بنحاول نعمل حاجة..تحديث

Wednesday, July 15, 2009

السلام عليكم ورحمة الله
يارب تكون كل الناس بخير
فيه حاجات جديدة بخصوص زميلتنا د/رندا ربنا يرحمها
حبيت أنوه عنها
فيه ناس اتصلت بي ونفسها تشارك معانا في مشروع الصدقة
وكانت مش موجودة يوم ما كنا بنلم او مش عاملين حسابهم
احنا فاضلنا لسة يوم الحد ويوم الاتنين
ولو حد عايز يوصل لينا حاجة
في رواند واحد موجود أحمد الجوهري وأحمد سعيد بسيوني
وفي وراند اتنين وستة
موجود دكتورة هالة ودكتورة ايناس ودكتورة أميرة الهواري ودكتورة نها اليماني وتامر عزت
وفي رواند تلاتة موجود دكتورة رنا دغيدي او صالح البقري
وفي رواند خمسة موجود محمد مغاوري ومحمد شلبي و أنا
فاضل مجموعة اربعة لسة مادخلنهاش خالص وان شاء الله الناس اللي مااتبرعتشي فيها
هنكون هناك قبل ما تبدأ محاضرة العظام بتاعتهم
...........................................
فيه زمايلنا بيحاولوا يختموا القرآن من جديد هنا على المدونة
تبقى حاجة جميلة لو قدرنا نكرر الموضوع مرة تانية
........................................
فيه اقتراح اتقاللي كام مرة وحد بعتهولي برضو
اننا نخلي الدكاترة يشتركوا معانا في مشروع الصدقة
مش عشان المبلغ يكبر انما عشان المعني يكبر
يعني بحيث الموضوع يبقى اهداء ليها من زمايلها ودكاترتها في نفس الوقت
بس الموضوع ده محتاج مساعدة من زمايلنا معانا
يعني ياريت لو حد قدر يبلغ دكتورة آلاء مندور أو شريف رخا ويبلغنا يبقى جزاه الله خيرا
لأنهم لو معانا هيسهلولنا نستئذن الدكاترة في اجتماعهم ونعرض عليهم الفكرة
.......................
فيه فكرة كويسة جدا بس عايزة نظام عشان تتنفذ كويس
لو خدتو بالكم هتلاقوا ان كل الشرايط اللي بنسمعها
للدكترو المطري أو المندوه
كانت مسجلة بحيث انها تبقى صدقة على روح زميل ليهم
توفي في سنة سادتة برضو
احنا نقدر نعمل حاجة زي كده حتى لو في حيز ضيق
يعني أنا مثلا كان معايا نسخة من شرايط الدكتور أسامة محمود الجديدة
منظمة جدا وصوتها جميل جدا وكاملة الحمد لله
هنطبع منها نسخ ونوزعها على اللي داخلين سنة خامسة جديد
ومعايا النسخة بتاعت دكتور ابوالأسرار بس هو رافض نشرها
هحاول أوصله و أستئذنه ان شاء الله
و مثلا كمان لو زمايلنا في أسرة الرأي قدروا يجعوا أسئلة الشفوي
اللي كنا مسجلينها على مدونتهم السنة اللي فاتت في الباطنة والأطفال
وينزلوها للناس اللي هتمتحن دي في أقرب وقت.
و كمان تعيش للدفعات اللي بعد كده يبقى كويس جدا
كمان لو حد مثلا ربنا وفقه و خد باور بوينت كويس من دكتور قبل كده
أو كتب محاضرة كويسة ورا دكتور
او كان ملخص ورق او عامل دياجرمات مفيدة
أو وصله أي شرايط أو تسجييلات في سنة سادتة
او كان عامل حاجات زي كده في سنة خامسة
ممكن نجمعها كلها على اسطوانات
وتبقى لينا وللدفعات من بعدنا
ويبقى في ميزان حسناتها ان شاء الله
دي فكرة واكيد انتو ممكن تضيفولها كتير من أفكاركم
وتبقى احسن من كده بكتير
...............................
في النهاية حابب أقول ان كل ده اجتهاد
ممكن نخطئ فيه وممكن ربنا يوفقنا ونصيب فيه
بس حق الزمالة علينا رغم ان كتير مننا مايعرفشي الدكتورة رندة
يخلينا نعمل اكتر من كده
وده والله مش رياء ولا سمعة لإن الموقف أصلا ما يستحملشي حاجة زي كده
بس هو زي ماقلت محاولة اننا نعمل أي حاجة
ولان أي حد مننا ممكن يبقى مطرح الدكتورة رندة ربنا يرحمها
وبيتهيألي باشمهندس بسام وضحلنا الصورة شوية
وجزي الله خيرا كل اللي لفتوا نظرنا لحكم الموضوع
لانهم برضو قصدهم خير ونفسهم اننا نعمل الصح
أنا مابعرفشي اتكلم في المسائل الفقهية لان بحس ان اللي
يتكلم فيها ياإما يتكلم عن نور وعلم صحيح يا إما مايتكلمش
وانا أجهل من اني أصدر أحكام او آراء
انا حتى لما والدي توفي وهو أغلى انسان عندي
وأول شهر بعد وفاته ختمنا القرآن أنا وزمايلي مرة
وقلنا يبقى كل سنة مرة
ولما حسيت ان مسألة القراءة والصدقة فيهم اختلاف
قلت خلاص هكتفي بالدعاء المتواصل مادام مش عارف الحكم
ولما زميلتنا رندة توفت سألت ودورت من تاني
والموضوع طلع فيه خلاف فعلا مابين آه ولأ
وقلت احنا هنجتهد وان شاء الله ربنا يتقبل مننا
حتى لو الموضوع زي ما بعض الناس قالت
ان شاء الله الدكتورة رندا برضوتاخد ثواب انها
كانت سبب في اننا نفكر في الخير ده
و على الأقل يبقى مجهودنا واشتراكنا كلنا شهادة خير ليها مننا عند ربنا ان شاء الله
