feeling...named love

Thursday, December 27, 2007

Feeling named…. Love
دايما لي طلب عند كل حد هيقرى الموضوع ده
انه يختار جملة واحده بس
يكون حس بيها ودخلت قلبه


· الحب .....إحساسٌ يطهرنا من داخلنا ...بشرط أن نطهره نحن أولاً

· الحب ....احساسٌ يفقدنا القدرة على الاختيار ولكنه يعطينا القدرة على تحمل كل ما يختاره لنا
·
الحب .....احساسٌ إذا لم ينبع من داخلنا...فلن يستطيع الآخرون إعطائه لنا
·
الحب .....هو الشئ الذي إذا خططت لكي تجده...فلن تستطيع الحصول عليه
·
الحب..... سلمٌ متحرك.... يرفعنا حتى وان لم نكن قادرين على الصعود
·
الحب.... هو النتيجة الطبيعية عندما يهزم احساسنا بالقوة إحساسنا بالضغف
·
الحب .....معركةٌ لا تنتهي بمنتصرٌ وخاسر..فطرفاها إما سيربحاها معاً ...أو سيخسراها معاً
·
الحب كالمطر يروى كل القلوب..ولكن هناك قلوباً كالبساتين تنبت زهرا وقلوباً كالصحراء لا تعرف قيمة هذا الحب
·
نحن نحب لأننا بشر... ونحن بشر لأننا نحب
·
ليس هناك حبٌ من النظرة الأول و لكن ستأتي نظرة تشعر فيها أنك ترى من تحب لأول مرة

* من حقك أن تخلق لقلبك قصةً تعيش فيها ..ولكن ليس من حقك أن تجبر الآخرين على أن يعيشوها معك
·
أصعب ما في الحب الحقيقي أنه يكون غالباً ويعيش طويلا من طرف واحد
·
مهما كان إحساسنا بالحب صعبا ..فلن يكون أصعب من أن نعيش بغير هذا الحب
·
احساسنا بالحياة يعطينا القدرة على الحب.. وإحساسنا بالحب يعطينا القدره على الحياة
·
حينما تقضي الليالي ساهراً فأنت تعيش قصة حب.. وحينما تنام باطمئنان فأنت تعيش قصة حب "حقيقية"
·
الحب الأول هو دائما أقرب قصص الحب إلى القلب ولكنه دائماً أبعدها عن الواقع
·
فرقٌ كبيرٌ بين أن نحب من نحب و بين مجرد أن نحب أن نحب
·
قمة نجاح الحب......أن يثبت لك انك كنت فاشلاً في كل قصصك القديمة
·
قلوبنا زهرة..يراها كل الناس..يشم عبيرها كل الناس.. وتقطفها يدٌ واحدة
·
نحن نحب بصدق مرةً واحدة ولكن مشاعرنا تخدعنا قبلها ألف مرة وكأنها تريد أن تجعلنا ندرك قيمة هذا الحب الصادق
·
الحب والحياه..كلاهما نعيشه مرةً واحده....كلاهما نتمسك به حتى اللحظة الأخيره....كلاهما نندم عليه بعد فوات الأوان
·
إذا أعطيت قدر ما أخذت...... فأنت عــادل،
و إذا أخذت فقـــــــــــط ......فآنت أنـــاني،
و إذا أعــــــــــطيت فقط ......فأنت..


