رمضان كريم..أول عزومه

Sunday, August 31, 2008

متأسف أوي على تأخيري
يارب رمضان كريم عليكوا وعلى كل الناس اللي بتحبوهم
انا مش عايز اقول انه افطار روحاني
لان دي كلمة كبيرة اوي عليا وعلى الكلام اللي تحت
كان نفسي اكتب مقدمة طويلة
على الأقل اقول ايه علاقه الكلام اللي تحت ببعضه
بس انا عارف ان وقت اللي هيزورا المدونه من سنه خامسه مش هيسمح
انا بس كل يوم جمعه بروح اصلي في مسجد جميل اوي اسمه مسجد الرحمن
بيخطب فيه شيوخ ربنا يبارك فيهم بيأثروا في جدا
بعد كده بخرج انا واصحابي من الجامع نطمن على بعض
وبعد كده بروح المقابر ازور والدي الله يرحمه وكل الناس اللي بحبهم هناك
وبعد كده برجع من طريق وسط الاراضي وببقى قاصد ارجع منه رغم بعده
لان التلت ساعه اللي بسمشها فيه من اجل الاوقات اللي بقضيها واكثرها الهاما
وعلى بال ما اروح كانت دايما بتكوّن جوايا حاجه من الحاجات اللي تحت دي
بس من غبائي ماكنتش بسجلها وضيعت معظمها
هي يمكن فيها حاجات قديمه وحاجات كملت وبقت قصايد وحاجات جديده
المهم لي طلبين
الطلب الأولاني كالعاده انكم هتحتاروا جزء واحد بس من اللي تحت دول
اما الطلب التاني فانا نفسي كل حد اختار حاجه يكتبها في ورقه صغيرة
وما يكتبشي عليها اسمي ويحط الورقه دي تحت ازاز مكتبه او ينقلها
في كشكول محاضراته او باي شكل يفضل مهما حصل فاكر الجزء ده
ومهما حصل يفتكرني دايما بالخير


حينما أذكر اسم الله المنــــتقم أشعر بالخوف
و حينما أذكر اسم الله الرحمن أشعر بالأمل
و حينما أذكرهـــــــما معاً أشعر أنني مسلم

يارب
ماتخلـنّيش من ناس كتير... عاشت حيــاتها لنفسها
ماتخلنيش من ناس كتـير....دفنت حيــــاتها بنفسها
ماتخلينيش من ناس كتير...ماشية في جنازة نفسها

يا دنيا لن أخشى منكي.....مهما قلبي في حزنك ِ طافْ
الله ُ سيغنيني عنــــكي......من معَـه ُ الله فكـيف يخاف؟

قد تمنعونا أن نموت في سبيل الله ولكنكم أبدا لن تمنعونا أن نعيش في سبيله

أقولها بقلـــــــــبي.. ويقــولها لسـاني.....بك تستـــقر روحي... وتطمـئن ذاتي
وإذا غدَتْ ذنوبي..ظلماتٌ في كياني.....فرضاكَ أنت نور ٌ..ينساب في حياتي

وكيف يشق ّ آذاني أذان ٌ...و لـِي قلب ٌ على الدنيا أكبـّّـــا
فمهما كانت الدنيا تنادي....نـــداء الله أولــــى أن يلــــبّى
اتمني...أتمنى ..أتمنى أكون فعلا ً أد البيتين دول

يا هجرة المعصوم عودي واطرحي...في أمّة المخــــــــتار آيـــات الأملْ
ولتخـــــــــبريهم ْ أن دين محـــــمد ٍ....منـــــهاجه كان العــــمل ثم العملْ
من أجل دين الله ضحي المصطفي....وتحمّــل المخـــــــتار ما لا يُحتملْ
بعزيمة الإسلام أشــــــرَقتْ الــدُنا.... والنور شق الكون والصرح اكتملْ
بالصبر بعث المصطفى نور الهدي... للكون جمعا ً من على ظهر الجملْ



ألا يا ظالـــــمي مهلاً.......أنا ما جئـت ُ فيك ألومْ
كفي يا ظالــــمي أني ......شكوت ُ الظــلم للقـيومْ
وحتى لــــو ستقتـلني......ستحيا دعوة المظــلومْ

لن نستطيع ابدا أن نغير القدر ليرضى بما تريده قلوبنا ..ولكننا
نستطيع دائماً أن نغير قلوبنا لترضي بما يريده القدر