أنا كنت جايب معايا أحاديث وأدلة وآراء علماء فيها اختلاف كتير
بس أنا هحكيلكم ايه الحاجة اللي خلتني أشترك مع زمايلي
بعد ما استخرت ربنا واستفتيت قلبي اننا نبدأ المشاريع البسيطة دي
رغم اني ماكنتش حابب أحكي الموقف ده
أنا كنت أعرف الدكتور رندة شكلا بس
ومن حوالي تلات أسابيع كنت في نت في المكتبة المركزية
وقدراً ببص جنبي لاقيت الدكتورة رندة فاتحة صفحة المعادلة الأمريكية
وعمالة تنقل منها حاجات وحسيت انها بتدور وبتخطط لمستقبلها
وانا بقدر وبحترم الناس الطموحة اللي بتبص لأدام كده
لما توفت الدكتورة رندة افتكرت الموقف ده
وحسيت ان الحكاية تخص حد من زمايلنا كان بيرسم مستقبله
وبيبص لبكرة بأحلام وحاجات جميلة أوي
بس الوقت ما أمهلوش- واحنا مش معترضين أبدا ومتأكدين ان ربنا ليه حكمة في كده-انه يكون ليه
علم ينتفع بيه أو صدقة جارية او ولد صالح
حسيت ساعتها ان احنا زمايلها واخواتها اللي يمكن هي ماتعرفهمش
بس كان لازم نبقى مطرحها ونحاول نعمل أي حاجة تنفعها
ولاني بحس ان الميت بيحس بينا وبيفرح بدعانا وبأي حاجة نعملها عشانه
حتي كنت بقول لزمايلي بعد ما لمينا مبلغ كويس امبارح
انه ياريت تكون الصدقة دي تكون في حاجة في الطب
بحيث تكون في نفس مجالها ويمكن نحققلها حلم من أحلامها
يارب تكونوا فهمتونا وقدرتوا مشاعرنا
لو فيه أي أفكار أي اقتراحات أو أي اشتراكات في الأفكار دي
أنا تحت أمركم
محمود أبوالعزم
0185856476
now_tears_smile@yahoo.com
..................................................
السلام عليكم ورحمة الله
مش عارف أبدأ منين...الكلام صعب جدا
أنا هبدأ من النهاية لإن تقريبا دلوقتي كل الناس عرفت الخبر
وان زمليتنا د/رندة عماد ربنا توفاها امبارح
ربنا يرحمها ويغفرلها
ولإن كلنا النهاردة كنا حاسين بحاجات كتيرة أوي وعايزين نعمل حاجات كتيرة أوي
سواء كنا عارفين دكتورة رندة او لا
فيه ناس كان نفسها ان احنا نختم القرآن ونهدي الثواب لروحها
ودي ان شاء الله هقوللكم نعملها ازاي
والحاجة التانية ان كلنا نصوم بكرة الخميس ونهدي الثواب لروحها
وندعيلها كلنا بالرحمة والمغفرة وقت الفطار ان شاء الله
يارب نبد أ الأول بالخطوتين دول
بالنسبة لختم القرآن احنا ممكن نعمله هنا بحيث اننا نقدر نكمله ان شاء الله
بشكل منظم من غير مانتلخبط يعني كل حد يدخل المدونة يدخل على الكومنتات
ويسجل هو هياخد أنهي جزء بالترتيب
بس لازم يكتب كومنت من غير مايقول اسمه حتى.. بس يقول انا هقرأ الجزء رقم كذا
يعني ان شاء الله هكتب في أول كومنت انا هاخد الجزء الأول
واللي بعدي ياخد الجزء التاني وهكذا
بالنسبة لكتابة الكومنت لو حد مش بيعرف..يدخل على الكومنتات
يكتب كومنت في المربع الموجود
anonymousويتكي بالماوس على دايرة غير معرف أو
puplish comment وبعيدن يتكي
أتمني تساعدوني نجمع تلاتين حد بتلاتين جزء النهاردة
ده على المدونة
وعشان الناس اللي نفسها تعمل كده بس مافيش نت
انا جبت مصحف متقسم تلاتين جزء
بكرة ان شاء الله في مجموعة تلاتة- مجموعة دكتورة رندة- ربنا يرحمها
مابين الشفتين يعني حوالي تسعة ونص أو عشرة... الأجزاء هتتوزع
و بعد كده ممكن نعملها في رواندات تانية ان شاء الله
ياريت نقدر نعمل خطوة القرآن والصيام دول النهاردة وبكرة ونوصلهم لأكبر عدد
والدعاء بعدهم بيبقى
اللهم هب مثل ثواب ما قرأت أو ماعملت لروح فلان
ومن بكرة ان شاء الله هببدأ نلم عشان نعمل صدقة جارية على
روحها زي ما زمايلنا قالوا النهاردة
فاضل حاجتنين عايز اقولهم
اولهم كلمة قالها زميلنا محمد مغاوري
ان الموضوع مايبقاش دلوقتي وبس
وان زمايل رندة يفضلوا فاكرينها دايما ويعملوا أي حاجة
ولو صغيرة بنية الثواب ليها
وثانيا موقف حصللي النهاردة وانا جاي
لما زمايلنا قالوا عايزين طريقة نختم بيها القرآن كلنا.. فكرت في المصحف المتقسم ده
بس ماكنتش عارف أجيبه منين
وانا معدي في المحطة بالصدفة سمعت حد بيقول
لو سمحت عندك مصحف متقسم أجزاء ؟؟وحد رد عليها قالها آه
بصيت جنبي لاقيت مكتبة هدايا ودخلت اشتريت المحصف من هناك
والله ده اللي حصل بالظبط
.......................
ياريت كل حد يدخل المدونة النهاردة يستحضر قلبه
دقيقة واحدة بس ويدعي بإخلاص لرندة
ان ربنا يرحمها ويغفرلها
ويحتسبها عنده شهيدة ان شاء الله
ربنا يرحمها ويصبر أهلها ويشملها بفضله وعفوه ومغفرته ان شاء الله