الفوطه

Sunday, December 2, 2007

نسي الفوطه
وناس واقفه بتتريأ ومبسوطه
وناس تانيه بتستغرب ومنقوطه....ليه الدكتور نسي الفوطه
و هو يا عيني كان واقف ....... ووشه أحمر ولا القوطه
و قال ياجــــــــماعه سامحوني ....وقبل ما تيـــــــجوا تلوموني
تعالــــــوا أحكيلكوا أنا حكايتي..... وبعديها إبقوا حـــــــاكموني
سنــــين ضاعت في ثانــــــويه..... كفاح دامي وعــرق ودموع
وبعد المعركـــــــــه الحــــاميه..... قدرت أنجح وأجيب مجموع
أخيراً حلمنـــــــــــــــــا إتحقق .....هخش الطــــــــب وأدّكــــتر
رســـــــــــاله جميله ومعـــاها...... مقام عالي وفلوس أكـــــــتر
و جاتلي بطاقة الترشيـــــــــح...... فيها الطب اللي بحــــــلم بيه
بتاع البوسته جابهــــــــــــالي ......وخدله حلاوه عشــــرة جنيه
في أول يوم لـــــــــبست جديد ......وشلت البالطو رحـت لاقيت
زمايلي إتحــشروا في مــدرج...... عامل ولا عــــــلبة الكبريت
ولكــن برضه مايئستش
دخل دكتور قعد يشــــــــــرح .......كلام كــــان صعب ولاتيني
و أنا متنـــح ومـــش فــــــاهم ......لاقيت النــــــــوم غلب عيني
و لسّه أنا برضه مايئستش
و قلت مادام ضــــاع النظري...... هظبّــــــــط نفسي في العملي
جريت عـ المشـــرحه بسرعه...... لكن كالـــــــــعاده خاب أملي
دخلـــــت لاقـــيت 200واحد....... بيتخــــــــانقم على الجــــــثه
وناس واقـــــــــفه من الزحمه ......على كتافـي ومـــــــش حاسه
و لسّه أنا برضه مايئستش
و طبــــــعاً حسّوا بظــــروفنا .......وحطّولنا إمتـــــحان فوازيـز
وكل أمّا آجي أحــل ســـــؤال....... أقف أدّامــــــه زي الــــــزير
و لسّه أنا برضه مايئستش
وجينا في لجنة الشـــــــــفوي....... وكان أدّامي واد كــــــــــوسه
خد الـدرجـــــــات مـن الدكتور..... وخد فوقهـــــــم كــمان بوسه
دخلت انا قام مكـــــــــشرلي ....... ومن أولــــــــها عقــــــــدني
سألني سؤال... ماردّيتشي........... خبطني الزيرو وطــــــردني
و لسّه أنا برضه مايئستش
سنه بتمشــي وســــنه بتيجي ........مقـــالـــب بعـــدها مقــــــالب
زمايلي إتعينوا و قبـــــــضوا .......و أنا شايـــــل لـــــــقب طالب
و لسّه أنا برضه مايئستش
كبـــــــرنا شـــويه وقــــالولنا....... خلاص دلوقتي شوفوا حالات
و رحنـــــــا نشوف وكالعاده........ دا كله بيطلع إشتــــــــــغالات
و لسّه أنا برضه مايئستش
بشوف الشاب من ســــــــني........ واقـــــــــف ويّا البنات مرتاح
و لــــو عديـــــت أنا يقولــوا........ راح الدحّـــاح .....جه الدحّاح
و لسّه أنا برضه مايئستش
لحد ماخلصم السبــــــــــــعه ........وقلت خلاص هروق وهعيش
و قبل ما أفوق من الصــدمه........ خدوني عشان أخـــش الجيش
و لسّه أنا برضه مايئستش
وقعت هناك في إيــــد ظابط ........ظغرلي وقال يا بســـــــــكوته
أحب أبـــــــــــشرك إنــــــك ........معـــــــايا هتطـــــــفح الكوته
و لسّه أنا برضه مايئستش
خلااااص السبعه بقوا عشرة........ ولسه أنا ماشي جنــب الحيط
و بان السن علــــــــى وشي ........و شعري إبيـــّض و إصلعيت
و لسّه أنا برضه مايئستش
وبعد ما قـــــلت كــــــــفاره ........خلاص هرتاحلى بقى كام يوم
لاقيتهم تـــــــــانــي واخدنّي .......عشان تكليـــــــــفي في السلوم
و لسّه أنا برضه مايئستش
و قلت هنـــاك هآخد قرشين........ آكل منهم و أجيـــــــــب لبسي
فوجئـــــــت يا عيني بمرتب .......يادوب مايقضــــــنيش شيبسي
و لسّه أنا برضه مايئستش
و بعد الـــعمر دا كـــــــــــله .......رمــــــوني في وحـــده صحية
نسيت الطب أنا فيـــــــــــها ........وبقــــــــيت زي الترمــــــجيه
و لسّه أنا برضه مايئستش
و آديني بعيش وهعمل أيـه؟؟........ ماليــــــــش ولا قوه ولا حولا
وحيد غلبان وحتى مافـــيش ........جـــــواز علـــى نفــــقة الدوله
و لسّه أنا برضه مايئستش
قام الدكتور صعب عـ الناس....... و فــــــضلم يـــبكوا على حاله
و حتى الفوطة نســــــــيوها........ ولمّوا فلــــــــــوس وسابوهاله
و قال دكتورنا عـ الفوطــــه........ تعــــــالوا هشـــــيلها أنا بكرة
لكن أهل المريض قالــــــوا........ خلاص........ سيبهالنا للذكرى

The victims

· إذا جائتك بطاقة الترشيح تبشرك بدخول كلية الطب فإفرح كثيراً لإنها غالباً ما ستكون الفرحه الأخيره !!!!
· هناك نوعان من الكوسه....واحدة نأكلها والأخرى تأكلنا!!!!!
· شجاعه...اقدام ..ثبات.. ثقه بالنفس..أشياءٌ نتركها عند أول لجنة شفوي
جميعنا نتعلم الطب في مصر ولكن بعضنا لعلاج السكان والآخرون لعلاج أزمةالسكان!
· ستة أشياء يحتاجها الطبيب جميعها تبدأ بحرف العين ...عياده ،عروسه،عريبه ،
عذبة،عماره وعمرٌ آخر لكي يحقق كل هذا!!!!!
· ليس صعباً أن تعرف طالب الفرقه الأولى....إنه الوحيد الذي ما زال يبتسم!!
· بعدما انقطع نفسي من طلوع سلالم الكليه أدركتُ لماذا يسمونّه تعليم عااااالي !!!
· غالباً ما يفضل الطبيب أن يتزوج طبيبةً مثله...لأنها الوحيده اللي تعرف سر اكتئابه!!!!
· إذا رأيت شخصاً يمشي مسرعاً في الشارع يرتدي بالطو أببيض و قبقاباً و سماعةً في أذنيه.... إحذر.......إنه طبيب امتياز!!!!
· إذا أردت ألا تفارق زملائك في دراسة الطب فعليك أن تتخص دكتور أمراض نفسيه!!
· الطب هو الطريق الوحيد الذي عليك ان تعبره مغلق العينين وألأنف والأذن والحنجره!!
· أن تصبح طبيباً فقد تحقق الحلم ...أما أن تصبح طبيبا ناجحاً فقد تحققت المعجزه !!!
· تمر السبع سنين على البالطو الأبيض حتى يصبح روباً أسوداً في حفلة التخرج!!
· إذا لم يدخل طالب الثانويه الطب فسيحزن كثيراً..أما إذا دخلها فسيحزن أكتر !!!!!!
· صرف صحي طافح..مشاجرات على باب المستشفى ..زحام ..صراخ ...صويت.. ....أهلاً بك فأنت في الطريق إلي كليتنا!!!!!
· لقد كان صاحبي محقاً حينما قال أن دراسة الطب ستمر بسرعه و كأننا نعبر شريط السكه الحديد و ذلك إذا كان يقصد أننا سنعبر ذلك الشريط بالطوووووول !!!!!!
· كثيرٌ يدخلون غرفة الإنعاش وقليلٌ يخرجون منها أحياء ولهذا أسموها غرفة إن..عاش!!
· الطبيب هو أول من يفكر في الزواج ...و لكنه آخر من يتزوج
· إذا رأيت طالب الفرقه السادسه يتكلم.....لا تتدخل...إنه غالبا ً يكلم نفسه!!!
· لا تصدق من يقولون أن دراسة الطب سبع سنوات....... إنها ثلاث سنوات فقط وبعد ذلك ..ستتعود عليها
· أجمل ما في حياة الطبيب دعوةٌ من قلب المريض...(وذلك إذا ظل المريض حياً)
لقد اشتريت لإمتحانات الشفوي بدلة برتقالي وقميص ليموني و جرفته مشمشي لأني أعلم جيداً أنهم سوف يعصروني