سوف يأتي النصر يوما...كي نحلق في ضــــياهْ
لا اري في النصـر شكاً....إنــّه وعــــــــــد الإلهْ
ان ّ ما يخــــــــشاه قلبي....أن أمــــوت ولا أراهْ

ان القلوب التي عاشت حياتها طولا وعرضاً ولم تعرف الله
هي قلوب ٌ لم تعرف معني الحياة...انها كعيون ٍ تري جيدا ولكنها
اختارت أن تعيش كل عمرها في الظلام

عن القدس قلنا كثير الأغاني......متى عن كثـير الأغاني نكفْ
بحد الســـلاح تعــود الأماني.....ولا ..لن تعــودَ بمـلـــيار دُفْ

يا نفس لا تستصـــغري ذنبا ً فما....ذنبا ً مع الاصرار قد يحيا صغيرْ
لا تذكري الذنب الضغير وتجهلي...أن ّ الـذي تعصــينه ُ ربـّـا ً كــبيرْ

قصةٌ قصيره.. ( وُلِد َ ...مات )؛؛؛ملحوظه.. في هذه القصه.. كلنا أبطال

فلتـُحـيني يارب حتى أنتــــــقم ْ....من كل جـــبار ٍعلى ديــــني أغارْ
و إذا رحلت ُ الآن فاشهدْ أنــني...عمري مضى و أنا على ديني أغارْ


يارب
يمكن العـــمر القصـــيّر.... يوهـم الناس إني طاهر
و إن قدرت إني أغــيـّر.... نظرة النــاس بالمظاهر
تفضل إنت يارب عالم.... باللي باطن واللي ظاهر
يارب
يا اللي عمر ما حد جالك...يطلب الغــفران وخابْ
رحمتك فوق كل حــاجة...والدعـاء عندك مجــابْ
لو حسبـــناها بذنـــــوبي...يبـــقى مكتوبلي العذاب
وان حسبناها بعظمتك...يبــــقى ده.. أرحم حساب

ما أجمل أن تملك قلبا ً إذا لم يستطع ان يحب فهو على الأقل لا يستطيع ُ أن يكره

ومن يا نفس غـــــير الله يبقى...إذا كـــــل العظام غدوْا عظاما
و إن نامت عيون الخلق دهراً...فعــــين الله حاشا أن تنـــــــاما
إذا ما حاجةٌ يا نفس نــــــادت...ففي الحاجات لن نرجو الأناما
كرامُ الناس قد أعطوا وزادوا....فما بـــــال الذي خـلق الكراما


تكاثرت الذنوب ُ على ّ يا ربي....فهبْ للقلب من تلك الذنـوب خلاصْ
وان يحلو لعيني زخرف الدنيا....خذ الدينا ..و هبْـني نعمة الاخلاصْ



و أخيرا ً الابيات دي ...اللي على اد ماهي قديمه جدا على اد ما بعتزبيها جدا
ياخالقي
ماكنت يومـــــــا ً يائسااااا
رغم الضني..رغــم الأسى
رغم الجـــــــراح الماضيهْ
مادام نــــــــــــورك داخلي
مادام حبــــــــــك شـــاغلي
والننفس نفـــــــسٌ راضيهْ
سيظل قلــــــــبي باســــماً
وتظل روحــــي دائــــــماً
في درب حبتتتك ماضيهْ
ياخالقي
تمضي السنين ولا اتوبْ
وغرقت في بحر الذنوب
والعمر يمضي في كـبَــدْ
لكـــــن ّ روحـــي لم تزًلْ
تأتي رحـــــابك فـي املْ
والقلب غيــــرك ما عبَـدْ
وبرغم عـــمـــــر ٍ فاتني
سأظــل اعــــــــلن أنــني
سأظــــل عبـــــدك للأبدْ
سأظــــل عبـــــدك للأبدْ
سأظــــل عبدك.. ..للأبدْ

محتاج دعواتكم
اخوكم اللي فخور انه واحد منكم
محمود ابوالعزم

21 comments:

ترررررب said...

يا دنيا لن أخشى منكي.....مهما قلبي في حزنك ِ طافْ
الله ُ سيغنيني عنــــكي......من معَـه ُ الله فكـيف يخاف؟


الله يحفظ موهبتك يارب ويفتح عليك ويجعلك من عتقاءه من النار

Dr. Flavio said...

ما أجملها تلك القصه القصيره

حقيقي يا محمود .. سحور روحاني جدا

سلمت يداك أخي .. وزادك الله من فضله

Anonymous said...