83 comments:

شق القمر said...

تكرم يا محمود
ربنا يبارك فيك
أزدت اليوم أخى .. ربنا يتقبل منك ومنا
ويرحم رنده رحمة واسعة
وبإذن الرحمن الرحيم أبدأ بالجزء الأول إذا لم تكن أنت بدأت به

محمود ابوالعزم said...

خلاص مافيش مشاكل
أنا هاخد الجزء التاني

Anonymous said...

بسم الله

سبحان الحى الذى لايموت ابدا

ان شاء الله اخد انا الجزء الثالث

اللهم تغمدها برحمتك وابدلها دارا خيرا من دارها واهلا خيرا من اهلها وارحم موتانا وموتى المسلمين

شباك موارب said...

البقاء لله وحده
اللهم ارحمها وتقبلها عندك بواسع رحمتك
وادخلها الجنه وابعدها عن النار..
واكتبها من المقبولين...
اللهم الهم اهلها الصبر والسلوان

شباك موارب said...

ان شاء الله انا هاخد الجزء الثالث.......اللهم تقبل وارحم واجعله في ميزان حساناتها
وحرم وجهها على النار

Anonymous said...

be2ezn allah hakhod el goz2 el rabe3
ed3olha kter awyyyyyyyyyyyyyyyyyyyyyyy
yyyyyyyyyyyyyyy

ana 3ala fekra 3ndy elmos7af el talaten goz2 da w hagebo m3aya kol yom isa w 2a7awl anaffez fekretak ya dr.m7mod

gzakom allah 3anna kol kher

rbna yer7amha yarab w yeghferlaha
ameeeeeeeeeeeeeeeeeeeeeen

Anonymous said...

جزاكم الله كل خير ربنا يتقبل منا ويرحمها
ويغفر لها ويسكنها فسيح جناته ويارب ويارب اللي بنعمله ده يوصلها
هو اكيد قليل اووووي عل يحبنا ليكي
وجزاكم الله كل خير
انا شاء الله هاخد الجزء الخامس

أحمد سعيد بسيوني said...

انا لله وانا اليه راجعون

انا هاخذ الجزء السادس ان شاء الله تعالى

جزاكم الله كل خير

Anonymous said...

وانا هاخد الجزء السابع


بوركتم

عاشقة الأحزان said...

السلام عليكم

ربنا يرحمها ويغفر لها
اللهم امين يارب العالمين

جزاك الله عنا كل الخير

تحياتى

ايناس

Anonymous said...

ان شاء الله هاخد الجزء الثامن

::Dr.ShaboMania:: said...

ان شاء الله اخد الجزء التاسع
=========================
اللهم ارحمها رحمه واسعه
===================
اللهم تقبل منا صالح الاعمال
====
Mo7amed Shalaby

Anonymous said...

والله انا كنت فعلا بدات النهارده من نفسى وقرات الجزء الاول بنيه الثواب ليها

بس ان شاء الله اشارك معاكم تانى

وهاكمل معاكم واخد الجزء التاسع


ربنا يرحمها ويلهم ذويها الصبر والسلوان

امة الله said...

السلام عليكم ورحمة الله جزاكم الله خيرا وجعله فى ميزان حسانتها وميزانا باذن الله الجماعه اللى هياخدوا الجزء التاسع معاهم صفحتين باقى الانفال يقرؤها معاهم واحنا معانا ال10و11 ان شاء الله وراندا رحمها الله رحمة واسعه كانت تقول فى المدرسه راندا بالالف مش بالهاء ولاتنسوا كرم وفضل الله فلاتبخلوا على انفسكم وموتاكم وموتى المسلمين بمثل هذا التواب بس نقول نهب مثل هذا الثواب لروح فلانوفلانواموات المسلمين

Anonymous said...

لله ما اعطى وله ما اخذ
اللهم ارحمها رحمة واسعه
الجزء الثانى عشر ان شاء الله

Anonymous said...

باذن الله انا هاخد الجزء ال12
تغمد الله الفقيدة بالرحمة والهم اهلها الصبر والسلوان

Anonymous said...

باذن الله الجزء الثالث العشر
ربنا يرحمه ويسكنها فسيح جناته

Anonymous said...

الله يرحمه ويرحم موتى المسلمين
باذن الله اخد الجزء ال 14
لو سمحتم ادعوا لام جارتى بالرحمه لانها توفت النهارده الفجر
شكرا

Anonymous said...

اللهم اغفر لها وارحمها واسكنها فسيح جناتك
باذن الله انا هاخد الجزء 15
لو سمحتم ادعو لوالده جارتنا توفيت النهارده الفجر
اللهم ارحم موتانا واموات المسلمين

Anonymous said...

لا يصل للميت الا ثلاث علم ينتفع به او ولد يدعو له او صدقه جاريه
وقد قرات كثيرا على جواز ان يهدى ثواب الصيام او القران وقد علمت انه لا يصل وذلك حسب قول عدد كبير من العلماء
لكن ما يمكن عمله ان تفكروا في مشروع للصدقه
رحمها الله

Anonymous said...

السلام عليكم ورحمة الله وبركاته ان شاء الله هاخد الجزء ال16 وعلى فكرة رنده كانت بتقول ان اسمها رنده كده انا معاها فى المدرسةمن اولى ابتدائى اللهم ارحمها واسكنها فسيح جناتك واجعل قبرها روضة من رياض الجنة وكل موتانا اجمعين وصلى اللهم وسلم على سيدنا محمدوعلى آله وصحبه اجمعين آمين وجزاكم الله عنا خيرا ..سارة

Anonymous said...

