أنا وبتوع آداب

Monday, January 7, 2008

أصدقاء مدونتي الاعزاء...بل أصحاب هذه المدونه ...انتظروني كل يوم ثلاثاء مع بوست جديد
رجاءا..لا تحرموني من مروروكم وتعليقااتكم.


بتــــــــــوع آداب قالولي........صــــــــــعبان علينا جدا
سهران اللـــــــــيل تذاكر....... وتنـــام والـــــديك بــيدّن
صعبان علينا جدا
بتــــــــــوع آداب قالولي...... دايـــــما عــمّال تـــــذاكر
و احنا بنــــــــــسمع اليسا ......ونانسي وفـــــــضل شاكر
صعبان علينا جدا
ؤو الواحد منــــــــكوا دايماً...... تلاقيه مشــــغول وسارح
لكن مـــــــــعذور لإنـــــه .......متــربي في المـــــشارح
صعبان علينا جدا
لكن احــــنا... حاجه تانيه.......علــــــــــطول متروشنين
دايبين في الحب وإنـــــتم....... دايبـــــين في الفورمالين
صعبان علينا جدا
و تشرحوا الضـــــــفادع ........وتمـــــــــوتوا الفـــيران
و أما أرانبــــكوا خلصت....... خدتوا بتــــــوع الجيران
صعبان علينا جدا
و سبــــــــع سنين بحالهم....... نازلين مــــــذاكرة طحن
لـــــما بقيتم بتـــــــــمشوا .......ودماغكوا فاصـله شحن
صعبان علينا جدا
ومافيش أجـــــــازه عدلة....... طول الســــــــــبع سنين
و ان خدتــوا أجازة تبقوا....... شايلين يا مأجـــــــــــلين
صعبان علينا جدا
وبتـــــــــوع الطب دايماً....... بيــتوهوا في الحــــارات
علشان دايــــــماً يا عيني.... ...ماشيــــين... بالنضارات
صعبان علينا جدا
حتى محاضراتكوا دايماً... .....بتـــــــــــمشي في السليم
تلقى الرجـــــــاله قاعدة......... بعيييييييييد عن الحــريم
صعبان علينا جدا
دي الدنيا يا ابـــني خنقه ........ومش هتبـــــــــقى عيشة
من غير نفـــسين سجاير... ... وشدتـــين في شيـــــــشة
صعبان علينا جدا
قلتلهم حيـــــلكوا حيلكوا.........فيه ايه يا بتوع آداب ؟؟
احنا مش طــــول حياتنا .. .....قاعدين جنب الكـــــتاب

يمكن يكون مـــــــزاجنا.........شئ صعب يــبقى رايق
لكن عايشين حيـــــــاتنا........ زي بقــــــــــية الخلايق

و ان شغلتنا المــــذاكره ........دي حــــاجة مش غريبة
ماهو كل شئ بيـــــنجح.........في الدنيا له ضـــــــريبة

قدر الدكـــــــــتور يدوّر....... على كـــــــــل شئ يفيده
علشان في يـــوم هتبقى ........أرواح النــــاس في إيـده
يمكن مشـــوار كبير
فيه التعب
severe
لكن كـــــــــــــــفايه لينا........ في قلوب الناس رصيد
و كفايه دعوه حــــــلوه ........هيقولها في يوم مريض
ده هيبقى ...كفاية جدا

26 comments:

د/اجدع بنوته said...

هههههههههههههههههههههههه

حتى محاضراتكوا دايماً... .....بتـــــــــــمشي في السليم
تلقى الرجـــــــاله قاعدة......... بعيييييييييد عن الحــريم

يعنى مش طب الزقازيق بس اللى كده

كل طب محترمين اهو ههههههه هى دى الاخلاق

الكلام تحفه قتلنى م الضحك

واسمحلى اكون زائره دائمه لبوستاتك الثلاثيه دى

تحياتى

! ! ! ! said...
This comment has been removed by the author.
! ! ! ! said...

الله عليك يا حووده
والله يابنني فنان......

