى

جيـــــد ...حد أدنى

مقبـول....حد ضحك عليك

.........................................
في لجنة الشفوي غالباً ينسي الطالب كل ماذاكره قبل ذلك

وغالبا ما ينسى الدكتور انه كان طالباً وكان ينسي أيضاً
................................................

الروشتة الناجحة هي محاولة مستميتة لعقد اتفاقية سلام

بين جيب المريض وفاتورةالصيدلي

...............................
امتحان التحريري هو محاولة مضنية من الطالب للخروج بأقل الخسائر

من الحرب الضارية بين كتب القسم ومذكرات الدروس

..........................................
امتحان العملي هو محاولة مستحيلة من الطالب للخروج بأكبر قدر

من الدرجات من الدكتور مقابل أقل نقود يدفعها للحالة

..........................................
نحن في الطب كالسمكة في الماء ..كلانا يموت على البر

الفرق أننا نموت في البحر أيضاً
..........................................

أحيانا يضطر الأطباء للتحدث مع بعضهم باللغة الإنجليزية ليعلم المريض أنهم

قد توصلوا لتشخيص حالته وأحياناً كثيرة لكي لا يعلم أنهم لم يستطيعوا
............................

امتحانات بعد التخرج
mcqهتتخصص ايه...أصعب سؤال

give account بتاعك... أصعب سؤالc.v الـ
أول مريض تكشف عليه...أصعب لجنة عملي
أول مرة تقعد مع أبوالعروسة...أصعب لجنة شفوي

..................................................
الفرق بين عدد الحضور في مدرج الفرقة الأولى ومدرج الفرقة السادسة

هو نفسه الفرقبين عدد الحضور في مباراة نهائي كأس العالم

وبين الحضور في مبارة انبي مع الترسانة

...............................................
غالباً ماتفضل الطبيبة أن تتزوج طبيبا مثلها وذلك

لأنها تعلم أنه لم يعد في عينيه بقايا نظر ينظر به إلى غيرها

........................................................
يحاول أساتذة الطب أن يرضوا المرضى.. ويحاول الطلاب أن يرضوا الأساتذة

ويحاول النائب أن يرضي الطلاب والمرضي والأساتذة معاً

................................
بعد دراسة مادة النسا في الفرقة السادسة ستكتشف

"لماذا يخشى كل الناس من كيد "النسا
....................

بعض دكاترة الشفوي يسألونا لكي يسمعوا اجاباتنا

والكثير منهم يسألونا لكي لا يسمعوها

...................................
إذا أردت أي مساعدة من طالب طب فاطلبها منه قبل لجنة الشفوي مباشرة

فهو على استعداد أن يساعدك بأي شئ ليساعده الله داخل اللجنة

....................................
كثير ٌ من الأطباء لا يراعي أن الناس لا يملكون نقوداً

ولكن كثيراً من الناس لا يراعون أن الاطباء لا يملكونها أيضاً

................................
كتب القسم والضرائب..كلاهما اجباري...كلاهما تدفع له على مضض..كلاهما

"يرفع ضغطك حينما يأخذوا نقودك بإبتسامة ٍ عريضة تحت شعار "مصلحتك أولا
............................................

اقتداءاً بجذمة بوش لو قذفنا كل مسئول عن الإهمال في المستفيات بجذمة

فقد نحل أزمة المستشفيات ولكن بالتأكيد ستحدث أزمة في الجذم

.........................

معظم الأطباء الذكور لا يهتمون بتصفيف شعرهم

إما لأنهم لا يملكون وقت..أو لأنهم لا يملكون شعر

23 comments:

محمد عبد الباسط said...

احجز اول تعليييييييييييييييييق

انا مش مصدق نفسى
احمدك يارب


حلم كبير

Anonymous said...

قبل ما أكمل قراية البوست الرئيسي
.........
انت ليه دايما بتحاول تقلل من قيمة نفسك
ان شاء الله كلنا هنيجي وهنحضر لانك داايما بتسعدنا بكلامك
ولو ماقدرناش نيجي تبقى الموصلات السبب والله

Unknown said...