السلام عليكم ورحمة الله وبركاته
اولا يااخوة انا لله وانا اليه راجعون
ربنا يتقبل اختنا فالله ويتغمدها برحمته ويسكنها فسيح جناته ويجعلها برفقه النبيين والصديقين والشهداء وحسن اولئك رفيقا وان يجمعنا بها ان شاء المولى تحت ظل عرشه يوم لا ظل الا ظله هو ولى ذلك والقادر عليه نعم المولى انه بكل جميل كفيل
يااخوة معلش انا مقدرة جدا شعوركم وعارفه ازاى انتو عايزين تعملو حاجه لاختكم بس يا حودة معلش شرعا لا يجوز ده تااااااااااااااانى شرعا ده لا يجوز يا حوده ده مش من امر الدين ومن ابتدع فالاسلام ماليس فيه فهو عليه رد ده مش من السنه ولا القراءن لا يجوز تخصيص يوم للصيام مادام النبى مش حدده زى مثلا مانقول هنصوم الخميس نصره لغزة ده لا يجوز كمان حاجه تانى انو القراءن لا يجوز وهبه لميت
انا مقدرة بجد احساسك الطيب يا حودة لكن احنا ممكن ندعى كتير جدا جدا جدا
ونقول اللهم ارحمها اذا واراها التراب وودعها الاحباب وانقطع عنها النسيم وفارقها النعيم اللهم ارحمها اذا اندرث قبرها ونسى اسمها ولم يذكرها ذاكر ولم يزرها زائر اللهم امين
ولا اخر مرة يا جماااااعه هذه الوهبه لا تجوز ولا يصل ثوابها لاختنا فبالله لا تحملو انفسكم وزر
وبارك الله فيكم

Anonymous said...

جزاكم الله خيرا يا دكتور محمود ويا رب يجعله فى ميزان حسناتك ان شاء الله و ربنا يلهمنا الصبر على هذا البلاء العظيم انا ان شاء الله هقرأ الجزء ال17

د/محمد الخطيب said...

أنا هاخد الجزء التمانتاشر ان شاء الله

(( 18 ))

ربنا يرحمها ويغفر لها

ويسكنها فسيح جناتة

ويجعل قبرها روضة من رياض الجنة

ويلهم أهلها الصبر والسلوان

آآآآآآآآآآآآآآآآآآمين يارب العالمين

Anonymous said...

انا بالفعل كنت قريت الجزء ال 14 لكن خلاص انا هاخد الجزء ال 19
ربنا يرحمها يارب ويغفرلها ويرحم امواتنا واموات المسلمين اجمعين

فليعد للدين مجده said...

رحمها الله وتقبل منها وأنزلها منازل الشهداء
علي الجزء العشرون

Anonymous said...

الجزء الواحد والعشرون باذن الله تعالى

Anonymous said...

ان شاء الله الجزء الثانى والعشرون

جزاكم الله خيرا

Anonymous said...

اللهم ارحم رندا رحمه واسعه واغفر لها يارب واجعل قبرها روضه من رياض الجنه
ويارب يارندا تكونى سبب فى هدايتنا وكلنا نفوق بقى
انا ان شاء الله هاقرا الجزء 23
وربنا يتقبل يارب ويجعله فى ميزان حسانتها
جزاكم الله خيراااا

Anonymous said...

ان شاء الله سأقرأ الجزء 24 , اللهم اغفر لها و امنحها ثواب الشهادة .

Bassam said...

بسم الله الرحمن الرحيم

الحمد لله والصلاة والسلام على سيدنا وحبيبنا محمد صلى الله عليه وسلم ، وبعد... فإن لله تعالى ما أخذ وله ما أعطى وكل شىء عنده بمقدار

رزق الله أهل أختنا الكريمه الصبر الجميل وبلغهم منازل الصابرين المحتسبين ان شاء الله، وجمعنا جميعاواياكم وجميع زوار المدونة وصاحبها بإمام النبيين وسيد المرسلين وقدوة الصابرين سينا محمد صلى الله عليه وسلم


بعد اذنك يا د/ محمود عندى كلمتين أحب أقولهم بعد إذنك وإذن الإخوة الكرام

الأولى :

الحمد لله الذى عرفنى بأناس مثلكم حتى إذا مت تذكرونى بالخير ، وأسأل الله ان يجعلنا من المتحابين فيه سبحانه جل فى علاه

الثانية :

بعض الناس عندها شىء من الشك فى مثل هذه الأعمال مثل المقرأه أو الصيام أو غيرذلك ، وطبعا يرجع ذلك الى حرصهم الصادق فى أن تكون عباداتنا خالصة لله عز وجل

وهذه الأمور مسائل فقهية ، أى يجوز الخلاف فيها وليست مسائل عقدية لا يجوز الاختلاف فيها

وقد قال شيخ الإسلام بن تيمية رحمة الله عليه ورضوانه أن الخلاف فى مثل هذه الأمور أكثر من ان ينضبط ، وقال : (إذا ورد فى المسألة الواحدة أكثر من رأى فللمسلم ان يختار اى الآراء شاء ولا حرج عليه) مادامت الآراء على ضوء من القرآن والسنة... فإليكم انقل كلام الإمام الطحاوى رحمه الله وهو من أعظم علماء أهل السنة والجماعه ورضى الله عن الجميع


يقول رحمه الله:

( وفي دعاء الأحياء وصدقاتهم منفعة للأموات )
الشرح : هذه مسألة إهداء الثواب للغير , أي تصلي وتصوم وتحج وتقرأ قرآنا وتتصدق وتهدي ثواب هذه القُرَب لغيرك .
قوله : ( منفعة للأموات ) ليس ذلك خاصاً بالأموات , بل المسألة تعم الأموات وغيرهم .
ومسألة إهداء القُرَب , هل ينتفع به المهدى له ويصل إليه ويستفيد منه أم لا ؟
هذه المسألة فيها ثلاثة مذاهب :
المذهب الأول : أن كل ما يهدى من طاعات للغير من المسلمين سواء كان ذلك لحيٍ أو ميتٍ يجوز ذلك ويصل ثوابه للمهدى إليه ، وسواء أكان المهدى ثواب عمل بدني أو مالي أو غير ذلك , مطلقا , وهذا في القرآن والسنة الكثير من الأدلة عليه من حيث العمومات .
من ذلك قوله تعالى : ( والذين جاؤوا من بعدهم يقولون ربنا اغفر لنا ولإخواننا الذين سبقونا بالإيمان ) فهؤلاء استغفروا لغيرهم ودعوا لهم , فلو لم يكن ذلك ينفع لما ورد مثله في القرآن ، والرسول عليه الصلاة والسلام أخبر في مواضع كثيرة أن من حج عن غيره نفعه ذلك

أن امرأة من جهينة جاءت إلى النبي صلى الله عليه وسلم فقالت : إن أمي نذرت أن تحج فلم تحج حتى ماتت أفأحج عنها ؟ قال : ( نعم حجي عنها أرأيت لو كان على أمك دين أكنت قاضيته ؟! اقضوا الله فالله أحق بالوفاء )

ومن صام عن غيره نفعه ذلك
لحديث ( من مات وعليه صيام صام عنه وليه ) رواه البخاري
ومن تصدق عن غيره نفعه ذلك
: أن رجلا أتى النبي صلى الله عليه وسلم فقال : يا رسول الله إن أمي توفيت وأنا غائب عنها فهل ينفعها أن تصدقت عنها؟ قال : ( نعم
قال : فإني أشهدك أن حائط المخراف صدقة عنها )
آثار كثيرة في هذا المعنى , وهذا عليه
مذهب الإمام أحمد وكثير من العلماء .