بس هي بقت كده......حتى بتوع أداب شمتانيين فينا.....

بس بيني وبينك الواحد كان نفسه يعيشله يومين .....بس هنعمل ايه؟؟؟؟

دمت لنا معبرا عنا

تقبل تحياتي

natural magic said...

ههههههههههههه
كويس يا دكتور انك فهمتهم اننا عادي يعني عيشين حياتنا
بس هو موضوع السبع سنين دا اللي ملهوش حل
ربنا يصبرنا

Anonymous said...

ههههههههههههههههههههههههههه

يا حرااااااااااااااااااااام

يابنى روح ذاكرلك كلمتين أحسن بعدين تندم ع الوقت ده ومش بعيد تكتبلنا ... ((أنا وبتوع المدونه)) بس بجد حلوة يا دوك ....... إللى بعده

أسيرة الصمت ;) said...

ههههههههههههههههههههههههههه

يا حرااااااااااااااااااااام

يابنى روح ذاكرلك كلمتين أحسن بعدين تندم ع الوقت ده ومش بعيد تكتبلنا ... ((أنا وبتوع المدونه)) بس بجد حلوة يا دوك ....... إللى بعده

GEHAD said...

رائعة دكتور معبرة وأسلوبها ظريف جدا
ونهايتها جميلة جدا وكما قال دكتور مصطفى دمت لنا معبرا عنا
في انتظار روائعك
بوركت .تحياتي وتقديري

DR.HAMAS said...

هههههههههههههههههه

الله الله الله

أخيرا لقيت حد ينطق باسمنا

احنا بتوع الطب الغلابة

ينصر دينك يا دكتور محمود

هههههههه

بجد انت عبقرى

كلماتك جميلة قوى

ههههههههه

و حلوة
severe
دى

محدش يفهمها غيرنا



بجد تحياتى ليك



د.حمـــــــاس

mahmoud farag said...

طبعا يا حوده انت عارف رأيي

دمت لنا شاعرا رقيقا تنسج الكلمات وتنغمها .. فتصير قصائدا تبهج قلةبنا وتأسر مشاعرنا

محمود سليمان ابو العزم said...

أجدع بنوته

نورتي المدونه
بتوع طب محترمين في كل حتة
هي دي ال
charectaristic sign
وهتسعديني بزيارتك كل تلات

محمود سليمان ابو العزم said...

مصطفي علام ..حبيب قلبي
دايمامنورني
ومشجعني
نصيبنا كده يا مصطفي
الصبر مفتاح الفرج
لنا الله

محمود سليمان ابو العزم said...

naturalmagic

أيوه هو دي اللي اقصده
احنا كمان عايشين حياتنا
بس ان جيتي للحق فيه كتير من كلامهم صح برضه
الواحد ماينكرشي

محمود سليمان ابو العزم said...

أسيرة الصمت

كده يا باشمهندسه
انتي كمان بتترياي علينا
هتخيليني أنش بتوع هندسه قصيده
انتي حرة

محمود سليمان ابو العزم said...

جهاد

من الناس اللي بنتظردايما تشجعيهم ومجاملتهم الرقيقه دائما
انتي ةمصطفي قولتي اكتر كلام اسعدني
عبرت عنا
هى دي اكتر كلمه بتسعدني
أوان ايضا في اتنظار زيارتك دايما

محمود سليمان ابو العزم said...

دكتور حماس
سعدت جدا باولزياره ليك هنا
ومتشكرجدا على الكلام الحلوده
ربنا يكرمك يا رب
ويا رب ماتكونشي اخر زياره

محمود سليمان ابو العزم said...

محمود فرج
القلوب عند بعضها يا حوده
دمت انت الاخر شاعرا معبرا رقيقا حالما

بت خيخة وأى كلام said...

هههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه
جميلة جدا
ودمها خفيف جدا جدا جدا
ولو سمحت انا عايزة قصيدة هدية بمناسبة عيد ميلادى
ماليش دعوة انا عايزة قصيدة حلوة زى دى

شكرا على مرورك عندى يا ابو العزم
وبجد بجد انت موهوب
سلام اختك خيخة

quiet_storm said...