Something … in our hearts

· فرقٌ كبيرٌ بين أن تحيا ....وبين مجرد أن تظل حيا
* A difficult feeling to be alone…but more difficult to be alone although all people are around you
· أنت تملك الحق في أن تحب نفسك ..ولكنك لا تملكه في أن تحب نفسك " فقط"
Mirror can't deceive our eyes…but our eyes can deceive the mirror *
· الحب .....إحساسٌ يطهرنا من داخلنا ...بشرط أن نطهره نحن أولاً
· الحب .....احساسٌ يفقدنا القدرة على الاختيار ولكنه يعطينا القدرة على تحمل كل ما يختاره لنا
· الحب .....احساسٌ إذا لم ينبع من داخلنا...فلن يستطيع الآخرون إعطائه لنا
· الحب .....هو الشئ الذي إذا خططت لكي تجده...فلن تستطيع الحصول عليه
· الحب .....معركةٌ لا تنتهي بمنتصرٌ وخاسر..فطرفاها إما سيربحاها معاً ...أو سيخسراها معاً

Our tears may can't solve the proplem..but at least can solve our feeling of it *
· تمضي بنا الحياة كمباراةٍ صعبه لابد أن نلعبها لآخر دقيقة...ولكن الفرق أننا لا ندري متى يطلق الحكم صافرةَ النهاية
We aren't always wrong..we aren’t always right..because we are always humans *
· ليست المشكلة حينما نكون في آخر الصفوف... ولكن المشكلة حينما نرضي بذلك
· When secrets leave your lips.. they are mostly won't be the last lips they leave

· أنت قوىٌ حينما تستطيع أن تحمي نفسك من الناس..ولكنك أقوى إذا استطعت أن تحمي الناس من نفسك
وغني حينما تستطيع أن تعطي نفسك كل ما تشتهيه ..ولكنك أغنى إذا استطعت أن تمنعها عنه
* All us of fail…but not all of us success…this is the difference
· حينما تخطئ خطئا صغيراً ولا تعترف... فقد ارتكبت خطئاً أكبر
True freedom learn us to ask why before we ask why not *
· حينما تقضي الليالي ساهراً فأنت تعيش قصة حب.. وحينما تنام باطمئنان فأنت تعيش قصة حب "حقيقية"
When hearts aren't pure... the wounds can't have a cure *
· الحب والــزواج....لا يستطيع أحدهما أن يمضي بدون الآخر
· الحب والصداقة....لا يستطيع أحدهما أن يتحـــول إلى الآخر
· الإنسان ومـاضيه.....يمـــــوت أحدهما....كي يــــعيش الآخر

We don’t have to be always the best.. but we always have to try to be like that *
ليس كل منا يضحك لأنه سعيد....فكثيرٌ منا يضحك لأن حزنه أصبح أكبر من قدرته على البكاء
When we spend together two happy days we will be friends…….. *
But when we spend a happy day and another sad day we will be'' true'' friends
شعورٌ صعبٌ أن تكون حزيناً لسببٍ ما... ولكن الأصعب أن تكون حزينا ولا تعرف السبب
* The moment you feel alone is the moment you must search for your self
إذا أعطيت قدر ما أخذت...... فأنت عــادل،
و إذا أخذت فقـــــــــــط ......فآنت أنـــاني،
و إذا أعــــــــــطيت فقط ......فأنت... تحب

مش هجرح..كبريائي

دلوقتي فهــــــمت قلـــــــــبك...........و خــلاص لاقيت هواكي
ماكــــــانشي رغـــــــــبة فيّ ..........كان رغـــبة..في امتلاكي

أنا حبـــــــــك كان مالــــيني.......... و غرورك كــــان ماليكي
حبّــــــــــــــيتك إنتي و إنتي..........حبّــــــيتي حــــــــبي ليكي

لـــــمّا لمحــــــتـيني بــرسم .........حــــــــــدودي بين حدودك
خدتي هــــــوايا ومشاعري.......... فرصـــــة لإثبات وجودك

كان نفـــــــــسك أبقى دايما...........واحد من معجــــــــــبينك
محـــــــــتاجه تحسي دايما...........إن إحــنا محـــــــــتاجينك

محـــــــتاجه تـحسّي دايماً ...........إنك فـــــزتي وهزمـــــتي
و انك خــــــليتي قلـــــبي........... يعـــــــدّي بـــــحر صمتي
بس أنا مــش زي حد
ممكن أحــــــــبك بجد
لكن ما أقــــبلشي حــــبك........... يبقى على حساب كرامتي

محتاجه تشوفي صورتك............ مرســــومه في الــــعيون
توفي القلوب وقــــــــلبك............ لوحــــــب يخون...يخون
ماعشقتـنيش لـــــذاتي
عشقتي..صوت آهاتي
و أنا عزة نفسي عـــندي............ شئ مســــــــــتحيل يهون

محتاجه تحــــــسي دايما............. بحـــــــــــيرتي واشتياقي
و دمعة يوم فـــــــــراقك............. ولهــــفة في الـــــــتلاقي
بس أنا واخـــــد قرار
وبدون أي إعــــــتذار
أنا هـــجرح قـــلبي لـكن............. مش هـــــجرح كبريائي
مش هجرح كبريائي

