متأسف جدا

Thursday, May 7, 2009

ولالسلام عليكم ورحمة الله
أنا متأسف جدا لكل زمايلي في مجموعة خامسة على اللي حصل النهاردة في المسالك.
أنا والله كان نفسي أعمل حاجة تكون في مصلحة الجميع
ولما لاقيت معظم الناس مش هتنزل يوم الحد عشان مراجعة العظام
وهما في القسم لاقيت مش في نيتهم يعملوا مراجعة يوم الحد عشان الناس مش هتنزل
ولاقيت انه كده كده مافيش مراجعة عضم ولا مسالك خالص
فقلت مادام كلنا نازلين الخميس نحاول نستفيد على أد ما نقدر من اليوم ده بصورة ودية مع الدكاترة
واتكلمت مع الدكتور ممدوح والدكتور رشيد على الاساس ده
وحاولت يكون الوقت مناسب للكل
بس الوقت إتأخر غصب عننا ودكتور المسالك مشى ومارضيش يشرح
وخدت كلمتين في جنبي من دكاترة المسالك عشان اتاأخرنا عن ميعادنا
بس اللي مزعلني جدا ومخليني في قمة الخجل منكم ان المراجعة راحت على زمايلي
يارب بس تكون مراجعة العظام كانت كويسة
انا بجد متأسف جدا
وربنا معانا كلنا في الامتحانات اللي جاية دي

6 comments:

Unknown said...

السلام عليكم ورحمة
الله تعالى وبركاته
التنسيق بين الطلبة
والاساتذة والمراجعات
فى الاوقات الحرجة دى
من أصعب الاشياء.
انت كانت نيتك الخير
وربنا سبحانه وتعالى
حيجازيك على صالح نيتك هذه.
ربنا يوفقك ويوفق الجميع يارب.

شق القمر said...

والله يا محمود انت قلبك طيب
دا بدل ما تقدموا شكوى فى القسم على يوم الاتنين اللى محدش جالكم فيه خالص

وبعدين ان كان عالمسالك فكلها تنضرب بصراحة الا من بعض الحاجات المهمة

وعن العملى فالمهم فيها تشوف الاشعه وتحفظ الآلات

وبجد بيبقى سهل وبسيط

واغلب الأسئلة فى الحصو
وازاى تعالجها
وهى فى اى مكان .. ولكل مكان وسيلة لعلاجها

And the catheters

والفرق ما بين

Squamous and Tansitional Cell cacinoma in urinary bladder.

بنجاواتى said...

السلام عليكم

يا حودة ما ينفعش انك تعتذر عن تقصير ناس تانيين

المشكلة ان العالم دى مفكرين انهم لما هيقوموا بواجباتهم تجاه الطلبة يبقى بيمنوا عليهم أو بيعملوا حاجة اكتر من اللى المفروض يعملوها

هو يمكن احنا اتأخرنا شوية على أما رحنا لسيادتهم لكن معلش بقى ماتش الكورة اللى كنا بنلعبه والجرى والسرمحة هو اللى عطلنا عن الحضور فى ميعادنا مع هؤلاء الافاضل

عموما كتر ألف خيرهم انهم خلونا نغيب طول الروند على راحتنا وأهى كانت فرصة حلوة علشان الواحد ما يشوفش الخلق دى

سلام يا عم
وما تعصبنيش تانى باعتذارات وكلام من ده

نومستا

Unknown said...

تعتز عن ايه بس يا محمود
انت كان في ايدك ايه تعمله اكتر من اللي عمالته
ربنا يبارك فيك والله
وكفايه اوي ان وفرت علينا نزول يوم الحد وبجد استفدنا كفايه اوي
وبالنسبه للمسالك كفايه اللي كنا بنجضره يوم الاربعاء مع دكتور صلاح
وبالنسبه ليوم الاتنين بقي يا ست رنا انتي السبب فيه بقي ايه اللي خلاكي تيجي وتنورينا يوميها ها؟
لازم الروند يتلغي علشان نعرف نقعد معاكي يا قمر
وتاني وتالت يا محمود ميرسي اوي علي مراجعه الهظم انهرده وكتر الف خيرك والله
ومحتاجين دعوات الجميع معانا الفتره اللي جايه

شق القمر said...

طب وحياتك يا شيخة
وحياة البنات اللى كانوا معاكى
وحياة الرغى والنمّ
المسالك ولا القمر فى عز الضهرية ؟؟؟


هههههههههههههه

وبعدين مش كفاية روحت من عندكم انا والسرير واحد لمدة يومين

:(

يلا يابنتى يارب تكونى حليتى كويس فى التخدير
وأشوفك على خير بعد امتحان المسالك
خدى بالك هنتقابل يوم المسالك برده

متبقوش تجروا عالقمر وتسيبوا الامتحان

هههههههههههههههه

احمد سعيد said...

فينك يا رجل