يا جهاز فرج

Tuesday, June 9, 2009

السلام عليكم ورحمة الله وبركاته
خلينا نخرج النهاردة من جو التلات اللي فات
بوست النهاردة بوست مخصوص شوية
لإني كتبته بناءا ً على طلب حد عزيز وغالي عليا جدا..
صاحبي واخويا محمود فرج اللي جهازالكمبيوتر بتاعه إتاخد مصر
وسابوا محمود من غير جهاز ومن غير نت
هوالموضوع صعب جدا وحاولت أكتب فيه على أد ما قدرت
هو الكلام ماطلعشي أد كده بس هوعارف ان الدماغ مش شغالة اليومين دول
وماكنشي ينفع أقول لأ خصوصا لحد في مقام وغلاوة محمود عندي
قلت أكتب الرسالة دي على لساني أنا لجهاز محمود
.................................
ياجهاز فرج
يا جهاز فرج على فين خدوك....ليه تنسى عشرة عمر فات؟؟

امتي يا غالي يرجـــــــــــعوك....لو حتـــى من غير الرامات

بـَعدك فــرج تسهر عينيه

وسؤال ينام و يقــوم عليه

سايب مكانـــــك فاضي ليه

في القوضة جنب الأنتريه؟؟؟؟
Endدي حياة فرج بَعــدك كابوس....و مـُــناه يكـــــــــون للبعد
don't sendأو End nowوايديه بتاكله عشان يدوس..على
bye من يــــــوم ما رُحت وقلت
stand by وفــــــرج حيـــــاته
من كتر هـــــــــــمـّــه ما زاد بقى
nacked eye ينشاف كده بالـ

من بعد ما سنيــــن عاش معاك.....ازاي هيــــــدخل سيــــــبرات

ازاي في وسط النـــــاس هناك....يلعب ســـــــــــباق السيارات؟؟

فيه حد شافكوا خبطكوا عين؟؟؟

ازاي تسيــــــــــبه ولو يومين؟؟

بس الســـــــؤال أصعب سؤال

بَعدك هيلـــــــــــعب فيفا فين؟؟؟

فين الماوس ؟؟راخر خدوه!!......و الهارد ويّــا السي دي رووم

فين لـــــما أبوه و أمه ينادوه.......سيــــــــب لوحة المفاتيح وقوم

بَعدك فرج دايـــــــــما ً يبـات

يحلم بصــــــــوت السماعات

علشان خدوك ولا سابـوا ليه

لو حتى حـــــــبـّة فيــروسات

ياجهاز فرج

هو انت يعني صحيح مـُسِـن....وبيحكوا عنك في الكتب

وكإننـــــا جايبـيــنه مـــــن.....عـــــهد الوزير أمنحتب

بس انت كــان شغلك سليم

بصــــراحة مشيك مستقيم

وحمارتك العــــارجة أكيد

أحسن ما تحـــــــتاج للئيم

ياجهاز فرج

ياجهاز فرج يا حبيــبنا ليه....سايب فـــرج ومهمّــله

لو طوّلت غيبــــــــتك عليه.....احنا أكـــــيد هنلــمّـله

ازاي تسيب صاحبك فرج

طول عمره مستني الفرج

لو كنت واحـــــد منــنـّـا

لو كنت فاكــــــــر عهدنا

ماتخلينــّاش لايصين هنا

وارجع قوام يا جهاز فرج

19 comments:

عصفور الشتا said...

أول كومنت
ايه الشرف ده؟؟
جميل أوي يا محمود انك في عز حزنك تقدر تضحك وتضحك الناس معاك
موضوع صعب عرفت تعمل منه قصيدة جميلة
محمود فرج شاعر جميل وانسان أجمل
وبيتهيألي البوست ده فرصة ان كلنا نقوله يرجع لمدونته تاني ويمتعنا بأشعاره
بالتوفيق ليك وليه وربنا يديم المشاعر الطيبة ما بينكوا

semsema said...