دنيا الخوف

يا دنيا الخوف أنا رافــــض... أبيـع حــــلمي أو أتنازل
ومش هرضي يكون بيني ... وبين كـل الوجود عازل
آديني يا دنيا بعلنها
لو الأحلام بقت سوده
أنا قادر بلون الحب ألونها
ولو كل القلوب خايفه
أنا قادر بصدق الحب أطمنها
آديكي يا دنيا أدامي
ضعيفه ومسرحك مكشوف
سنين سيبتك تخليني
صحيح عايش ..لكن ميت في جلد الخوف
بشوف حلم السنين ضايع ومن ضعفي
بغمض عيني لما بشوف
لكن دلوقتي مش هرضى
أتنّي في ملعبك أجري
وبعد دا كله يا دنيا
أشوط الكوره في العارضه
و آديني يا دنيا بتحداكي من تاني
ومش هرضى أكون مجني عليه وإنتي
تكوني القاضي والجاني
ومش هرضي أطاطي الراس عشان غيري
يئيد النار في وجداني
خلاص زمن الدموع ولّى.... وكلــــــــمة ضعف ممنوعه
ياعيش وكرامتي متصانه.... ياموت وأنا راسي مرفوعه
آديني يا دنيا بفتحلك شبابيكي
و أمد إيديّ يالأحلام و أناديكي
ولازم تعرفي إني
صحيح عايز أعيش فيكي
لكن برفــــض أعـيش ليكي
لإني يا دنيا مش عبدك
أنا عبد اللي سوّاكي
و سمّاكي...صحيح"دنيا"

مـحمــــــود سليمان أبوالعزم
Now_tears_smile@yahoo.com

هزمتيني

هزمتيني
هزمتــــــــــيني وكل الناس
شافوكي إنتي اللي مهزومه
خدعتيهم بــــــــــوش برئ
عليه كام دمعه مــــرسومه
عملتي حـــــــــــــكايه محبوكه........وجبتي علــــــــيها ألــــف دليل
و قلبك عاش سنـــــــــــين يقتل.......و طلعتيه في ثــــــــــــانيه قتيل
بجد..... بجد.... تســـــــــتاهلي......تفوزي بجـــــــــايزه في التمثيل
هزمتيني
بـــرافو عليــــــــــــــــكي والله........عـــــــــملتي لكل حاجه حساب
و طلـــــــــــعتنيني أنا الخــاين........وعيــشتك في خــــوف وعذاب
لــــدرجة إنــــي صـــــــــدقتك........وحــــــــــسيت إن أنا الكـــداب
هزمتيني
و أنا ما أنكــــــرشي بصراحه.........أنا إتعـــــــــــــلمت من ردسك
لكن ما أقـــــدرشي أكون زيك.........ولا في الكـــــــــدب دا انافسك
أنا كـــــــفايه....... أشــــــــوفك وإنتي كدابه......... قصـــــاد نفسك
هزمتيني
هزمتيــــني لكـــــــــن حاسس..........بطعم الفـــــــوز و أنا مهزوم
و حــــيرتي عليكي ودموعي............ماكــانشي بــــــجد ليها لزوم
ساعات فيه نـــاس بنخسرهم.............عشان نكسب نفوسنا في يوم
عشـان كده مـــش هلوم قلبك
ولا هـزعــــــل في يوم منك
ومهــــــــــما تـقولي وتعيدي
هقول شــــــــكراً أوي لإنك
هزمتيني



قلبك بيتي

قلبك بيــتي
و أنا عمري ما همشي وأسيب بيتي
و بقولهالك
و هقولــــــها كتير لو حـــــــــــبيتي
قلبك بيــتي
أنا عايزك مهما الناس لاموا
و فراقك طالت أيامه
تعرفي إنك جوة في قلبي
ولا غيرك يسكن أحلامه
قلبك بيــتي
مش عايز أبدا أبدا أشوف
قلبك لكلام الناس ملهوف
و نخاف إزاي منهم وإحنا
حبنا علمنا نخاف مـ الخوف
قلبك بيتي
الجب دا زي شراع مفرود
لو قابل أي طريق مسدود
هيعدّي بقوة أحلامه
عمره مايستسلم يوم ويعود
قلبك بيــتي
و الحب دا طير وإحنا الجناحين
طاير مش عارف رايح فين
لكن مهما احتار واتغرب
يرجع على عشه بشوق و حنين
قلبك بيــتي
وأنا عايزك مهما فراقنا يطول
في قلوبنا يكون حلمنا موصول
نشوفيني بعين حبك ليّ
و أسمع قلبك من غير ما يقول
قلبك بيــتي

نزيف من ندم

يارب
نفسي إيدي تدق بابك....... بس قلبي ضعيف و عاجز
و الطريق ناحية رحابك ...... كان طريق مليان حواجز
نفسي أكونلك عبد صالح
مش أناني بتاع مصــالح
بس ماقدرتش أصـــــالح
بين إيماني و بين طموحي
بس أنا الدنيا خدتــــــني
جوة نفسي ...غربـــتني
و فـ بـــحورها غرقتني
و بإيديّ ظـلمت روحي
الشيطان خدني وخلًّى
الإيمان من قلـبي ولى
كدبه توهنــــى وحلى
في العيون دايما ذنوبها
قلبي تاه في الــدنيا مني
وابتديت أضــعف لإني
عشت في الدنيا وكإني
مش هييجي اليوم و أسيبها
كنت شايل بين ضلوعي ...نفس جاحده وقلب قاسي
كنت بهرب من دموعي....... كنت بعمل إني ناسي
يوم ما صوت النار ينادي..... ياتري هل من مزيد
ياترى هيكون ميعادي......... فيها ولا هكون بعيد
و ان بكيت مابقاش يفادي ........والندم مابقاش يفيد
و اللي يفضل بس بادي........ قلب كان زي الحديد
قلب عنده الذنب عادي ..وإن عصى مش شئ جديد
قلب خد مـ الكبر توبُه ........والغرور خلاه يعاند
الجبال ممكن يدوبوا......... من ذنوبه وهو جامد
قلب كان ..كان صفحه بيضه.. سودتها ذنوب كتيره
عاش بأحلامه العريضه.... بين ألم وظنون وحيره
بس جت نفسه المريضه .....نستّه اللحظه الأخيره
قلب تاه في بلاد بعيدة.... وانكشف ريشه الضعيف
ورقه دبلانه ووحيده..... عايشه بين مليون خريف
كل يوم بجروح جديده .......والنزيف بيزيد نزيف
ماشي لنهايته الأكيده ....والمصير صعب ومخيف


