مابيتنسوش

Saturday, July 31, 2010

TO SOULS OF MY DEAR FRIENDS
محمد ....كامل....باسم...محمد....رامي
ONE DAY I PROMISED YOUR SOULS AND MYSELF
NOT TO WRITE ABOUT YOU
NOT TO MAKE MEY FEELINGS... WORDS
BUT NOW... AFTER ONE YEAR
I DISCOVERED THAT I AM IN MASSIVE NEED TO WRITE
DON"T KNOW WHAT OR WHY
BUT IT IS A VERY LITTLE PART FROM WHAT I FEEL
TO SOUL OF MY FATHER
TO ANY HERAT MISSED ANY NEAR KIND HAERT
THESE LITTLE WORDS
...........................................................
مابيتنسوش
لو كل حاجة بتتنسي
طب همـّا ليه ما بيتنسوش
و سنين تقوت
نحضن وشوشهم في العيون مع إننا
دلوقتي حتي لو نبص لوشنا
مابنعرفوش
ما بيتنسوش
رغم الجروح
وبرغم إحساسنا اللي تاه
لو كان يروح
من بالنا بالنا في الحياة
من بالنا همـّا ما بيروحوش
مابيتنسوش
نفتح لقلوبنا لشمس أحلام الحياة
يمكن تاخدنا لضيـّـها
ونقول قلوبنا العطشانين
في الدنيا بكرة تلاقي ناس
قادرة بلمسة من الحنان على ريـّـها
لكن قلوبنا بتكتشف
ان احنا مهما قابلنا ناس
فيه ناس مافيش ناس زيـّها
فيه قلب واحد لو رحل
كل القلوب ماتعوضــّوش
مابيتنسوش
بعد الفراق
تتلم عالقلب الجراح
وتعيش تدوّر في الحياة
على قلب ممكن يسمعك
لما فــْ عينيك الكون يضيييق
تلقي فـْ دفا عيونه البراح
وتزيد جراحك لما فجأة بتكتشف
إن اللي ممكن يسمعك ...هوّ اللي راح
و لإن عمر ما حد تاني هيفهمك
الحزن جواك مهما زاد
مضطر جواك تكتمه...وماتحكيهوش
ما بيتنسوش
بعد الفراق
فيه عمر تاني بيبتدي
أيامه تجري بسرعة لكن...في المكان
وتخاف سنين العمر موت على نفسها
لـياخدها تيار الحياة من نفسها
لكنـّها
بتلاقي جوة الذكريات حضن الأمان
ترفض دموعك تجري تاني على الخدود
ترفض حنينها يواجه الحزن الجبان
وبدل ما يجري الدمع منــّك يجري فيك
ويحس إنه رخيص أوي
لو كان على خدودك يبان
ومابين زمن
أيامه عايزة تحسسك
إن الفراق من ألف عام
ومابين حنين بيحسسك
إن الفرق من لحظتين
ييجي الأمل ويعلمك
إن القلوب اللي يجمــّعها الوفا
في الدنيا مهما اتفرقت
البُــعد لحظة وتنتهي
أما اللقا....طول الزمان
رب القلوب
هو اللي عالم بالقلوب
هو اللي عارف إن شوقنا لقلبهم
عمره ماكان قلــّة رضا
ولا ضعف أبداً في الإيمان
بس احنا في الآخر بشر
ومن الصعوبة على البشر
إن انت أدام حلمهم
تضطر فجأة تحط.....كان
بركان كلام
جواك ولكن للأسف
الكلمة لما بتتولد
بتموت حروفها على اللسان