نداء من أصحاب القلوب الرحيمة
إلي بشمهندس محمد فرج يناشدوه بأن يطلق سراح جهاز الكمبيوتر المحبوس لديه بالقاهرة

ما شاء الله يا محمود
نعم الرثاء والله
ياريت كمان ترثي جهاز حنان بكلمتين
ربنا يرجعهولك بالسلامة يا محمود فرج ويجعل فرجه عليك قرييييييب
اللهم أمين

محمد عبد الباسط said...

ههههههههههههههههه

حسن اخويا بيسشلم عليك وبيقول لك يسلم لسانك واديك

وانا كمان بسلم عليك اهه

دمت مبدعا

تحياتى
حلم كبير

Anonymous said...

هههههههههههههههه

الله يضحكك و يدخل السرور الى قلبك :)

rose flower

manar_fayed said...

ازيك يامحمود
متعان لوقت زنقه وفي المناسبات التمام بس ابعد عن جهازي.......

حلوه بس انت كنت تقدر تكتب احسن من كدا بكتير

manar fayed said...

تقبل مروري

Insane "in Arabic" :D said...

بس انت كــان شغلك سليم

بصــــراحة مشيك مستقيم

وحمارتك العــــارجة أكيد

أحسن ما تحـــــــتاج للئيم


---------------------


لو طوّلت غيبــــــــتك عليه.....احنا أكـــــيد هنلــمّـله

-----------------------------------

لا لا لا .. فرج ميرضاش
عشان مش يرضى الا بالعرجة .. أقصد لوحة مفاتيحه يعنى .. متفهمونيش صح

=)) =)) =))

------------------------------

وانا اشوفكم النهاردة واقول ياترى أبوالعزم حط ايه امبارح كان منتظر رد فعلى عليه بس النت خذله لانه لسه حالا شغال حتى ملحقتش أسجل على بلوجر ومفيش تسجيل

هخليه أنونيمس المرة دى

بجد من أول ما قريت العنوان فى الأوف لاين وأنا بضحك جامد

وبصراحة .. لا بالجهاز بيذاكر ولا من غيره

هو مش صعبان علىّ بس غير حلقات ناروتو اللى بجمعها عشان لما يرجع الجهاز بالسلامة يبقى محمود ياخدهم يشوفهم على بعض :-p

سلااااااااااام
وأضحك الله سنكم جميعااااا

د/ سالم صلاح سالم said...

روعه يابني والله
تسلم إيدك
إنت فعلا مفيش زيك ربنا يبارك فيك

هبهوبه said...

سبحان الله
ماشاء الله عليك يامحمود
البوست اللي فات قدرت تبكينا بجد
والنهارده بتقتحم قلوبنا وتنزع الحزن وتملاها ابتسامه جميله يمكن الموضوع بسيط والكلمات بسيطه اوي
بس عملت منها قصيده رائعه وبقى اشهر جهاز كمبيوتر هو جهاز فرج ده دخل التاريخ
بس ربنا يرجعه بالسلامه
احنا قلوبنا معاك يافرج

وردة said...

الله علي الكلام الجميل
يابختك يا جهاز فرج
ههههههههههه
جميلة بجد يا محمود
هو ده الابداع
في اي شئ وفي كل شئ ربنا يكرمك
انا كنت داخلة اطمن عليك
انت ضحكتني شوفت بقي
ربنا يوفقك
سلام

د.ميريهان said...

دكتور محمود بداية جميلة جدا..
ثانيا...أحببت ان ابدي لك اعجابي بأسلوب التشخيص الذي تستخدمه مع الجمادات...فكرة ممتازة...وفكاهية في ذات الوقت..

ربنا يحل الامر من عنده..هههه ويرجع الجهاز على خير...

سلمت يمينك..دكتور محمود

Ramy Seada said...