Bassam said...

المذهب الثاني : أن القُرَب تنقسم إلى قسمين :
1 – قرب مالية .
2 – وقرب بدنية .
فالقرب المالية يصح إهداء ثوابها وتصل إلى من أهديت إليه , وأما القرب البدنية فلا يصح إهداؤها ولا يصل إلى المهدي إليه , وهذا عليه كثير من العلماء أيضا , منهم الإمام الشافعي وكثير من أصحابه .
وهؤلاء يستدلون على ذلك بأمور :
منها أثر يروى عن ابن عباس أنه قال ( لا يصوم أحد عن أحد ولا يصلي أحد عن أحد ) وهذا الأثر موقوف على ابن عباس , وليس مرفوعا إلى النبي ولو صح لكان معنى لا يصلى أحد عن أحد بمعنى لا ينوب أحد عن أحد في الفرض , أي لا يقوم إنسان ويصلي صلاة الظهر عن إنسان يعفيه من الصلاة , وليس معناه أنه لا يجوز أن يتبرع بثواب صلاة من صلوات التطوع أو غيرها .
المذهب الثالث : منع ذلك مطلقا سواء أكانت العبادة بدنية أو مالية , وهذا رأي لبعض علماء الكلام وبعض المتصوفة وهو مذهب باطل .
ويحتجون على ذلك بنحو قوله تعالى : ( وأن ليس للإنسان إلا ما سعى ) ونحوها , يقولون فيها دلالة على أن الإنسان لا ينتفع إلا بسعيه هو .
ولكن القائلون بجواز إهداء ثواب القرب أجابوا عن هذه الآية ونحوها
بجوابين :
الجواب الأول : بالمنع ، قالوا لا نسلم أن الآية تدل على أن الإنسان لا يستفيد من سعي غيره , إنما الآية دليل على أن الإنسان لا يملك إلا سعي نفسه , أما سعي غيره فللغير إن شاء تبرع به وأهداه وإن شاء منعه ، وفرق بين قولهم لا ينتفع الإنسان إلا بسعيه وبين قوله لا يملك إلا سعيه ، فكونه لا يملك إلا سعيه هذا مسلم به وتدل عليه الآية الكريمة , ولكن لا ينتفع إلا بسعيه هذا معنى آخر والآية لم تتعرض له , ولو قالت الآية لا ينتفع أحد إلا بسعيه , لكان فيها دليل لكن الآية تقول : ( ليس للإنسان إلا ما سعى ) اللام هنا للملك ، يعني ليس للإنسان على سبيل الملك إلا سعيه , أما سعي غيره فهو للساعي إن شاء تبرع به للغير وأفاده ونفعه وإن شاء أمسكه وحبسه لنفسه .
الجواب الثاني : بالتسليم , قالوا نسلم جدلاً أن الإنسان لا يستفيد إلا من سعيه , لكن كل ما يُهدى إلى الإنسان فهو من سعيه , لأن المُهدي إما أن يكون ولداً وإما أن يكون زوجا وإما أن يكون صديقا , والمهدى له سعيه في الصداقة وسعيه في التزوج وسعيه في إنجاب الأولاد هذا هو الذي جعلهم يتصدقون ويهدون له , فما يهدى له من ثواب أي قربة كانت فهو من سعيه لأنه سعى إلى التزوج فكان إهداء زوجه له من سعيه , ولأنه سعى إلى إنجاب الأولاد فكان إهداء ولده من سعيه .
فإن قيل : لو أهدى مسلم لمسلم آخر ثواب قربة وهو ليس ولداً وليس زوجا وليس مثلا صديقا فكيف يكون من سعي المهدى له ؟
قالوا إنه بدخوله في الإسلام وانتسابه لأخوة الإسلام يعتبر هذا سعيا له , وسعيه كونه مسلما وأخا للمهدى له , فيكون كل ما يهدى للإنسان من ثواب قربة فهو حصل له ذلك بسعيه .
ومع كثرة الأدلة الدالة عليه قالوا :
حتى القياس العقلي يدل عليه , ويرد به على الذين فرقوا بين القرب المالية والقرب البدنية والمخالفين , قالوا :

إن الأجير الخاص لو أنه استؤجر على عمل بأجر فإنه لا يجوز له أن ينيب غيره في العمل الذي استؤجر عليه , لكنه إذا استحق الأجر وقبضه يجوز له أن يتبرع به لغيره , فكذلك الأعمال البدنية وإن كانت لا تدخلها النيابة ولا يصح النيابة فيها فإن ثوابها لا بأس بإهدائه لغيره .


والراجح أن ثواب القرب يصل مطلقا , سواء أكانت بدنية أو مالية , وسواء أكانت لحي أو لميت هذا عليه أكثر العلماء من السلف .

هذا وجزاكم الله خيرا ، وآسف على الإطاله لكن كان لابد من الإيضاح بارك الله فيكم جميعا

Anonymous said...

اللهم اغفر لها وارحمها واسكنها فسيح جناتك
باذن الله انا هاخد الجزء 25

عمر said...