شئ مستحيل مهما حاولت ومهما قلت
تحكيه لحد ماجرّبوش
و عيون كتير
يمكن تشوف إن السنين
قدرت تنســـّينا السنين
و تغرهم
ضحكاية صعبة بتترسم
بمرارة عالوش الحزين
ولإن لسة القلب عايش وسطهم
لو ضحكوا يضحك زيهم
لو يبكوا يمسح دمعهم
فاكرينه منزوع الحنين
يستغربوا لو يسئلوك...ايه اللي فيك
و ترد وانت بتبتسم... أبدا ً مافيش
وماقدّروش ولا عمرهم هيقدّروا
إن القلوب لازم تعيش
لو مش عشانــّا عشان قلوب بتعشيلنا وتعيش بـِنا
و لإننا
بنخاف عليهم من رحايا دمعنا
فالقلب لازم دمعته
تدّارَي في الوش البشوش
وحاجات كتير جوانا بس لإنها
جوانا جدا ً ...مش بتظهر عالوشوش
مابيتنسوش
الذكري تجاعيد الزمن
الذكري عنوان القلوب
!!الذكري توهة بترشدك وسط الدروب
الذكري شمش تنام في أحضان الجليد
وتفوت سنين
لا النار بتقدر تنطفي
ولا الجليد يقبل يدوب
الذكري شمس بتحرقك
لكن مشاعرك تتحرق أكتر إذا
حسّيت بشمس الذكريات رايحة لغروب
الذكرى صاحب مهما كان بيعذبك
يفضل وجوده بيدّي لحياتنا الحياة
وعشان كده
لو حتى فكر يوم يسيبك ...ماتسيبوش
مابيتنسوش
فيه قلب مهما يروح بعيد
عمره ما يتحوّل... شبح
طير الوفا بيزيد حياة....مهما اندبح
دا لإنه عارف إنه لو رفرف بعيد
لا هيلقى لدموعه وطن
ولا دار لقلبه... مهما دار
فيه ناس كتير
موجودة دايما جنبنا
لكنها...جوة القلوب مالهاش وجود
وناس كتير مالهاش وجود
لكنها...موجودة دايما جنبنا
وناس نشيلها في قلبنا
ونحس إن قلوبنا بور
وناس بترحل عننا
وتسيب في قلب الروح عمار
القصة مش قصة جسد
القصة قصة احساسات
مش كل من حضـَـنه التراب
يبقى خلاص جوانا مات
غيمة ضباب
مهما تداري على النهار وتحوّطه
برضو النهار يفضل النهار
مابيتنسوش ولا عمرنا اتمنينا يوم
أيامنا تجري ويتنسوا
دول هما طعم الحب وسط سنين مرار
دول هما ضحكة عمرنا
دول هما آخر حلم مانع حلمنا
يغرق في بحر الانهيار
دول هما آخر سور لمملكة الحنين
اللي محاصرها من سنين....مليون ألم
لكن لا رِضـْـيـِت تدفن الأحلام في يوم
ولا احساساتها استستلمت ...رغم الحصار
دول اللي يمكن ودعوا في نص الطريق
وبرغم ده... بنحس بيهم جنبنا
و كإنهم ...من غير كلام إدّونا وعد
ويّانا لو هنــــكمّــله
و يفارقوا لو مانكملوش
و عشان كده
مهما السنين فضلت كده....متجمدة
مهما الحياة فضلت كده....متقيدة
طول ما الزمن بيخطـّي على شط الحياة
ولحد لما احنا هييجي يوم وهنتنسي
هيعيشوا هما مايتنسوش
وهيفضلوا طول السنين
مابيتنسوش

