السلام عليكم ورحمة الله وبركاته
انا كنت ناوي النهاردة زي ما ناس منكم ربنا يكرمهم
قالولي لازم تكتب آفية عن الامتحان
بس قلت خليها للآخر بعد ما نخلص خالص ان شاء الله
بس حابب أحكيلكم عن موقف مموتني من الضحك من ساعة ما خلصت امتحان
الإمتحان جه زي ما انتو شوفتوه كده
وبدات أحل في النسا بعد الساعة اتناشر
وجيت عند سؤال
gynocoloical causes of urine retintion
mental block وكان فاضلي كتير وماعادشي وقت وحصللي
و حاولت أفتكر في الأسباب بتاع السؤال ده مافيش حاجة جاية على دماغي خالص
سبت القلم دقيقة وحاولت أركز
إيه ايه ايه ؟؟ ..أيوة إفتكرت ومسكت القلم بسرعة وكتبت
1-benign prostatic hyperplasia
2-cancer prostate
وكملت الاجابة عادي وبقية الأسباب
وانا في السؤال اللي بعده افتكرت انه امتحان نسا
قعدت ييجي خمس دقايق أشطب في السطرين دول
حسيت انهم لو كلمة منهم اتشافت هيسقطوني
وهيعلقوا الورقة على الباب الإزاز بتاع الكلية
أو يعرضوها في التليفزيون اللي في المدخل
بس الحمد ربنا ستر
وهعيش طول عمري أفتكر الموقف ده
..............................................
لو عايز أي حد في سادتة طب طنطا يرن عليك....أي حد
أضمنلك إنه يرن عليك بعد ما تبعتله الرسالة دي
ولو مامعهوش رصيد هينزل يشحن ويرن عليك
....
رنيت عليك و إنت مطنش.....وقالبني دايما بإستمرار
يارب بقى لو ما ترنش.....في الشفوي تدخل للعطار
21 comments:
أنا مش قادرة أمسك نفسي من الضحكبتخي وهما بيلففوا الورقة على بعض
عشان كه يتفرج عليها
والمدرشين المساعدين والنواب واحتمال العيانين
كويس ان حضرتك افتكرت
لأحسن كان ممكن يسقطوا الدفعة بحالها
هههههههههههههههههههههه
أنا كنت هكون اول كومنت بس مش عارف ايه اللي حصل
على العموم حصل خير
الحمدلله انها جت سليمة
ظراف البيتين بتوع د العطار دول
ربنا يسترها معانا ومعاك ومع كل زمايلنا ويعديها على خير
وكفارة مقدما
تعرف يابو العزم
وانا بقرا الكلمتين دول
قلت ينهار ابيض دا انا نسيت اكتب السبب ده
اللى هو بتاع البروستات
وبتحسر قبل ما اكمل كلامك واضحك
هههههههههههه
لن أندهش لو عدد حلو كده منا كتبها وبخط عريض كمان
عن العطار بقى
فمتقلقش
دا اهون الممتحنين على فكرة
!!!