بسم الله الرحمن الرحيم

إنا لله وإنا إليه راجعون لله ما أخذ وله ما أعطى وكل شيء عنده بأجل مسمى

نسأل الله تعالى أن يتغمدها بواسع رحمته وأن يلهم أهلها الصبر والسلوان وأن يجعل ما نقدمه من أعمال صالحة نبتغي بها وجهه سبحانه في ميزان حسناتها

اللهم آمين

صحيح .. إن القلب ليحزن وإن العين لتدمع لفراق إحدى الزميلات في الدفعة ووفاتها
ولكن لا أستطيع إخفاء ما أحسست به من رضا عما رأيته بالأمس في راوند الجراحة العامة من العدد الكبير الذي أتى ليدعو للفقيدة ويشارك في الصدقة الجارية
نعم .. أمتنا مازالت بخير ومازال الخير في أمة محمد صلى الله عليه وسلم

ولكنها فرصة ورسالة من الله عز وجل لكل زملائها وزميلاتها .. أن هذه الزميلة (د راندا) توفاها الله عز وجل وهي في مقتبل عمرها وفي السنة النهائية في الكلية
إذن .. هذه الدنيا صغيرة فبعد ست سنوات من القلق والاضطراب والامتحانات وتوترها، في لحظة واحدة تنتهي هذه الحياة ونقف بين يدي الله عز وجل للسؤال عما قدمناه في حياتنا ( صغرت أم كبرت ) فوالله إنها لفرصة كي نقف مع أنفسنا ونغير مانراه يغضب ربنا سبحانه من حالنا .. وهي وصية لنفسي قبل الزملاء والزميلات
طبعا كلامي لايعني أن نزهد في دراستنا ومذاكرتنا ، ولكن أن نعطي كل شيء حقه بل حتى ونجدد النية في دراستنا لنبتغي بها رضى الله عز وجل ورفعة شأن هذا الدين

أسأل الله تعالى أن نستمر في الدعاء لها وتقديم الصدفات الجارية عنها وأن لايكون الموضوع لحظيا للصدمة وفقط

جزاكم الله خيرا يامحمود على هذا المجهود المبارك وكذلك جميع الزملاء

..........................

إن شاء الله هاخد الجزء 26

عمر said...

معذرة .. نسيت أشكر المهندس بسام على هذا التوضيح لشرعية الصدقة الجارية

وكان عندي إضافة للقياس

أعتقد أن كلنا يعلم مشروعية أن يحج الإنسان عن شخص يحبه وقد فعلها كثير من علمائنا الأجلاء عن أساتذتهم
فأعتقد والله أعلم أنه بالقياس فإن فعل أي عمل صالح وإهداء ثوابه لأخي المتوفى مشروع أيضا ومنها أن اختم القرآن وأهدي ثوابه للمتوفى

جزاه الله خيرا

محمد عبد الباسط said...

انا لله وانا اليه راجعون

بسم الله الرحمن الرحيم
فأصابتكم مصيبة الموت صدق الله العظيم

حقا انها لمصيبه كما وصفها القران

ولا نقول الا مايرضى ربنا انا لله وانا اليه راجعون

وكفى بالموت واعظا

Anonymous said...

أن شاء الله 27

Anonymous said...

انا قرات بالفعل الجزء السابع والعشرون


رحمها الله وجعله فى ميزان حسناتها

Anonymous said...

ربنا يرحمها
الجزء ال 28

Bassam said...

جزاك الله خيرا يا أخى عمر وبارك فيكم

Bassam said...

التاسع والعشرون ان شاء الله

Islam el-shazly said...

انا اختم القرأن ان شاء الله بالجزء الثلاثين واقرأ دعاء ختم القران

الثلاثون ان شاء الله

Bassam said...

اللهم هب ثواب ما وفقتنا لقراءته إلى روح أختنا رندا واجعله فى ميزان حسناتها يا كريم وفرحها به وكن لها أنيسا ياخير أنيس ونور لها قبرها يانور السماوات والأرض

Anonymous said...

ربنا يبارك فيكم كلكم يارب ويجازيكم كل خير علي كل اللي بتعملوه مع اختنا الغاليه رنده
رنده كانت تستاهل كل خير وربنا يارب ينفعها بكل اللي بنعمله عشانها
هو كده الحمد لله القران ان شاء الله ختمناه مره لو لسه في ناس عايزه تشارك ممكن نبداه مره كمان ويارب يجعله في ميزان حساناتها وحساناتكو ان شاء الله جزاكم الله كل خير
وربنا يرحمك يارنده ويغفرلك ويثبتك ويدخلك فسيح جناته
انا ممكن ابدا المره التانيه وهاخد الجزء الاول ان شاء الله

المعتزه بدينها said...

إنّى لله وإنّى إليه راجعون

هذه هى الحقيقه والتى لا تُعرف بسابق معاد

فاللهم من احييته منا فاحييه على الإسلام . ومن توفيته منا فتوفاه على الإيمان . اللهم ارحم أختنا(رنده) رحمة واسعة وتغمدها برحمتك

اللهم ارحمها فوق الارض وتحت الارض ويوم العرض عليك . اللهم قها عذابك يوم تبعث عبادك .

اللهم ان كان أختنا غير اهلاً لوصول رحمتك فرحمتك اهلا لان تسعها . اللهم اطعمها من الجنة واسقها من الجنة وارها مكانها من الجنة وقل لها أدخلى من أي باب تشائي فأنت القادر بيدك كل شىء. اللهم وابني لها بيتا في الجنة واجعله بملتقانا هناك

اللهم اني اسالك باسمائك الحسنى وصفاتك العليا وباسمك الطاهر الاعظم ان تتقبل منا دعاءنا بقبول حسن وان تجعله خالصا لوجهك الكريم


اسال الله العظيم رب العرش العظيم ان يتقبل منا ومنكم الدعاء ويغفر لموتانا وموتاكم وموتى المسلمين وان يحسن خاتمتنا فانه قادر على كل شيء

وأما عن أجزاء القرآن الكريم وحفظه مقسماً فهذه محاوله رائعه حياكم الله عليها ولاكن لنجعل أوقاتنا جميعها طيبه بذكر الله وذلك بشكل إلزامى بعمل جدول إسبوعى متكرر يجمع بين أجزاءالورد يتضمنه
1_(أذكار الصباح والمساء)
2-(أذكار الصلاه)

