السلام عليكم ورحمة الله
قبل ما اشر الموضوع ده
نفسي اقول ان بزعل اوي لما حد بياخد الكلام ده بصورة شخصيه
انا لما بكتب بحاول اكتب باحساس كل حد عايش الاحساس اللي بكتب عنه
مش عني بس
هكذا تمنيت أن أحب..حب وكبرياء..هزمتيني...حاجات كتير هنا
احاسيس مختلفه ماعشتهاش بس حسيتها وكتبت عنها
ممكن اكون عرفت اعبر او ماعرفتش..بس حاولت
رجاءا القصيده دي بلاش تتاخد بشكل شخصي
حاولوا تحسوها وتعيشوها معايا من غير ماتطبقوها على
فهمّيني
نظرتك معناها ايه؟؟؟؟
خوف في قلبك
ولا يمكن خوف عليه؟؟؟؟
حب ليّ
طب تداري الحب ليه؟؟؟؟
فيه ساعــــــات في عينيكي بلمح....ألــف مــــــيت ملـــــــيون بحبّك
فيه ساعات بتـقوللي ..... حاسب ... قلبي مش مكــــــتوب لقلــــــبك
فيه ســــــاعات بتقـوللي... قرب.... عايزة أعيش طول عمري جنبك
فيه ساعــــــات بتقــــوللي..إبعد ... قلبي مش محــــتاج لحــــــــــبك
خوف في قلبك
ولا يمكن خوف عليه؟؟؟؟
حب ليّ
طب تداري الحب ليه؟؟؟؟
فيه ساعــــــات في عينيكي بلمح....ألــف مــــــيت ملـــــــيون بحبّك
فيه ساعات بتـقوللي ..... حاسب ... قلبي مش مكــــــتوب لقلــــــبك
فيه ســــــاعات بتقـوللي... قرب.... عايزة أعيش طول عمري جنبك
فيه ساعــــــات بتقــــوللي..إبعد ... قلبي مش محــــتاج لحــــــــــبك
نظرتك معناها ايه؟؟؟؟
انتي خايفه الناس يلوموا؟؟؟؟؟ ..... مهما لاموا هنـــــــــــقدر احنا
نثـــبت ان الحـــــب يقــــــدر.... بالأمـــــل يهـــــــزم جروحنا
و ان طول ما الـــــــحب فينا ..... والحنــــــين عايش في روحنا
قلــــــبنا يقــــدر يعـــــــــدّي ..... أي شئ يمــــــــــنع طموحنا
نظرتك معناها ايه؟؟؟؟
انتي خايــــــــفة يكون هوانا .... نزوة ننــــدم يــــــــوم عليها
ماتخافيش.....حبك في قلــبي .... عنــــــدي بالدنــــيا وما فيها
حبنا يا حبيــــــــبتي حــــاجة .... مــــرة في العــــــمر نلاقيها
مش هييجي الــــــيوم و تدبل ... . وردة طول ما الشوق ساقيها
نظرتك معناها ايه؟؟؟؟
ليه عينــــــيكي قوام بتهرب ...... لما بتــــــــقابل عينيّا؟؟؟؟؟
رغم اني كتــــــير بشوفها..... تايهـــــــــة بتـــــدور عليّا
انتي ليه خــــــايفه تقـــوليها ..... أو تقــولها عينـــــــيكي ليّ
لو "بحبك" عايــــــشه فيكي ..... لـــيه تداري الكلــمة ديّة؟؟
قولي من غير أي خوف
انتي خايفه الناس يلوموا؟؟؟؟؟ ..... مهما لاموا هنـــــــــــقدر احنا
نثـــبت ان الحـــــب يقــــــدر.... بالأمـــــل يهـــــــزم جروحنا
و ان طول ما الـــــــحب فينا ..... والحنــــــين عايش في روحنا
قلــــــبنا يقــــدر يعـــــــــدّي ..... أي شئ يمــــــــــنع طموحنا
نظرتك معناها ايه؟؟؟؟