يا رب
يمكن العمر القصير..... يوهم الناس إني طاهر
و إن قدرت إني أغير... نظرة الناس بالمظاهر
تفضل إنت يارب عالم.. باللي باطن واللي ظاهر
يارب
ياللي عمر ماحد جالك..... يطلب الغفران وخاب
رحمتك فوق كل حاجه ....والدعاء عندك مجاب
لو حسبناها بذنوبي......... يبقى مكتوبلي العذاب
وإن حسبناها بعظمتك...... يبقى ده.. أرحم حساب
يا رب
بدعي من قلبي ولساني...... والدموع بتقول آمين
بدعي ماتسيبنيش لوحدي ....يا نصير المظلومين
بدعي ماتسيبنيش لوحدي ...و إنت خير الراحمين
بدعي ماتسيبنيش لوحدي ...لو تسيبني هروح لمين
كل حــــته يا رب فيّ
محتاجالك
بين ضلام الكون عنيّا
محتاجالك
حتى نفسي
مهما بعدت
مهما تاهت
برضه هيّ
محتاجالك
بدعي يا سامع دعايا ...و إنت رب كريم مجيب
دعوتي رغم الخطايا ....عندك إنت هتستجيب
مهما يبقى بعيد نداي ......انت مني أكيد قريب
طول ما فيك دايماً رجايا... مستحيل أبدا يخيب
يا رب
كل ذنب عملته عايز ..أجري وأعمل خير مكانه
كل يوم في الذنب عدى.... لو بإيدي هعيد زمانه
بس لسه بإيدي أدعي
وهفضل أدعي
هفضل أدعيلك وأقولك ترضى عني
إرضى عني
يوم يارب ما ترضى عني
مش هفارق تاني بابك... يومها عمرى ماهبقى عاجز
و الطريق ناحية رحابك.. هعبره رغم الحواجز

كفايه عليّا

Thursday, November 22, 2007


كفايه عليّا
مجرد وجودك
جمال ابتسامتك
وضحكة خدودك
وقلبي يرفرف
ويبعد بعيد
ويرجع ويعرف
بإنه اكيد
مكانه وزمانه
هنا بين حدودك
كفايه عليّا مجرد وجودك
كفايك عليا أكون بس شايفك
ولو حتى واقفه وساكته شفايفك
ما دام شمس قلبك بتديني نور
ساعتها أنا أقدر أعدي البحور
و أسيب قلبي نجمة في سماكي تدور
و رغم الحواجز ورغم البعاد
ومهما هتفصل ما بينّا البلاد
هتقدر تشوفك عيون الفؤاد
وتاني هنرجع في نفس الميعاد
ويومها
ويومها هنقدر نكمل طريقنا
وحلم السنين الجميل هيسابقنا

ما دام لسه نبض الحياه جوة روحنا
هنقدر نكمل ونغلب جروحــــــــــنا
و نكبر ويكبر معانا طــــــــــموحنا
.و أما النهارده ....
في يوم عيد ميلادك بجدّد وعودي
و أقول مش لغيرك تفتّح ورودي
يا حب إدّى معنى وطعم لوجودي
وبستنّى ترجع وتبقى معايا
و شمسك تنور وتملى سمايا
و يملى وفائنا سطور الحكايه
عشان تبقى أجمل و أروع حكايه
ومهما هيحصل هيبقى كفايه...كفايه عليا
كفايه عليا
مجرد وجودك
جمال اتسامتك
و ضحكة

الورده والصبار

الورده والصبار
أيا روحي أخاف عليك ِ من روحي....... ومن نفسي ومن آهات بركانـــي
أخاف عليك ِ من حزن ٍ يـــــمزقني ....... ويعصف مثل اعصار ٍ بأركـاني
و من سفني التي تمضي بلا هـدفٍ ..... أناديها فلا ترسو بشــــــــــطئاني
جراحي أصبحت تحنو على جسدي..... ودمعي قد غــــــــدا وطناً لأجفاني
رياح الحزن قد هبت على أرضـي........ وما صمدت أمام الريح جــدراني
ووجداني أذاب الحزن مهـــــــجتهُ....... فصار الحزن ليس يطيق وجداني
و بحر الجرح كم أدمى أحاسيـسي........ فصار البحر يغرق بين أحـــزاني
و سال الحزن أناتٌ على وتــــري....... فسال الدمـــــــــــع أنهاراً بألحاني
و كل الطير قد أفضى لصـــــاحبه... .... سوى طيري الذي أمسى بلا ثاني
و لو أكويك يا عمري بمأســـــاتي..... إذن أمسي على روحي أنا الـــجاني
دعيني وارحلي هرباً من الذكـرى........ فما للزهر أن يحيا بأوطـــــــــاني
لأن الحب إيثارٌ و تضـــــــــــحية ٌ....... سأرحل رغم أن الحب نــــــاداني
سأرحل عنك ِ رغم لهيب أشـواقي....... لكي لا تكتوي أبداً بأشـــــــــجاني
وبعد الآن لن أهديكِ أزهــــــاري........ ولكني سأهديك ِ بنســــــــــــــياني
يقين ٌ أن أنني أهواك يا عــــمري...... و فرحي في هوى عينيك يلــــقاني
و لكن الهوى السامي سيجعلني......... سعيدٌ حين لا تكويكِ نيــــــــــراني
وحسْبي أن أري عينيكِ باســـمة ً...... و لو حتى هجرت ِعش أغصــــانـي