3- ..أذكار ما بعد الصلاه)ومراجعة الجزء المتفق عليه بعدها

4-:-أذكار النوم من
1-القرآن(حفظ وتلاوه)
2-الأذكار
3-الأفعال

5-أذكار المناسبات عند كل فعل

6- الذكر المطلق عند:-
1-العمل
2-المواصلات
3-الشارع
4-المنزل

7-إستعغار الاسحار(ربع ساعه قبل الفجر)

8-كثرة الصلاه على رسول الله
9-إغتنام أوقات إجابة الدعاءوذلك عند
1-الأذان وحتى الاقامه
2-الثلث الاخير من الليل
3-يوم الجمعه
4-الدعاء بعد طاعه مثل (صلاه -صوم -صدقه)

5-صلاة ما تيسر فى جوف الليل
6-عقوبات التقصير
1-عند وضع علامة(x)فى خانه التقصير
بقيمه ربع جنيه للصدقه
2-(كل خمس علامات بسماع شريط)
3-كل 10 علامات بقراءة جزء قرآن
4-إذا زادت العلامات عن 15 علامه فى اليوم فلابد من وقفه مع النفس

فاللهم تقبل واستجب بكرمك يااااااالله

Anonymous said...

بسم الله الرحمن الرحيم

والصلاه والسلام على اشرف المرسلين سيدنا محمد اشرف الخلق اجمعين
وبعد
اولا احب ان اشكر الأخ الفاضل بسام على هذا التفصيل وعلى هذه الادله ولكن لى تعقيب بسيط الا وهو هل عندما يحج الانسان ويهدى ثواب هذه الحجه الى انسان ميت فهل تسمى صدقه جاريه
لست اعترض على جواز ان يهدى الانسان ثواب خير فعله الى قريب او صديق وانما والله لهو من الخير والمحبه فى الله عز وجل ولكنى احب ان تكون النيه سلسمه حتى يكون الثواب اكبر واشمل بإذن الله
اى ليس هناك من مانع ان نصلى ونصوم ونقرأ القرآن ونهدى ثوابه لكن الصدقه الجاريه هى اللتى يفعلها الانسان فى حياته ويستمر نفعها فى مماته وهناك اختلاف كبير
هذا والله اعلى واعلم وجزاكم الله خيرا

Bassam said...

جزاكم الله خيرا على سعة صدركم معى ، ووالله لم أكن أحب أن أطيل أكثر من ذلك فى هذه المسأله تحديدا لأن الخطب أعظم من ذلك ،

انا ساعات بحس ان الدور عليا ، حقيقى

لأنى فقدت تلات أصدقاء قبل كده ، ومجرب قد ايه الموقف صعب على النفس.. أسأل الله أن يحسن وقوفنا بين يديه سبحانه وتعالى جل فى علاه

لكن على سبيل الدردشه، أخى الكريم أو أختى الكريمه ، انا ماقلتش ان الحج وإهداء ثواب الحج للغير من الصدقات الجاريه، لأن الصدقة الجاريه موضوع تانى خاااالص ،لم أتكلم عنه

الحج ،او الصيام او قراءة القرآن ومثل هذه الأمور ثم هبة ثوابها للمتوفى فهذه هبة أو نقدر نسميها هدية مثلا

أما الصدقه الجاريه كما تفضلتى بالقول أنها مايفعله الإنسان فى حياته ليظل ثوابها متصلا له بعد موته وهذا ما يدل عليه الحديث الشريف (إذا مات ابن آدم انقطع عمله الا من ثلاث صدقة جارية او علم ينتفع به او ولد صالح يدعو له)

يعنى بمجرد موت الانسان خلاص ، مالوش اى اعمال ياخد عليها حسنات تضاف له فى الميزان ... إلا صدقه جاريه او .. الى آخر الحديث

هذا يدل على ان الصدقه الجاريه يجب ان يفعلها الانسان قبل موته ، او يوصى بها ورثته ، أو ان يفعلها ورثته عن طيب خاطر اذا لم يوص بشىء لكن طبعا المسأله برضه فيها كما ذكرتم خلاف جميل وخلاف العلماء رحمة بالأمه أما ما نفعله من قراءة القرآن وهبة ثوابه لأختنا رحمها الله ليس صدقة جاريه

أما ذكر الحج فقد كان على سبيل المثال فقط لأن الحج يشتمل على شعائر كثيرة ففيه صلاة وقيام وذكر وتلاوة قرآن وفيه جهاد ونفقه ، يعنى يجمع بين القربات الماليه والبدنيه وقد ثبت صحة هبة ثوابه للمسلم المتوفى - وليس صدقه جاريه- اذن تصح بقية الأشياء مفردة ان شاء الله كالصلاة والقرآن مثلا

والله تعالى أعلى وأعلم

بارك الله فيكم جميعا

semsema said...

اعتذر عن تأخري
لكن مفيش عندي نت من يومين
خسارة فاتني الختمة
ان شاء الله هقرأ دعاء المتوفي وأهديه لروح رنده ربنا يتقبل مني ومنكم ويجعل كل ما نعمل خالصا لوجهه الكريم وبعيدا عن الرياء
......
أحب أقول حاجة
ربنا بيبعت لنا من وقت للاخر رسائل ربانية تتلخص في موقف صعب نعيشه أو نراه علشان يكون لينا وقفة مع نفسنا ونحاول نصلح ما أفسدته أيدينا
قياريت كلنا نقف مع نفسنا وقفة صادقة بجد في كل ما نفعل وفي امور حياتنا سواء دينية أو دنيوية

عذرا للاطالة وتأخير المشاركة

تحياتي للجميع

Anonymous said...

السلام عليكم ورحمة الله

باذن الله هاخد الجزء التاني

ربنا يرحمك يا راندا ويرحم موتي المسلمين جميعا

انا لله وانا اليه راجعون

موناليزا said...

ربنا يرحمها يارب ويغفرلها ويصبر اهلها

ليس فقيرا من يحب said...