انتي خايــــــــفة يكون هوانا .... نزوة ننــــدم يــــــــوم عليها
ماتخافيش.....حبك في قلــبي .... عنــــــدي بالدنــــيا وما فيها
حبنا يا حبيــــــــبتي حــــاجة .... مــــرة في العــــــمر نلاقيها
مش هييجي الــــــيوم و تدبل ... . وردة طول ما الشوق ساقيها
نظرتك معناها ايه؟؟؟؟
ليه عينــــــيكي قوام بتهرب ...... لما بتــــــــقابل عينيّا؟؟؟؟؟
رغم اني كتــــــير بشوفها..... تايهـــــــــة بتـــــدور عليّا
انتي ليه خــــــايفه تقـــوليها ..... أو تقــولها عينـــــــيكي ليّ
لو "بحبك" عايــــــشه فيكي ..... لـــيه تداري الكلــمة ديّة؟؟
قولي من غير أي خوف
ليه يكون القلب خايف
سيبي قلبي يحس بيها
مش مهم تقول شفايف
قولي حبك كان حقيقي
قولي حبك وهمك زايف
مهما هزعل...مهما هفرح
بس قلبي هيبقى عارف
نظرتك معنها ايه
17 comments:
كالعاده بتتفوق على نفسك
يعنى مش عارفه اقول ايه بجد
ربنا يحفظ عليك موهبتك دى
مش عشانك اد ما هو عشان البشر اللى بيقرأوا كلامك وبيسيب في نفوسهم اثر
وانت اكيد بتنجح فى توصيل فكرتك ايان كانت وبمنتهى البساطه والسلاسه كمان
ان شاء الله دايما موفق وشاعر متألق
كده يا حنان تاخدي أول كومينت مني
طيب
المهم ايه الحلاوه دي يا كبير .. أول مره تحط حاجه ومش تقوليهالي كامله قبلها
ماشي يا حبيب قلبي
بس انت نسيت ولا ايه؟
مش كنت قلت هتحط عوضين بيحب سوسو
أنا منتظر القصيده دي علي أحر من الجمر ... بس القصيده الأخيره دي تحفه بجد وفيها معاني روعه
بارك الله فيك يا كبير ودمت لنا تأسر القلوب وتخطف المشاعر وتحيلها الي حدائق يملؤها الحب والأشواق
بجد ماشاء الله عند حضرتك موهبه روعه بجد
ربنا يبارك في حضرتك
ويباركلك في موهبتك
والقصيده بتاعه ابي دي بجد جميله
ربنا يباركلك يارب
قولي من غير أي خوف
ليه يكون القلب خايف
سيبي قلبي يحس بيها
مش مهم تقول شفايف
قولي حبك كان حقيقي
قولي حبك وهمك زايف
مهما هزعل...مهما هفرح
بس قلبي هيبقى عارف
نظرتك معنها ايه
الله عليك يا حوده
فكروني الحبه دول بأغنيه عبد الحليم
قولي حاجه..أي حاجه..
يخرب بيت احساسك يعني
ملكش حل والله
يلااا...مستنيين عوضين بيحب سوسو
احنا هنخليه طلب جماهيري ...وهنعمل عيه استفتاء على رأي فرج
بس هو كان عايز يعمل استفتاء علي حاجه تانيه
ماعلينا
سلاااااااااااااام
ازيك يا محمود
انا هبه
ايه اخبارك
عامل ايه
يارب تكون بخير
بجد فعلا روعه
ومفيش كلام يعبر عنها
اقولك ايه
مش لاقيه كلام
ربنا يوفقك يارب
اولا مبروك المدونة دكتر محمود وما شاء الله دايما من اجمل لاجمل ومن اروع لاروع .بجد تحفة والله .تبارك الله.
ايه هوووو التلات جه بسرعه كده ليه
رائعه رائعه
واطلع م دول يانمس
ميقلش الكلام ده بالاحساس ده
الا واحد حسه او بيحسه ..