يا بخت فرج بيك

والله يا ابو العزم مش عارف اقوللك ايه

انا لازم استغل الموهبه بتاعتك دى

بس اما اقابلك فى الكليه

تقبل تحياتى

Anonymous said...

.... الله الله الله .....
راااااااااائع والله يادكتور
جميله يا حوده والله

ورغم ان الموضوع ممكن يكون عادى ، إلا إنك قدرت تعمل منه تحفه فنيه جميله فعلا، وراائعة جدا ، وممتعه بجد

آه بالحق قبل مانسى ،أبوظبى وأم ظبى والواد ظبى الصغير بيسلمو عليك قوى قوى وبيقولولك .. ماشاء الله عليك ، تسلم يا حوده.

القصيده موتتنى من الضحك ، أضحك الله سنك فى الدنيا والآخرة انت وكل اللى بيدخل مدونتك الحبيبه رابطة الحب

وعلى فكرة انا عمرى ماكتبت شعر، والابيات البسيطه اللى كتبتهالك الكومنت اللى فات ماكانوش غير احساس حسيته فكتبته

لمحمود فرج ارق معانى المواساه فى محنته... ابدله الله جهازا خيرا من جهازه ، ورامات احسن من راماته

بكل الحب أودعكم
والسلام عليكم

البـســام

د/عرفه said...

لا لا
ايه الحلاوة دى يا حودة
دايما مبدع والله

لا انا لازم اخليك تكتب حاجة عليا

اشمعنى فرج
ده انا ابوظ جهازى او حتى ابيعه
علشان تكتب فيه شعر جميل كده


بصراحة موت من الضحك
فعلا

۩۝۩ Dr. Flavio ۩۝۩ said...

ده كتير يا حوده والله

وأكتر من الناس الجميله اللي علقت عندك

وعشانك وعشانهم والله نزلت القصيده ع المدونه

ووصل سلامي للناس اللي معلقين عندك كلهم لأن فيه ناس فيهم مش أعرفهم

ومستني رايك المفصل في القصيده وعايز الناقد اللي جواك يطلع

سلام يا حوده يا حبي

Al Bassam said...

رضى الله عنك يا محمود

رضى الله عنك يا محمود

رضى الله عنك يا محمود

بعد إذنك يادكتور ، أخدت جوله فى المدونه ، وقعدت اقرا....... الآن تبتسم الدموع ، كلام من القلب ، مع ربنا ، هدية ليلة القدر... محستش بنفسى إلا وانا بدعيلك بالدعاء ده

رضى الله عنك يا محمود

سامحنى معلش يا حوده لو كنت بعلق هنا الوقت على مواضيع قديمة، (أصل انا ماعرفتش المدونه غير قريب قوى) ،، لكنها بالنسبه لى جديده ، وجددت فى قلبى حاجات كتير ومعانى بدأت انساها فى زحمة الدنيا و مشاكل الحياة ، بس الحمد لله ربنا كرمنى بمعرفتكم يا خير صحبة ، ربنا يوفقك يا حبيبى انت وكل زمايلك و زوار مدونتك الجميله

ميرام said...

(:
هنا فقط.. لأحيي جهاز فرج!!
ذلك الذي سمح لي بقراءة هذا الجمال
والابتسام مرغمة ...
(:
بانتظار جديدك
كل تقديري

kmt said...

السلام عليكم ورحمة الله وبركاته

ههههههههههههههه
هواالافضل انه يجيب غيرة

تحياتي
الى اللقاء

د/محمد الخطيب said...

هههههههههههههه

انت على طول كده يامحمود

تريقة عالناس وخلاص

مش هتبطل

ربنا يكرمك ويرجع جهاز فرج

او نلم له ونجيب له لاب توب

ربنا يكرمكم يارجالة

شكرات على القصيدة يامحمود

بجد جااااااااااااااامدة

عقبال بس ماتفلت من فرج !!!