مليون مبروك

Friday, January 29, 2010

السلام عليكم ورحمة الله
يرضو محمد جابني على الموتسيكل عشان أسلم على كل الناس
أولا انا متشكر جدا جدا لكل الناس هنا والناس اللي اتصلت بيا
او بعتولي على الميل او على الفيس بوك يسألوا عليا
ولو اني لاحظت ان كلهم يا إما بيسألوا ياإما على عبد الرحمن يا إما على رجل الكنبة
!!!!! مافيش حد بيطمن عليا انا خالص
ثانيا
مليون مبروك لمصر.....انا زي كتير منكوا بنحب البلد دي أوي
وعايز اقول كلام كتير أوي بس مش عايز أكرر كلام كتير قلته قبل كده
خصوصا في بوست عم بتاع الجوافة
اللي بفضل ربنا ثم بفضل تشجيعكم اتشجعت وقدمته في مسابقة الجامعة
والحمد لله ربنا كرمني بيه بالمركز الأول في الزجل
وزيادة في فضل ربنا عليا كرمني كمان بالمركز التاني في القصة وشعر الفصحي
اللهم لك الحمد
وافتكرت جملة كنت كتبتها بعد ماتش السودان واللي حصل فيه
مصر ماوصلتشي كاس العالم بس كفاية إنها وصلت لينا
............................
حابب كمان قبل النتيجة لزمايلي في سنة سادتة
أنا راضي ان شاء الله بأي حاجة ربنا هيكتبها
وعارف ان كل زمايلي كده وأحسن ان شاء الله
يارب يكرم كل حد باللي بيحلم بيه
ولينا كلام كتير قبل الامتياز ان شاء الله
وبعتذر عن تقصيري الشديد في حق المدونة وفي حق ناس كتير منكم
مش عايز أطول عليكوا وهسيب التطويل لو ربنا كرمني ورجعت أكتب تاني كل تلات
.........................
ملحوظة
كل زمايلي معزومين عندي على عزومة فطير كبيرة في حالة لو جبت امتياز
لو ماجبتش امتياز من دلوقتي مافيش فطير..ادعوولي بقى
...................
أنا نسيت بقيت الكلام اللي كنت جاي أقوله النهاردة
بس تاني شكرا لكل الناس على كل حاجة
ألف سلامة عليكي يا رجلي
من جديد علي الفيس بوك

3 comments:

محمد عبد الباسط said...

الف سلامة عليك اخى الكريم

لا بأس طهور ان شاء الله وان شاء الله تسعدنا بالامتياز

انا نفسى اكل فطير اوى

خالص تحياتى
اخوك

semsema said...

الف مليون سلامه عليك يا محمود
شفاك الله وعفاك
انا سألت عن صباعك واطمنت علي جنابه مش عالكنبة وعبد الرحمن حمدالله علي سلامة الولد الامور ده ماشاء الله
بطل شقاوة بقي يا محمود
ربنا يكرمك وتجيب امتياااااااااااااااز ياااااااااااااااارب
خالص تحياتي

شق القمر said...

معلش يا محمود فى استفسار صغيور أوى

تقصد امتياز سادسة ولا امتياز تراكمى؟؟؟

معلش ماهو عشان أعمل حسابى هاجى بعد النتيجة على طول ولا استنى كمان أسبوع بعد التراكمى :D