النشرة

Monday, May 24, 2010

ميعاد النشرة بيقرب
مذيع النشرة لسة ماجاش
وتايه حضرة المخرج
هيعمل ايه؟؟؟
وبينادي
ماحدش شاف سعادة البيه
دي عاشر مرة أرن عليه
وليه مش راضي يفتح ليييييه؟؟
وحتى مهندسين الصوت
ماجوش لسة؟؟
دي ناس بالدنيا مش حاسة
يفوت الوقت
وكل الناس على الساعة
عيونهم رايحة جاية تبص
يا خبر اسود
خلاص فاضل دقيقة ونص
قلق فوق الوشوش باين
وخنقة بتكتم الانفاس
و فجأة يلاقوا مخرجهم
بيطرد برة كل الناس
ويمشي الكل
وقبل ما يوصلوا بيوتهم
يبصوا لأي تليفزيون
يلاقوا النشرة شغالة
وكل الدنيا ماشية تمام
وتبقى الحيرة قاتلاهم
عشان راسيين على الحالة
منين وصل المذيع فجأة
طب ازاي تبقى شغالة
وكل الكاست مش موجود
وفي اليوم اللي بعديها
بسرعة يلموا بعضيهم
يروحوا بلهفة للمخرج
عيونهم جوة منها سؤال
ويضحك حضرة المخرج
يرد بكل سخرية
عقولكم ضيقة جدا
خسارة بجد
دي نشرة اول امبارح
فضلت أعيدها طول اليوم
وللحظ السعيد.. جداً
وللأسف الشديد.. جداً
ماحسّــش حد

13 comments:

۩۝۩ Dr. Flavio ۩۝۩ said...

تسلم ايديك يا بوبو

:)

! ! ! ! said...

:D:D
ايه الحلاوه دي
:))

لمست فيها الواقع يا بو العزم
رائعه
:)

optimisty said...

جميله قوي قوي يا دكتور محمود ماشاء الله
وللاسف فعلا ممكن تحصل
بوركت
:)

Anonymous said...

شديييييييدة

Anonymous said...

هوا الظاهر انى عمرى ما هاخد
شرف اول كومنت مهما حصل

بس بجد جميييله

انت غيرت المجال ولا ايه؟؟
الطب احسن مهما يكن برده
بالتوفيق دايما

دوك ميرو

semsema said...

عندك حق يا شاعر
الناس بقت في كوما محدش داري ولا حاسس بيحصل ايه وبالاخص امتياز طب
ربنا يخرجنا منها علي خير
:)

بطــــــوط said...

المعنى وصل يادكتور

بجد رائعه

وكعادتك متميز ربنا يحفظك يارب ويباركلك

Anonymous said...

يعنىقصدك ايه
انا حسة ان نيتك مش سليمة
ربنا يوفقك

عندما تنهمر الدموع said...

على رأيك والله يا دكتور كل الاخبار بقت زي بعضها لدرجة اننا بطلنا نتابع اخبار اساسا كل يوم نفس الحاجة ومفيش جديد

moheba said...

جميله بجد يا دكتور
ربنا يزيك ويحفظك

Wohnungsräumung Wien said...

Thanks for it .. I hope the new Topic is always

Entrümpelung said...

Succès ... S'il vous plaît noter les nouveaux sujets toujours

Entrümpelung wien said...

Dank den Themen .... Ich hoffe, mehr von den Themen