مع ربنا

مع ربنا
مهما يكون حجم الخـــــــطر............ . انسى الهموم وانــــــسى الألم
و ما دام معاك رب البـــــشر............ . تحسبها ليه بورقـــــــه و قلم
لما تضيق بيك دنيـــــــــــتك ............ .والكون يضيق أدام عنـــــيك
روح لـ اللي عارف محنتك............ . روح لـ اللي فاتح بابـــــه ليك
رب العباد اســــــــمه الودود
فضفض وقول من غير حدود
زادك هنا هو الخشــــــــوع............ . وانك يكون قلبـــــــــــك سليم
سيب العيون تبكي بدـمـوع............ .. دا انت على بــــــــاب الكريم
مع ربنا
انسى قوانين البــــــــــــشر............ . وانسى اللي شايفـــــاه العيون
و ما دام خلاص ربك أمـر ............ .الشئ بـ "كن" تــلاقيه "يكون"
باب الرحيم مفــــــتوح لنا ............ ..مش شرط فيه تصريح دخول
و الدعوه لو من قـــــــلبنا............ .. ايه اللي يمنعها الوصــــــــول؟؟؟
عمر اختلاف الازمــــــنه ............ .والامكنه ما يكون يحــــــــول
وما دام لجـــــــئت لربنا............ .. قول وانت واثق في القبــــول
مع ربنا

الانوثه مش مــجرد....... حبة أحمـر عـ الشفابف
الانوثه مش في انك....... تهوسي عقل اللي شايف
الانوثة نعمه غالــيه..... ربنا اللي اداها لــــــيكي
و بايديكي تحفظيها..... أو تضيع من بين ايديكي
كل شئ في الدنيا لــما....... بيــــــداروه بيزيد جمال
و العفاف للبنت يغلب....... أي شــــــــكل و أي مال
هو أحسن من عيونــهم...... تاخدي نظرة الاحترام
ولا تاخدي سهم جارح...... اسمـــه نظرات الحرام؟
الزهور بتكون جمـــــــــيله..... طول ما لسّه الشوك حاميها
بس لو يوم شوكها سابــــها..... ألــــــــــــف ايـــد تتمد ليها
هو أحسن ترضي ربك... ولا ترضي الناس بحالها
هو ايـــــــه للبنت يشفع.... شكلها ولا عـــــملها؟؟؟
دا الجمال في الجسم زايل ...........انت شفتيه دام لمين
و الجمال في الروح بيفضل .........مهما بتعدي السنين

سيرة البنت العفــــــــيفه..... هى أحــــــسن شئ يدوم
حبرها مكتوب بدينـــــها...... مش بمكيــــاج أو هدوم
نسي مكياجك وسيبي........ نور إلهك يملى وشك
بدلّي مرايتك بقــــلبك........ مستـحيل قلبك يغشك
انت أجمل ألف مـــــــره
لو جمالك جوة قلـــــــبك
مش مهم الخلق ترضــى
المهم هترضي ربــــــــك
هوايه في الكون دا يغلب
لو اله الكون دا حبك؟؟؟

Wednesday, November 21, 2007

ياما ناس بتكون قرايبك
عمرهم ما يشيلوا همك
ياما أكتر حد ظالمك
يبقى خالك ولا عمك
ياما فيه انسان غريب
تلقى حضنه بسرعه لمّك
و أما يبقى ما بينكوا عشرة
يبقى من لحمك ودمك

كلام من القلب
· حينما أذكر اسم الله المنتقم أشعر بالخوف و حينما أذكر اسم الله الرحمن أشعر بالأمل و حينما أذكرهما معاً أشعر أنني مسلم
· إن أجمل ما تعلمته في كلية الطب أن أقف أمام كل ما أدرسه فيها قائلاً ...سبحان الله
· إن المؤمن هو من إذا غره حلم الله عليه تذكر ذنبه و إذا أثقله ذنبه تذكر حلم الله عليه
· إذا كانت ثقتي في نفسي ليس لها وجود ....فإن ثقتي بربي ليس لها حدود
· في قوانين البشر ممكن..صعب..مستحيل أما في قانون الله فلن تجد غير( كن فيكون)
· يستطيعون أن يكتفوا يديك ..يستطيعون أن يغلقوا فمك.. لكنهم لن يستطيعوا أبداً أن يقفوا في الطريق بين قلبك وبين الله
· المؤمن نوعان ..نوعٌ يحيا كي يعبد الله ..و نوعٌ يحيا حينما يعبد الله
· يا رب مهما تهتُ في دنيا الورى....سيظل قلبي في رحابك لائذاً
فالقلب يعلم أن من يأتـــي إلى....باب الرحـــيم فلن يضيعه إذن
· إذا رأيت زهرةً بعينك فستعرفها.... أما إذا رأيتها بقلبك فستعرف الله
· إن أسوأ ما في موتى القلوب... أنهم لا يشعرون أن قلوبهم ماتت
· ربي...يكفيني من النعم أنك أنت ربي و أفتقد من النعم أن أفي ذلك حمداً و ثناءاً
· خط صغيرٌ يفصلنا في الدنيا بين أن نعيش فيها .....وبين أن نعيش لها
· قصةٌ قصيره.. ولِد ...عاش...مات ؛؛؛ملحوظه.. في هذه القصه.. كلنا أبطال
· ومن يا نفس غــــــــير الله يبقى....إذا كـــــــــل العظام غدوْا عظاما
و إن نامت عيون الخلق دهراً....فعــــــــين الله حاشا أن تنـــــــاما
إذا ما حاجةٌ يا نفس نــــــادت....ففي الحاجات لن نرجو الأناما
كرامُ الناس قد أعطوا وزادوا.... فما بــــــال الذي خلق الكراما