قر واعتررررررررف
وهى ع صرخة واحده .. بحبببببه يابابااااا
رائعه رائعه رائعه
جميله اوى يامحمود
من غير متطلب ان قصايدك منخصهاش بيك
قصايدك بتلمس احساس كل واحد فينا
بس مهم تقول شفايف وبعدين القلب يحس بيها او القلب يحس بيها والشفايف تاكد الاحساس مينفعش احساس وبس او كلام وبس
مستنين قصايدك بس من حلاوتهم كلهم مش عارفه كل مااقول دى احلى واحده تطلع اللى بعدها احلى منها
شوفلنا حل بقا
يارب كل اللى منك يبقى حلو مش مهم الاحلى
ربنا يكرمك يارب ويوفقك
اسماء
فعلا الواحد مش عارف يقول ايه
ربنا يحفظك يا بني
احساس رائع
ما أجمل ان تشعر وتحس بما يدور في خلد الآخر وكأنك في نفس مواقفه فتتحدث عن خواطره وهواجسه وتحلل ذلك وتقدّره أجدت وأبدعت كلمات كلها إحساس راق واستفهام حلو جميل
وفقك الله تحياتي وتقديري
ايه ده؟!!!مش ممكن
حتى وهيا مغلباك مخلياك تكتب بالحلاوه
دى
انا غيرت رايى بلاش تكلمهاوتشكرها طالما
هتستنى تكتب كده
سلاااام ايها الاحساس الذى يمشى على قدمين
اه انا اسفه نسيت
مش ضرورى تبقى مستنى اللى قصادك
يقولك لو حقيقى حاسس بيه يبقى هتفهمه لوحدك ومتزعلش ده رأيي
سلااام
السلام عليكم ورحمه الله فى البدايه احب ابدى اعجابى بالقصيده مش بس لانها حلوه ولانها تقريبا كل الشباب بيعيشوها سواء كان اول حب او التانى او او المهم انا كنت عايزه اقول تعليق بسيط على القصيده دى لاى شاب مش لازم البنت اللى قدامك تقولك انها بتحبك طالما انك حسيت بيها لانها طبيعى اكيد بتكون مكسوفه ولانها فى الحاله دى ما لهاش اى تجارب فبل كده بس ومره تانيه ابدى اعجابى بالقصيده وربنا يوفقك يامحمود
القصيدة جميلة اوي يا دكتور محمود.. واجمل حاجة فيها انها بتعبر عن جيل الشباب الهايل بتاع اليومين دول... مستني اللي بيحبها انها تيجي لحد عنده تقوله بحبك..والله!!!!!! لو عملت كده هيقول عليها دي معندهاش حياء..ولو حافظت على حيائها و مقالتلوش انها بتحبه هيقول في قرارة نفسه لأ يا واد دي مش بتحبك لو كانت بتحبك كانت قالت!!!!!! بالله عليك و منغير ما احلفك. اللي انا قولته ده بيحصل وللا لأ؟ هما دول رجالة الأيام دي مش عارفين همه عايزين ايه علشان كده هيفضلو تعبانين و تعبيننا معاهم . }H{
ربنا يكرمكم كلكم يا جماعه
انا عارف ان الرد متأخر أوي
بس فيه حاجه خليتني أرد
ماكنتش ابقصد بالقصيده دي أبدا
ان البنت هي اللي تيجي تقول
انا كنت كاتب القصيده دي على لسان حد صرح بحبه
وانتظر الرد والرد ماجاش
وماكانشي عارف هل معني نظرتها انها موافقه ولا رافضه ولا ايه
لانها ماكانتشي راضيه ترد
يارب تكون الفكرة وصلت
لست ادري بم قد يُجاب او يُردّ على هذا الحوار الراقي بين حبيب وعيونِ محبوبته فقد بلغَ الشعور بهذا العاشق( سواء كنت انت ام لم تكن) مبلغه حتى تمكن من خلق حوار وقصه ذات احداث وبدايه وان لم تكن واضحة النهاية بينه وبين محبوبته برغم تجمد الاحداث في الواقع وكما ذكرت سابقا مرحى لنا بشاعرٍ انيقٍ مثلك... تحياتي..
لست ادري بم قد يُجاب او يُردّ على هذا الحوار الراقي بين حبيب وعيونِ محبوبته فقد بلغَ الشعور بهذا العاشق( سواء كنت انت ام لم تكن) مبلغه حتى تمكن من خلق حوار وقصه ذات احداث وبدايه وان لم تكن واضحة النهاية بينه وبين محبوبته برغم تجمد الاحداث في الواقع وكما ذكرت سابقا مرحى لنا بشاعرٍ انيقٍ مثلك... تحياتي..
Post a Comment