هام جدا

Wednesday, September 2, 2009

السلام عليكم ورحمة الله
أولا البوست ده بوست اعتراضي والبوست اللي تحت مستمر بإذن الله
بالمناسبة الردود غاية في الروعة والجمال
أنا مستمتع وفخور بيها جدا وانا كمان هشارك فيها ان شاء الله
بس عشان التأمل بتاعي طويل شويه سيبه للآخر شوية
مستني ردود اكتر ان شاء الله
الحاجة المهمة جدا
ان الدكتورة مي سلامة
في قسم القلب مسؤلة عن جهاز الـ
DEFIRILLATOR
والجهاز ده هيتجاب بالجهود الذاتية
هو فعلا اندفع فيه مقدم واتجاب عشان هو مهم جدا وعيانين كتيرة بيحتاجوه
واتمضي عقد ان بقية المبغ هيندفع في مدة تلات شهور
المبلغ خمسة وتلاتين ألف جنيه
هي الدكتورة مي بتلم في المبلغ ده دلوقتي
واحنا قلنا اننا ممكن نشارك باي مبلغ حتى ولو صغير جدا
أكيد مهما كان هيفرق
لو أي حد عايز يشارك
ممكن يوصل الفلوس لأي حد فينا واحنا نوصلها بإذن الله
أو ممكن هو يسال على الدكتورة مي ويشارك معاها
محمود ابوالعزم
0185856476
محمد مغاوري
0124777838
معانا كمان دكتورة هالة رفعت ودكتورة أميرة الهواري
مهما كان المبلغ صغير أكيد هيفرق
أتمنى نقدر نعمل حاجة

5 comments:

امة الله said...

السلام عليكم ورحمة الله يادكتور المشكله فى الانشغال باضافة المحاضرات فالواحد بادخل كل فتره كده يعنى بظرفها عرفت فياريت تمر شنطه صغيره فى المحاضره يومين ورا بعض ويتنبه قبل المحاضره حتى لايحدث ازعاج واعتقدبكده افضل ودون احراج ولارياء لاحد

n said...

جعلك الله ذخرا للاسلام والمسلمين يا محمود

محمود ابوالعزم said...

بعتذر في التأخبر في الرد
أنا بقالي أسبوع مادخلتش نت تقريبا
دكتورة امة الله
ربنا يكرمك على اهتمامك
احنا كان نفسنا نعمل كده بس الموضوع كان صعب جدا
لإننا عملنا كده كتير جدا السنادي
وفيه رواندات انا دخلتها تلات واربع مرات
وماكناش عايزين الناس تستتقل مننا
ولا يعملوا الخير وهما مش عايزين يعملوه
وحبينا نسيبلهم الاختيار في المشاركة
وده اللي حصل فعلا وفيه ناس ربنا يكرمهم جمعوا من بعض ووصلولنا الفلوس
والحمد لله جمعنا مبلغ ماكناش نحلم نجمعه
لو انتي تقدري تنفذي فكرتك دي مع زمايلك القريبين منك يبقى جزاك الله كل خير ووصلي الفلوس مهما كانت صغيرة للدكتورة مي أو لنا واحنا نوصلها للدكتورة مي
وان شاء الله مافيش أي رياء مادام النية من جوة خير
ربنا يجازيكي خير على اهتمامك

N
جزاكم الله خيرا
جعلنا الله كذلك واياكم
دعواتك دايما
نورتي المدونة من تاني

د.ميريهان said...

دكتور..الموضوع ده مستمر لحد امتى؟؟
يعني ممكن مع بداية الدراسة ولا هيكون انتهى؟؟؟
لانه للأسف أنا مش في مصر حاليا..

ربنا يجزاكم خير على اهتمامكم..يارب يوفقكم بعملكم ده ويحقق اللي في بالكم..

محمود ابوالعزم said...

الموضوع هيكون مستمر في أول الدراسة ان شاء الله ولحد كام شهر جايين لإن المبلغ كبير جدا واكيد هياخد وقت في لمه
بس ربنا ييسر
ترجعي بالسلامة ان شاء الله