لا جامده فعلا
كنت هتاخد فول مارك بجد
جايز عواره بذات نفسه ينزل ويديهالك قدام الناس
عموما ربنا معاكم فعلا
كله دخل على بعضه
وربنا يتممها على خير
<>
اصل العيب مش عليك...العيب ع البروستات بنت ال تييييييييت اللي فاضحانه في كل حته ومفرجه علينا الناس
ههههههههههههههههههههه
الحمد لله ربنا ستر
rose flower
عطار اية يا ابو العزم
ابوس ايدك ماتفولش علينا
مش كفاية الاند راوند
الله المستعان
هههههههههههههههههه
والله مش قادره اوقف ضحك
بس شوفته اخر الست سنيت طب دماغنا هنجت وفصلنا شحن واحنا فى وسط الامتحان
وبعدين كتر خيرنا اننا اصلا ركزنا فى الاسئله دول 36 سؤال وكل سؤال يطلب فيه حاجه معينه
ده احنا لو بنحضر عفريت كان بقى اسهل
ههههههههههه
يارب يوفقنا ويكرمنا ونخلص على خير و
وبجد حلوين اوى البيتين دول يا دكتور محمود
تسلم ايدك
مش فاهمة حاجة (:
هندسة بقى
(:
السلام عليكم ورحمة الله وبركاته
ازيك يا د/محمود يارب تكون بخير
انا عارفة اني مقصرة في حق المدونة بس معلشي والله ظروف
المهم انا بس حبيت اطمن على حضرتك واقولك ربنا يكرمك ويوفقك انت وكل دفعة سنة سادسة على وجه الخصوص وكل طلاب طب على وجه العموم
ربنا معاك وياريت دايما كده تطمنا عليك
ههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه
و انت ازيك دلوقتي ؟؟؟؟؟؟؟؟
طيب كويس انك حاسس بالناس الغلابه
اكيد مش حفهم اي حاجة عشان انا مش طب
كنت عايزة بس اقول ان برغم اني معرفش حضرتك شخصيا ومعرفتي بيك عن طريق المدونة بس الا اني بعتبرك من اكتر الناس المحترمين اللي عرفتهم في حياتي وبتمنى اشوف النماذج دي كتير عشان انا بدأت افقد الامل ان في رجالة بجد بس النماذج اللي زيك بتثبت عكس ده و لو فعلا اللي جواك هو نفس اللي ظاهر لينا يبقى اكيد ان شاء الله ربنا حيكرمك اوي اوي اوي في حياتك كلها ويفك اي كربة ليك زي ما بتفك كرب الناس واستمر في عمل الخير دايما لانه حيفرق كتير اوي معاك ومعاناواياك والغرور او الكبر لانه بيضيع ثواب حاجات كتير وعن نفسي انا متوقعة ليك مستقبل رائع باذن الله لانك بجد تستحق وكفاية دعاوي الناس ليك وبجد لازم تشكر ربنا اوي على المكان اللي اتحطيت فيه واكيد انت اد المسئولية واخيرا مفيش اي حاجة ممكن تكئبك او تضايقك مدام انت بتحاول على اد ما تقدر تعمل اللي عليك ومدام حواليك ناس بتحبك في الله بجد وبتتمنالك كل خير ودايما بتدعيلك
انا بس حبيت اعبرلك عن حاجة انا فعلا حساها مع اني عارفة ان الموضوع مش مناسب
واخيرا اسفة ع الاطالة واتمنالك التوفيق دايما
يا ريت بس يا حوده اليوم اللي نازل فيه الكلية تقول قبليها عشان لو حد عايز يديك فلوس للحالات يعرف يوصلك
أنا نازل ان شاء الله يوم الأربع الامتحان
انا متكشر جدا لصاحبة الرتعليق الأخير
انا مارديتشي بس لأغني ماعرفتش أرد
بس انتي قلتي أهم كلمة
......
و لو فعلا اللي جواك هو نفس اللي ظاهر لينا يبقى اكيد ان شاء الله ...
اتمنى انه يكون فعلا كده
ربنا يكرمك وويجعلني عند حسن ظنكم دايما
ربنا يوفقك ؤيكرمك ان شاء الله مع ان انا واثقه ان ربنا دايما معاك على قد ما بتساعد الناس وبتقف جمبهم بجد يا بخت دفعتك بيك ويا ريت كل الناس تبقى زيك او على الاقل ربعهم
فهمت أنا دلوقتي سر انك كنت هتشيل....وانا اقول كل ده من صعوبة الامتحان...ههههه
الحمدلله يادكتور عدت على خير.....
حلو اوي الدعوة الاخيرة دي....تدخل للعطار...
ربنا يوفقك
buy tramadol cheap buy tramadol online no prescription overnight - tramadol online missouri
buy phentermine where to buy phentermine online safely - buy generic phentermine
[url=http://sverigeonlinecasino.net/ ]internet casino [/url]likely to convey was, that Colonel Taylor was an imaginary being like http://casinoonlinebonussverige.com 888 online casino download internet casino view in the _tableaux_ of Suetonius and by the accounts of Tacitus. We
Post a Comment