كلام في الجون زي ما بيقولوا
وبمناسبه الجون متهياقلي كل مباريات انبي بعد كدا جمهور الزمالك والاسماعيلي هيحضرها علشان اللي عملوه في الاهلي
يعني حتي مدجات سنه سته مش هتبقي زيها

وربنا يعديها علينا علي خير السنه دي

منــار فايد said...

ايه ده يامحمود الاتفاقات الغريبه دي
يعني انت عازم سنه سادته بس عشان دفعتك
طيب مانا عندي اطفال ومش هاعرف احضر برضو
صحيح هو انت عامل اتفاق ليه؟؟؟؟؟؟
كنت اعمل اي حاجه بعد الروندات كان اي حد عايز ييحضر يحضر....
ماعلينا بوست النهارده بقى فيه شبه من واحد كنت كتبته من زمان وانا فاكره كنت نشرته تقريبا في معرض الكليه
اجمل حاجه عجبتني وضحكتني اخر حاجه
معظم الاطباء الذكور لا يهتمون بتصفيف شعرهم اما لانهم لا يملكون وقت أو لانهم لا يملكون شعر...


كان نفسي والله احضر لكم بس اطفاااااااااااال ماينفعشي
وسلامي

حسام غانم said...

جااااااااااااااااامد جدا

مش عارف اختار حاجة

كله اجمل من بعضه

د/عرفه said...

يااااااه
يا محمود
انا بقالى اكتر من اسبوع بحضر
ويعنى كنت ناوى اغيب بكرة
معذرة يا محمود لعدم حضورى الروند بكرة
تقبل اعتذارى

وايضا
بحمل ليك
مدى اعجابى بالموضوع ده
فعلا جميل اى

شق القمر said...

ههههههههههههههههههه
متعك الله بحس الفكاهة والضحك والبسمة الدااااااااااائمة

لا أسكت الله لك حسا يا محمود
:D

بس رؤية النسا دى جامدة .. استنى كمان لما تدرسها الراوند الجاى واتكايد بنفسك
:-P

اما بقى عن الطبيبات وزواجهن من الأطباء
فالحقيقة هى لان الاطباء مش يلاقوا حد يتفهم حالة الصلع اللى عندهم غير الطبيبات

دا ردا برده عن اخر افتكاسة

:-P

د/محمد الخطيب said...

الفرق بين عدد الحضور في مدرج الفرقة الأولى ومدرج الفرقة السادسة

هو نفسه الفرقبين عدد الحضور في مباراة نهائي كأس العالم

وبين الحضور في مبارة انبي مع الترسانة

...............................................
يحاول أساتذة الطب أن يرضوا المرضى.. ويحاول الطلاب أن يرضوا الأساتذة

ويحاول النائب أن يرضي الطلاب والمرضي والأساتذة معاً

................................


بعض دكاترة الشفوي يسألونا لكي يسمعوا اجاباتنا

والكثير منهم يسألونا لكي لا يسمعوها

دول جاااااااااااااااااامدين جداااااااااااا

انت مشكلة يامحمود بجد

بجد مشكلة والله

Anonymous said...

باركـ الله فيكمـ .... مدونة رائعة ونضع لها روابط فى منتدانا .... وفقكمـ الله .

أنا أعتبر طلبة وبالطبع طالبات كليات الطب ..... مقاتلين فوووووق العادة ، إياكمـ أن تسألوا طالب أو طالبة وخصوصا فى الفرقة الخامسة أو السادسة " إنتا ناوى تتخصص إيه ؟؟" لأن الرد هيكون ..... " أملى الوحيد إنى أطلع من الكلية دى ...."
ويبقى إنجاز اللى يخرج منها بدون زيارة لطبيب نفسى ، فالحمد لله الذى عافانا منها ... أنا تحدثت لأن أختى الحمد لله فى امتياز عقبال الجميع ....