ليطمئن قلبي

ليطمئن قلبي

يسألوني هل ملأت القلــــب يأســـاً .. أم عيونك قد تعــــودت البكــــــــاءا

هل ذنوبك مثل ملء البـــحر فــعـلاً .. أم تفوق ذنـــــوبك البحر امتــــلاءا

كل شعرك قد غدا للموت وصــــفاً .. أين أملــــــك بالذي خلق السمــــــاءا

صرت تنسى أن للرحمن عــــــفواً .. أم فـــــؤادك لا يــــــــرى إلا شـقــاءا

قلت لا والله لا يأساً بقلـــــــــــبي .. بل جميــــــــع الـــــروح أملأها رجاءا

بل سألت النفس يا نفـــــسي ألسنا .. إن ظلمت النـــاس لو حتى هــــراءا

أنسج الأعـــــذار عــذراً بـعـد عـذرٍ .. بل وأبـكي كــــي يــــسموني بــراءا

كيف بي والذنب ليس بحــق خلــــقِ .. بل بحق الله صــــار الــــذنب داءا

من حباني ما أريد و رغـــــم ذنــبي ... لم يرد الفضـــــــل بل زاد العطاءا

من إذا الدنيا جميعا أوجــــــعتني .. في جمــــــيل القــرب منه أرى شفاءا

ثم أعصى يا هلاكي كيف أعـــــصى .. ســــــاء رد جمـيـلـه يا نـفس ساءا

كيف تنســـيني حياتي ذكـر يـــــومٍ ... ســـوف يأتــي شئته أو لم أشــاءا

لست أدري حــــينها أيفــيء قلبي .. أم يكــــون الوقــــت ولـــى إن أفـاءا

كيف لا أبكي وقد أغضبـــت ربي .... و استحى قـــلبي فمــــزقت الحيـاءا

فوق أكتافي ديــــونٌ نحـــــــو ربي ... و اجتـراح الذنب يمنعــني الوفـاءا

لــو يموت القلب في درب المعاصي ... كــــل ذاك الكـــون لا يكفي عزاءا

ما جوابي حين أسئل عن سنـــــينٍ ... ضــــعت فيها بين آثامي هــــبــاءا

عشت ملهوفاً على الدنــــــيا كأني .... كنت أرجـــــو بين زخـرفها بقــاءا

سرت في درب الذنوب فصرت أنسى ... أن بعد نهاية الــدنــــــيا لقــــاءا

ليس يأسا إنما أبــــــــــــــكي لأني .... لست أملك مـــا أقــــــــدمه اتقــاءا

لست أملك غير قلبٍ رغم ذنـــــــبي ... لا يزال العفو يمنحه ضيــــــــــاءا

ذاك ما والله يــــــــأس في فؤادي .... بل شعـورٌ أن وقت التوب جـــــاءا

إحنا مابنبالغش

إحنا ما بنبالغش
بعد السبع ســــــــنين .....وكمان تلاته جـــــيش
كان فيه يا جماعه مرة...... دكتور عايـــــــز يعيش
خد أهله وكل عيلته وراح يخــطب زميلته
أم العــــــــروسه قالت..... إصحى وخــــليك معايا
انا أصْلي عايزه أجيبلك.... يا حبــــيبي من النهايه
إحـنا ما بنبالغش
أنا عايزه لبنتـــي شقة... تكون سبــــــع مـــطارح
عايزاها تبقى واســــعة.... للجايِّ واللي رايـــــــح
و إحنا ما بنبالغش
و عشان خاطــر الغلابه.....و شبـــــــاب الخريجين
كفايه جوز مطابـــــــــخ.... وصالـــــــــة و حمامين
و إحنا ما بنبالغش
و عشر تلاف جنـــــــيه.....تدفعهــــــم ليـــنا مه
رتدفع ألفين مـــــــــقدم ....و ألف كـــــل شــــــهر
و إحنا ما بنبالغش
و الشبكه عشـر خواتم.... وعقــــــــــــد و إسورة
و كتر في الــــــــغوايش... لزوم الفــــــــــــشخره
و إحنا ما بنبالغش
و فرحكم تعملـــــــــــوه ...في لوكاندةتسع نجوم
و إعمل عزومـــه جامده.... وكتّر فـي اللحـــــــوم
و إحنا ما بنبالغش
شهر العســـــل بتاعكم.... لازم يبقى فـِ باريــس
و إنت اللي تـشـيله طبعاً.... لإنـك العـريـــــــس
و طبــــعاً النتيــجه ما كانتش كويسه
علشان أم العروسه دماغها متربسه
الغلبان العــــريس قاطع صنف النسا
وطبعاً العـــــــروسه فضلت معنسه
علشان.... ما بنبالغش

!!!!!!!!!!!!!!!

