لسة بحلم

Monday, June 21, 2010

ليه أقبل الأحلام تكون
مكتوبة بالقلم الرصاص
أنا لسة عايش يبقى ليه
أقبل أعيش ...عيشة وخلاص
ليه أحرم الليل الطويل
بالحزن من حلمه الجميل
يطلع عليه فجر الخلاص
أنا لسة فيه جوايا شئ
ما أعرفشي ايه
ولكنـّــي لسة بخاف عليه
أنا لسة فيه جوايا شئ
بيخلي قلبي ...بيبتسم
يدّي الأمل
لو حتى عاش من غير أمل
لو حتى كل الناس خانوه
يعشق وما يخوّنش حد
!!!ويحب من غير احتراس
ليه بندقية حزننا
بتصيدنا بسهولة أوي
وسنين بنسأل نفسنا
الحزن كان صياد عنيد
ولا احنا يمكن قلبنا
هو ّ اللي سهل الافتراس؟؟؟
وهيبقي طعم العمر ايه
لو سيبنا فيه الحلم تاه
ومادام رضينا لقلبنا
يدخل لمعركة الحياة
يبقى بلاش مـ ِالموت نخاف
يبقى بلاش مـ ِ الخوف نموت
لازم نواجه مهما كان
لوكان كده كده ميّــتين
أشرفلنا نموت بالرصاص

10 comments:

۩۝۩ Dr. Flavio ۩۝۩ said...

أنا لسة فيه جوايا شئ
بيخلي قلبي ...بيبتسم
يدّي الأمل
لو حتى عاش من غير أمل
لو حتى كل الناس خانوه
يعشق وما يخوّنش حد
!!!ويحب من غير احتراس


ياااااااااااه يا حوده ... عبرت عن حاجه جوايا ببساطه شديده

ربنا يخليك لينا وتعبر عنا دايما

عندما تنهمر الدموع said...

جميلة جدا يا دكتور
ربنا يباركلك يارب

Anonymous said...

أنا لسة فيه جوايا شئ
ما أعرفشي ايه
ولكنـّــي لسة بخاف عليه


....
..
بارك الله لكم

Al Bassam said...

ماشاء الله عليك يا حوده ...ربنا يبارك فيك




والله جايالى ف وقتها

BUTTERFLY said...

لازم نواجه مهما كان
لو كان كدا كدا ميتين
اشرفلنا نموت بالرصاص

من اروع ما قرات فعلا

semsema said...

أنا لسة فيه جوايا شئ
بيخلي قلبي ...بيبتسم
يدّي الأمل
لو حتى عاش من غير أمل
لو حتى كل الناس خانوه
يعشق وما يخوّنش حد
!!!ويحب من غير احتراس

لمست شيء جوايه
ميرسي ليك يا ابو العزم
معبر دايمن عنا يا شاعر

Anonymous said...

جميلة اوى

Entrümpelung said...

Succès ... S'il vous plaît noter les nouveaux sujets toujours

Entrümpelung wien said...

Dank den Themen .... Ich hoffe, mehr von den Themen

entrümpelung wien said...

شكرا لكم .. دائما موفقين ..::))


entrümpelung
entrümpelung
entrümpelung wien