وربنا يحميها وإيانا مما جاء فى هذه العبارة :

معظم الأطباء الذكور لا يهتمون بتصفيف شعرهم
إما لأنهم لا يملكون وقت..أو لأنهم لا يملكون شعر

سبحانكـ اللهمـ وبحمدكـ أشهد أن لا إله إلا أنت أستغفركـ وأتوب إليكـ

*** نسمات البنا ***

نهال عمر said...

بسم الله .. هاقول ايه....رااااااااااائع كعادتك رغم انى كنت مبسوطة انك مشرفنا فى الراوند بس للاسف ملحقناش نفرح.بتمنى الزيارة دى تتكرر ان شاء الله.وع فكرة صوت د.ابراهيم ممتااااااااااااز ربنا يحميه ويباركله. نحن في الطب كالسمكة في الماء ..كلانا يموت على البر
الفرق أننا نموت في البحر أيضاً

عندما تنهمر الدموع said...

السلام عليكم ورحمة الله وبركاته
ازيك ياد/حودة يارب تكون بخير انا دخلت النهاردة بسرعة عشان اقرا البوست اصل مش هبقى ضيعت البوست عليا وكمان ضيعت القصائد اللي حضرتك قلتها النهاردة بجد انا بعتذر مرة تانية معلش حظي قليل بس ان شاء الله تتعوض طبعا البوست النهاردة يموت من الضحك وبجد انا كنت محتاجة حاجة تفرفشني شوية وتخرجني من مود الامتحانات
اكتر جملة عجبتني هي
في لجنة الشفوي غالباً ينسي الطالب كل ماذاكره قبل ذلك
وغالبا ما ينسى الدكتور انه كان طالباً وكان ينسي أيض
بجد عندك حق اول ماتدخل للدكتور يحسسك انه كان احسن واحد في زمانه وانه مهما عملت عمرك ماهتوصل لعلمه ونسي انه كان زينا في يوم من الايام

mcqهتتخصص ايه...أصعب سؤال
give account بتاعك... أصعب سؤالc.v الـ
أول مريض تكشف عليه...أصعب لجنة عملي
أول مرة تقعد مع أبوالعروسة...أصعب لجنة شفوي
..................................................
الفرق بين عدد الحضور في مدرج الفرقة الأولى ومدرج الفرقة السادسة
هو نفسه الفرقبين عدد الحضور في مباراة نهائي كأس العالم
وبين الحضور في مبارة انبي مع الترسانة
والجمل دي كمان جميلة اوي
ربنا يكرمك ويوفقك

Anonymous said...

سلام عليكم اولا انا بجد بهنيك علي احترامك وتواضعك وانك قدرتنا ان احنا حضرنا النهارده بإنك قدمتلنا مفاجأه جميله جدا زي ماقولت لأن صوت د ابراهيم جميل جدا ونتمني نشوفه معاك دايما وطبعا ماتنساناش بأعمالك دايما اللي احنا بنستناها بس ياريت تختار ميعاد كويس يناسب الجميع علشان كان ليا صاحباتي كانوا عايزين يحضروا بس الظروف ماسمحتش

Unknown said...

دكتور محمود
هو انتم كنتم بتوزعوا حاجة بعد الراوند ولا شىء؟طب هات شوية منها
عايزة اقولك كمان انى موافقاك
فى كل اللى قلته ماعدا
(غالباً ماتفضل الطبيبة أن تتزوج طبيبا مثلها وذلك
لأنها تعلم أنه لم يعد في عينيه بقايا نظر ينظر به إلى غيرها)
لألألألأللاسف يازميل المهنة
بيفضل له وعنده نظر يبص
بيهم (بعد الزواج)بردون لحد تانى
وتالت وممكن رابع
واسألنى انا عن واقع العمل :(

تأثير الفراشة said...