انا لما خلصت القصيده قراءه افتكرت الجمله دى
اجمل ما فى الطب دعوه من قلب مريض وذلك اذا ظل المريض حيا
هههههههههه
الحمد لله دلوقتى الامل كبير ان المريض يعيش ويدعى كمان

لكن كـــــــــــــــفايه لينا........ في قلوب الناس رصيد
و كفايه دعوه حــــــلوه ........هيقولها في يوم مريض
ده هيبقى ...كفاية جدا

يارب يدعولنا بالخير دايما

دعاء said...

على فكره اخويا فى اداب وبصراحه وبجد انا شوفت كل اللى انت قولته فيه هو فعلا محسسنى انى بزاكر ومش هستفاد حاجه من اللى هزاكره بس هاعمل ايه اهو بنعمل اللى علينا واحنا دكاتره فى الاخر
وان شاء تتقدم اكتر واكتر ياشاعرنا وتكبتلنا كمان وكمان

dr:L _dr said...

ههههههههههههههههههههههههههههههههههههههههه الله عليك انت موتنى من الضحك ايه يابنى دة انت بجد شاعر رائع والله بتعرف تسلب الضحكه مننا بس دة اكيد ان ربنا بيحبك وبيحبب فيك خلقه وللامام ياشاعرنا على فكره ياريت تعملنا قصيده على بتوع التربيه اصلهم غير اداب خالص

casper_moody said...

ما شاء الله
عندك قدرة رهيبة في رسم البسمة علي الشفاه
دمت لنا شاعرا متألقا
ودامت بسمتك كما ترسم بسماتنا
الي الامام دائما دكتر محمود
تحياتي

Anonymous said...

الله عليك بجد يا دكتور محمود انا كنت في حفلة اتحاد الطلبة و بجد انت موهوب جدا انا محمد عبد المعبود علي فكرة و انا هتابع المدونه علي قد ما اقدر و هعملك دعاية متحركه يلا يا عم بس بجد انت بتحب تقرا لمين من الزجالين الابنودي جاهين فؤاد حداد عموما في زجال بيكتب في اخر صفحه في المصري اليوم اسمه علي سلامه اقراله هعيجبك جدا و يا رب اشوف اسمك علي ديوان قريب

Mahmoud Almokadem said...

الله عليك يا حودة و الله
جميلة جداً
موتني من الضحك و الله

دينا said...

جميلة جدا ما شاء الله

ربنا يصبرنا

أحمد صقر said...

صديقي
لست أعلم ما الذي يمنعني حين نكون سويا أن أعبر لك عن إعجابي بما تفكر وانبهاري بروعة ما تكتب, لعل ذلك لما تعودناه من عدم الحاجة إلي الكلام فما بيننا من فهم لبعضنا تتضاءل عنده معاني الكلمات.
إلا أني حين أقرأ ما تكتب أشعر أنه من واجبي ألا أكون أخر من يبدي إعجابه بما تكتب ,بل إني أشعر أني أولي الناس بذلك .
فهنيئا لك ما أنعم الله به عليك من موهبة رائعه وفكر صائب ,ثم هنيئا لك نعمة الله الكبري علي الانسان -أن يحبه الله فيكتب له القبول بين العباد-أسأل الله ألا يحرمنا وإياك منها.
تقبل تحياتي
صديق العمر أحمد صقر

د.ميريهان said...

لكن كـــــــــــــــفايه لينا........ في قلوب الناس رصيد
و كفايه دعوه حــــــلوه ........هيقولها في يوم مريض
ده هيبقى ...كفاية جدا

لكل مغنم ... مغرم..

ولكل drug ...side effect
وقد صدقت..تكفي دعوة..قد تفتح لهاابواب السماء فتستجاب..

قد أبدعت دكتور محمود في قصيدتك تلك..
وأبدعت في وصفنا .. واخراج مابنا

اسجل أسمى معاني شكري
دمت بخير