الآن تبتسم الدموع

أسلمت روحي والجوارح كلـــــــها .... لك يا الهي فانــــــتهت بك غربتي

لما ســـجدت ولامس الوجه الـثرى .... أحســـست أني قد ملكت كــرامتي


الآن قد ذقت الهــــدى و وددت لـــو .... أروي لكـل العالمــــين حـكـايـتي


نا من تجرعت الذنـــوب جميـــعها .... و سترت وجهي في قنـاع براءتي


و نسيت أني لست فيـــها خـــالـدا .... فــــتركت في بحر الذنوب سفينتي


نفسي و شيطاني و دنيــاي احتـووا .... قلــبي الذي أمسى أسير خطـيئتي


ذنباً إلى ذنبٍ أضيــــفُ كأنـــــني .... قد صار تجمــــيع المـعـاصي غايتي


و بقيت في درب الذنوب ممــــزقاً .... ما بين آثامي وضـــــــعف إرادتي


الـذنب عن كــــل الورى أخــــفيته .... و نســيت أن الله يـــبصر زلـَّـتي


و القلب أمسى قاســياً متـــــــحـجراً .... و غشاوة الآثام أعـــــمت مقلتي


فصرخت يا قلبي و يا نفـسي كــفي .... فالعمر يـمضي تـاركاً لي حـسـرتي


الموت يدنــــــــو نحونا فإلى مـتــي .... أبقى غريــقاً في بـحور ضلالتي


و كتاب عمري لو يطـــــول فإنـــني .... يوماً سأقـرأ فيه سطر نهايــــتي


أخشـــــى إذا ما بُدّلت ضحــــــكاتنا .... سكرات موتٍ ليس يرحم صـرختي


و قصـدت بابك يا الـهي تائـــــــــباً .... لا أرتــــجي إلا قــــبولـك توبــتي


فارتاح قلبـــي في رحـابك خالــقـي .... و تبسمت مــن فرح روحـي دمعتي


فقرى إليك وجدته كـل الغـــــــــنـى .... و وجدت في ذلــِّـــي إليــك سعادتي


ما عدت من دنـــياي أرجــو حــاجةً .... بل صار عـــفوك يا الهـي حاجتي


و نسيت يا مــولاي أطـماعي ســوى .... طمعي بأن تدنــو لنورك نـظـرتي


رغم المخـافة من عذابـــك لـــم يزل .... أملي بـــــعفوك ساكناً بسريـــرتي


مهما ألاقِ في ســــــبـــيـلك من أذى .... يا خـالقي لا لـن تليـــن عزيــمتي


ربي أعنّي كي أرى نـور الهـــدى .... واجعل جميل الــصبر يسكن مهجـتي


أزل الغشاوة عن عيوني كي تــــرى .... و يسير قلبي في طريـــق هدايتـي


و اجعل ختامي مؤمناً و موحـــــــــداً .... هذا دعـــــاء القلب فاقـبل دعوتي

حب الله .. هو .. أعظم دواء

دواعي الإستعمال............ ......... ......... ......uses

لما تعوز يبقالك معــــــــــــنى.... وحياه صافيه الصدق مـــــــــاليها
لما تضيق حولـــيك الدنيا.... ويكون قلبك ضايع فــــــــــــــــيها
لما تضيع أحــــــــــــلامك منك....والأيام تدبــــــــــــل أمـــــــــانيها
لما تموت جواك أحاســــيسك....وبقيت مــــش قــــــــــادر تحييها
لما الناس في المحنه تسيبك....وتروح مهمـــــــــــــا تنادي عليها
لما جروحك تفضل تنـــــــــزف.... ومافيش شئ في الكون يداويها
إوعى تروح للناس في الـدنيا .....هىّ الناس فيه ايه في إيديــــها
سيب الخلق وروح لخالــقهم .....سيب الأرض وروح لـــــــــــباريها


آ ثار الدواء............ ......... ......... ... ......actions

هيخليك إنسان له معــنى.....هيخلـــــــــــيك فعلا إنسان
ياخد قلبك فوق ويـــــــرفرف.....وسط قلوب مليــــانه ايمان
هيخليلك روحـــــــــك تبقى.... أسمى و أقوى من الأحزان
هيخليلك قلـــــــــــبك ثابت.... ولا يستسلم مـهما ان كان
أنا مش هفضل أعد فوايـده..... أصل فوايده فوق الحسبان
بس كفايه أقولك إنك يومها..... هتبقى......... مع الرحمن


التركيب............ ......... ......... .......composition

حبة صبر وحبة تـــــــــقوى.. وتدوبهم في الإخـــــــــــلاص
لازم يبقى الصبر في قلبك …ثابت مش مكتوب برصـــــاص
و الأفعال هي اللي تعـــبر....مش شعارات تنقال وخــلاص
وكفايه تعرف مهما الدنيــا.....فضيت حوليك مـ الحــــــراس
لازم تعرف إنـــــــــــنا لينا.....رب مافيش من حكمه خلاص


الجرعه............ ......... ......... ......... ......dose

خد على قد ماتقدر مـــــــــــنّه ....خد مــــا تقولشي إزاي ولا ليه
عوّد عقلك..روحك.. قـــــــــلبك.....طول أيامـك يمــــــــــشوا عليه
إوعى تسيب ولا ثـــانيه تعدي .....من غير قلبــــــك ما يعيش بيه
و أن أدمنته دا شئ من حظك .....طــــب فيه أجمل من كده ايه؟


التحضيرات............ ......... .........preperations

ركعه في قلب الليل تخفــــيها.... ولا دمـــــــــــــــوع تبكيها بقلبك
صدقه ماحدش يبقى شايفها.... علشان تطـــــــــلع خالصه لربك
فرّج كربة حد في أزمــــــــــــة.... حتى إن صدفة قابلته في دربك
الأعمال لو حتى بسيــــــــطة..... بس تكون ممـــــــــزوجه بحبك
رب الكون ده هيقبل مـــــــنك..... والأجمل...... ربنا هـــــــــيحبك


الآثار الجانبيه ............ ......... ......side effects

كل آثاره انك مـ الفرحـــه....... قلبك مكن نبضـــــــــه يزيد
و كمان ممكن تشعر إنك....... جرى في عروقك دم جديد
ممكن وشك يبقى منـور....... باسم وكأن إنـــت في عيد
يعني عيوبه مجرد إنــــك ......تلقى كيانك كلـــــه سعيد


موانع الإستعمال............ .......contra indication

مش ممنوع للدنيا بحــــــالها....... حتى العاصي مــاهوش ممنوع
عمر زمان ومكان ما هيمنع....... طول ما في قلبك لسه خشوع
لو جه يوم أخطأت طريقـــــك....... لسه بإيــــــــــــدك تاني رجـوع
دايماً دايماً خليك فاكــــــــــر....... لسه بإيدك تاني رجـــــــــــــوع

لسه بإيدك تاني رجوع
لسه بإيدك…… تاني رجوع