ما شاء الله رااااااااااائعة يا د.محمود، مش عارفة أعلق على إيه فيهم كلهم أجمل من بعض
ربنا يوفقك
تقبل مرورى

http://a-butterflyeffect.blogspot.com/

ابراهيم مطاوع said...

سلام عليكم
اولا احب اشكرك يامحمود علي تقديمك ليا بعد الراوند وبجد انا مش لاقي كلام اقوله يعبر عن تفضيلك ليا ان انا اخد الوقت المتبقي بعد الراوند بدلا منك رغم ان ده كان ميعاد معروف للجميع ويوم محدد ليك علشان تقول فيه قصايدك الجميله دايما
واتمني ان اكون عند حسن ظنك دايما وقد الثقه دي

اما بقه عن البوست بتاعك فطبعا كالعاده كلام رائع ومعبر ودمه خفبف قوي انا مش لاقي حاجه معينه اعلق عليها لأن بجد كله احسن من بعضه

تقبل مروري اخوك ابراهيم مطاوع

Anonymous said...

هو ايه اللي حصل بالظبط؟
وابراهيم مطاوع قال ايه بالظبط وفي اي مجال؟

Anonymous said...

هو مين ابراهيم مطاوع؟

Anonymous said...

تدوينة جميلة فعلا

د.ميريهان said...

حقيقة لم أختر واحدة...لأن الكثير منهم تميز وأعجبني...
بل الجميع..
ولكني عملا بما قلت..سأختار 4 منهم...

في لجنة الشفوي غالباً ينسي الطالب كل ماذاكره قبل ذلك
وغالبا ما ينسى الدكتور انه كان طالباً وكان ينسي أيضاً


تحب تتسأل في ايه؟"...هو أسهل سؤال من الممتحن.. ولكنه أصعب سؤال على الطالب

غالباً ماتفضل الطبيبة أن تتزوج طبيبا مثلها وذلك
لأنها تعلم أنه لم يعد في عينيه بقايا نظر ينظر به إلى غيرها

ولم لانقول حتى يقدر وضع انشغالها بعملها احيانا عن بيتها؟؟
تلك نظرية حقيقية فعلا فلن يقدر عمل الطبيبة الانثى الا مجرب لما مرت به..

معظم الأطباء الذكور لا يهتمون بتصفيف شعرهم
إما لأنهم لا يملكون وقت..أو لأنهم لا يملكون شعر

هههههههه...رائعة..

سلمت دكتور محمود..ولاحرمنا افتكاساتك

لكنك حقيقة تثير حنقي اكثر واكثر كلما اقرأ عن حالنا ووضعنا مع هذه الكلية.....

وردة said...

ههههههههههههه
ايه يادكتور ده كله
اول مرة اشوف دكتور بيضحك
هههههههه
مش قادرة اقول غير موافقون
ههههه
يعني دخلت لاقيت كل اللي بيعلقوا برضو دكاترة وعاوزني مثلا لا قدر الله اعترض
دول يأخدوني يذاكروا عليا تشريح
لاء بجد
تسلم ايدك حلوين اوووي
وسلامي لكل الدكاترة
سلام

شبه إنسانه .....( سهوره ) said...

كالعادة يا محمود خفة الدم

انا والله بحس بسعادة لما بدخل البلوج بتاعك وكمان بسمع كلامك واجمل حاجه فى البوست ده ان روحك انا حاساها فى الكلام

بس انا زعلانه منك عشان معزمتنيش

تقبل مرورى

سهوره

Anonymous said...

جامدين والله يا حوده بس بتاع الروشته حاجه تانيه ياترى بتقصد ان مين المستفاد من الموضوع اوعى تقولى الصيادله احسن ازعل انا كده وان الطبيب تعب يا عينى من اتفاقيه السلام عشان يراعى مريضه الغلبان من ظلم الصيادله امضاء....... ..انسان

E7na el FM said...

معاك حق ف حاجات كتير اوى
لنا الله ف دراسه الطب ده
thumbs UP :)