السلام عليكم

دانا وصلت متاخرة قوى

ربنا يرحمها ويرحم جميع

موتى المسلمين اللهم امين

Anonymous said...

السلام عليكم ورحمة الله
بيتهيألي الدكتور محمود مش بيكتب غير كل تلات
يعني احنا عندنا لسة فرصة نختم القرآن تاني وخصوصا الناس اللي فاتتها الختمة الأولي
وزوار المدونة اللي واخدين أجازات أو اللي حابين يشاركوا مرة تانية
فيه كومنتين قبل كده بدأوا وخدوا أول جزئين

انا هاخد الجزء التالت ان شاء الله

محمود ابوالعزم said...

ياريت والله
الله المستعان
أنا هاخد الجزء الرابع

Anonymous said...

السلام عليكم ورحمة الله وبركاته...حياكم الله جميعا
والله انا سعيد بكل اللي عملتوه..
ومعلش انا اتأخرت اعذروني..
وأنا مع الرأي اللي بيقول ان اهم حاجه الدعاء..الدعاء ثم الدعاء ثم الدعاء..
وهذا ليس فيه خلاف
ثانيا.ياريت كلنا نتعظ من الدنياوبنصح نفسي قبلكم والله
ولكن عسى ان يكون في خلاف العلماء سعه لينا وعسى ان ربنا يتقبل منا لحرصنا ان احنا نعمل الخير
وان شاء الله هاخد 3 4 5..الثالث والرابع والخامس
.........وجزاكم الله كل الخير

Anonymous said...

عذرا يا محمود ما خدتش بالي انك خدت الرابع .

خلاص هاخد الخامس والسادس والسابع

عندما تنهمر الدموع said...

السلام عليكم ورحمة الله وبركاته
اولا البقاء لله وانا لله وانا اليه راجعون
ثانيا انا اسفة اني اتأخرت بس كان غصب عني
ثالثا حضرتك قمت بمجهود عظيم انت وزمايلك في سنة 6 بس انا حبيت اسأل اذافي لي حاجة اقدر اعملها خصوصا ان انا مش معاكم غير الدعاء وقراءة القرآن ياريت لو في اي حاجة اقدر اقوم بيها
في النهاية ربنا يرحمها ويرحم كل اموات المسلمين ويغفر لهم ويدخلهم فسيح جناته ويتقبل منهم احسن ماعملوا ويتوب عليهم ويحشرهم مع الانبياء والمرسلين آمين يارب العالمين
هاخد الجزء 8ان شاءالله

امة الله said...

السلام عليكم ورحمة الله ده رقم دكتور ابو الاسرار لو تستاذنوه 0122304638وباذن الله يبقى صحيح لحد السنه السابقه كان ده الرقم

امة الله said...

ياجماعه لو المبلغ ممكن يجاب به كرسى متحرك ايه رايكم اعتقد فى عجز فالكراسى دى فى الجامعه سمعت تعليق كذا مره من اهلى المرضى اثناء ذهابى للراوند

امه الله said...

اسفه ياجماعه فى عندى فكره تانيه كمان لو فى مسجد لايوجد به ادوات غسل الميت الطربيزه او لومسجد لسه بيتبنى ربنا يرحمها ويرحمنا ولاتنسوا ان تهبوا مثل الثواب لاموات المسلمين ولانفسنا ربنا كريم

Anonymous said...

السلام عليكم ورحمة الله
جميله جدا فكرة التبرعات وفى اقرب وقت ان شاء الملك بشارك معاكم
لكن يااااااااااا حوده الله يهدينى واياكم موضوع ختم القراءن ده وتحديد يوم للصيام لا يجوز لانو ثوابه لا يصل
وفقكم الله لما فيه الخير ورحم اختنا وتغمدها بواسع فضله وغفرانه وبؤها اعلى منازل الجنه

Anonymous said...

السلام عليكم ..ربنا يرحمها ويغفر لها ويدخلها فسيح جناته .. ان شاء الله هاخد الجزء التاسع ان شاء الله

Anonymous said...

أنتم شهداء الله فى الأرض

وقد أثنيتم عليها خيرا

غفر الله لها و أدخلها مدخلا كريما وأسكنها الفردوس الأعلى من الجنة ان شاء الله


الجزء العاشر

Anonymous said...

ana hakhod el goz2 el 12 be2ezn allah

Anonymous said...

ana asfa makhadtesh baly.....hakhod el 11 w el 12 kman w rabbena yataqabbal mnna

Anonymous said...

انا هاقرا ال13 ان شاء الله
اللهم تقبل

Anonymous said...

بسم الله

الجزء

14

ان شاء الله

Anonymous said...

ايه يا جماعة مال الموضوع مش سريع ليه المرادي
اتمنى مانكونشي نسينا وماتكونشي هوجة وهتعدي
لازم حتى الناس اللي شاركت قبل كده تشارك تاني

أنا هاخد الجزء الخمستاشر

أبو العز said...

هاخد الجزء السادس عشر ان شاء الله

semsema said...

أنا هاخد الجزء السابع عشر

Anonymous said...

وانا ان شاء الله هاخد الجزء الثامن عشر والتاسع عشر مع بعض لانى لم اشارك فى الختمه الاولى
و ربنا يا رب يتقبل مننا جميعا

Anonymous said...

الجزء العشرين ان شاء الله

محمود ابوالعزم said...

انا مش هكتب غير لما نكمل ان شاء الله

محمود ابوالعزم said...

الجزء الواحد والعشرين ان شاء الله

Bassam said...

22‏ ‏ و 23 بإذن الله

Anonymous said...

الرابع والعشرين

Anonymous said...

25 ان شاء الله

Anonymous said...

25 ان شاء الله

e said...

انا ان شا ءالله هاخد 26

Anonymous said...

ان شاء الله 27

Anonymous said...

بسم الله

ان شاء الله

الجزء

28

Anonymous said...

ان شاء الله الجزء ال 28

Anonymous said...

اسفه
الجزء ال29

Anonymous said...

السلام عليكم ورحمة الله

الحمد لله لحقت الخاتمة

وهاخد الجزء الثلاثين

ان شاء الله