20 comments:

Anonymous said...

السلام عليكم ورحمه الله وبركاته

اللهم اغفرلحينا وميتنا وحاضرنا وغائبنا وارحمنا اذا صرنا الى ما صاروا اليه.. اللهم آمين

ما بيتنسوش ولا عمرهم هيتنسوا
دا مش بس كده دا احنا بنعد ايامنا
اللى عدت من عمرنا علشان نعرف فات قد ايه ؟ وامتى هنشوفهم لأن ده بقى منتهى الامل من الحياه

كلماتك جات فى وقتها كالعاده

ربنا يبارك فيك وبالتوفيق دايما يا رب

دوك ميرو

محمد عبد الباسط said...

احسنت احسن الله اليك

فعلا ميتنسوش


فيه ناس كتير
موجودة دايما جنبنا
لكنها...جوة القلوب مالهاش وجود
وناس كتير مالهاش وجود
لكنها...موجودة دايما جنبنا
وناس نشيلها في قلبنا
ونحس إن قلوبنا بور
وناس بترحل عننا
وتسيب في قلب الروح عمار
القصة مش قصة جسد
القصة قصة احساسات
مش كل من حضـَـنه التراب
يبقى خلاص جوانا مات

ربنا يلهمك دوما السداد والتوفيق
لا تنسانى من دعائك

Anonymous said...

kal3ada lamma ba2ra klamk msh b3rf arod a2ol eh wallahy bs el marrady harod w a2ollak ennak bgd 2olt kol elly ana 3yza a2olo
mabyetnesosh w msh hytneso abdn abdn abdn
rbna yr7mhom yarab w ygm3na behom felganna
yarab sabbarna 3ala fora2 2a3az elnas

وبدل ما يجري الدمع منــّك يجري فيك

to7fa bgd



(hala)

Anonymous said...

no thing can be said
you said every thing

۩۝۩ Dr. Flavio ۩۝۩ said...

حوده
واقف ساكت مش عارف اقول ايه

احته اللي اختارها عبد الباسط دي انا اول ما قريتها .. حسيت انها قصيدة متفرده بذاتها .. حسيتك بتعلمنا فيها ازاي نعيش جوه الحياة

شكرا لك أخي العزيز

كن بخير

natural magic said...

مش عارفه اقول ايه
رائعه كالعاده
ربنا يبارك فيك

Anonymous said...

الحق ..لا أدري ما أقول..
فكرت كثيرا ماذا قد يكون فى هذا اليوم غير أنى حقا لم يمر ذلك بخاطري
سبحان الله
رحمهم الله رحمة واسعة
اللهم ارحمنا إذا صرنا إلى ما صاروا إليه..
الحقيقة لم أستطع إكمال القصيدة بتركيز
لكنى غير معتادة على الرد لكن أرد أن لا أخرج دون أن أرد...
عذرا أ،ى لم أكملها
لكن إن شاء الله لى عودة
سامحك الله
جمعك الله معهم فى الجنة

عندما تنهمر الدموع said...

القصة مش قصة جسد
القصة قصة احساسات
مش كل من حضـَـنه التراب
يبقى خلاص جوانا مات
السلام عليكم ورحمة الله وبركاته
حلو اوي الجزء ده يا دكتور وبيعبر عن احساسنا بجد بكل اللي بنحبهم وربنا كتبلهم انهم ميكملوش معانا مشوارنا بس ذكراهم لسه جوه قلوبنا وزي ما حضرتك قلت الذكرى هي اللي بتصبرنا وبتخلينا نكمل حياتنا وحتى لو مكنش الحزن بيبان في عينينا فقلوبنا دايما فاكراهم ومش نسياهم
ربنا يصبر حضرتك ويصبر قلوبنا كلنا ويرحم موتانا وموتى المسلمين جميعا

Anonymous said...

شئ مستحيل مهما حاولت ومهما قلت
تحيه لحد ما جربوش

انت قدرت تعمل كده
حكيت كل اللي جوايا ومش قادر أعبر عنه
ربنا يكرمك ويوفقك

rovy said...

ما شاء الله روعه من الرائع و إبداع متميز جدااا ..
خالص التقدير و أرق التحية ..

Anonymous said...

اسمح لى ان اعبر عن خالص إعجابى بالموهبة الجميلة دى والكلام السلس بمجرد ماقريت فى زعتر قلت اشاهد المدونة وبصراحة كل مقطع اروع من اللى قبله تقبل تحياتى

ست البيت - زعتر

Anonymous said...

just God bless u

Wohnungsräumung said...

مدونة مميزة ..
شكراً ع الموضوع .... :)

Wohnungsräumung Wien said...

Thanks for it .. I hope the new Topic is always

Räumung Wien said...

موضوع ممتاز جدا شكرا لكم

Wohnungsräumung wien said...

تسلم ايديك على الموضوع الممتاز
Wohnungsräumung
Wohnungsräumung
Wohnungsräumung wien
Wohnungsräumung wien
Wohnungsräumung wein

ريوبى said...

موضوع ممتاز
ryobi

Wohnungsräumung said...

شكرا على الموضوع المتميز
Dank Thema Wohnungsräumung

Anonymous said...

مش لازم الناس اللي بنحبهم يموتو عشان نحس اننا فقدناهم او اننا محتاجينهم
ممكن يكونو عايشين بس مش لاقيينهم

شركة المثالية للتنظيف said...



شركة المثالية للتنظيف
شركة المثالية للتنظيف بالدمام
شركة المثالية للتنظيف بالخبر