يارب
يمكن العـــمر القصـــيّر.... يوهـم الناس إني طاهر
و إن قدرت إني أغــيـّر.... نظرة النــاس بالمظاهر
تفضل إنت يارب عالم.... باللي باطن واللي ظاهر
يارب
يا اللي عمر ما حد جالك...يطلب الغــفران وخابْ
رحمتك فوق كل حــاجة...والدعـاء عندك مجــابْ
لو حسبـــناها بذنـــــوبي...يبـــقى مكتوبلي العذاب
وان حسبناها بعظمتك...يبــــقى ده.. أرحم حساب



من زماااان
اول ما قريت الابيات دي
لاقيت عنيي بتبكي من غير ما اشعر


ودلوقتي برده
........
بجد مش لاقية كلام

كلامك كله يا دكتور محمود بيمس القلب
وبجد لاقيت صعوبة شديدة وانا بختار هذه الابيات بالذات

واسمحلي اختار جزء تاني

ومن يا نفس غـــــير الله يبقى...إذا كـــــل العظام غدوْا عظاما
و إن نامت عيون الخلق دهراً...فعــــين الله حاشا أن تنـــــــاما
إذا ما حاجةٌ يا نفس نــــــادت...ففي الحاجات لن نرجو الأناما
كرامُ الناس قد أعطوا وزادوا....فما بـــــال الذي خـلق الكراما


جزاك الله كل الخير
وادام عليك هذه النعمة
وحفظك من كل سوء
وجعل رمضان عليك مباركا

nahnoha said...

ومن يا نفس غـــــير الله يبقى...إذا كـــــل العظام غدوْا عظاما
و إن نامت عيون الخلق دهراً...فعــــين الله حاشا أن تنـــــــاما
إذا ما حاجةٌ يا نفس نــــــادت...ففي الحاجات لن نرجو الأناما
كرامُ الناس قد أعطوا وزادوا....فما بـــــال الذي خـلق الكراما

دي من أكتر اللي عجبوني لكن كل الكلام عجبني يامحمود
بارك الله فيك ولا فض فوك
وبجد دي احلى طريقة تقولنا بيها كل سنة وانتو طيبين وتدخلنا في جو رمضان الروحاني الجميل
كمان مرة بارك الله فيك وعاوزين نسمع الحاجات الجميلة دي علطول مش شرط في رمضان بس

semsema said...

يارب
ماتخلـنّيش من ناس كتير... عاشت حيــاتها لنفسها
ماتخلنيش من ناس كتـير....دفنت حيــــاتها بنفسها
ماتخلينيش من ناس كتير...ماشية في جنازة نفسها

بارك الله فيك محمود
رمضان مبارك عليك وعلي كل البيت
ويارب يرزك في اوله المغفرة وفي اوسطه الرحمة ويجعلك من عتقاء الشهر من النار

مش عاوزة اظلم شيء واقول ان دي احسن
لان بجد الكلام كله اكتر من رائع
ربنا يحفظك ويحفظ موهبتك
شد يلك في الامتحانات
ان شاء الله ختامها مسك
تحياتي
ولا تنسانا من دعاءك في صلاة القيام

quiet_storm said...

كل سنه وانت طيب وبخير وصحه يامحمود
بوست فعلا جميل جدا ....جزاك الله كل خير

وعن اختيارى...
ياخالقي
تمضي السنين ولا اتوبْ
وغرقت في بحر الذنوب
والعمر يمضي في كـبَــدْ
لكـــــن ّ روحـــي لم تزًلْ
تأتي رحـــــابك فـي املْ
والقلب غيــــرك ما عبَـدْ
وبرغم عـــمـــــر ٍ فاتني
سأظــل اعــــــــلن أنــني
سأظــــل عبـــــدك للأبدْ
سأظــــل عبـــــدك للأبدْ
سأظــــل عبدك.. ..للأبدْ

حاجه كمان كنت سمعتها منك فى الملتقى ومش بنساها ابدا

لا اري في النصـر شكاً....إنــّه وعــــــــــد الإلهْ
ان ّ ما يخــــــــشاه قلبي....أن أمــــوت ولا أراهْ

كل الكلام فعلا اكثر من رائع
ربنا يكرمك ويوفقك ويكتبلك كل خير

هبهوبه said...

كل سنة وانت طيب وبصحة وسلامه
ويارب يكون ايام رمضان كلها خير عليك وعلى والدتك واخواتك
وعلى كل اصدقاء المدونه وربنا يجمعنا دايماً في الخير
وكالعادة كل كلماتك جميلة ربنا يكرمك
يا دنيا لن أخشى منكي.....مهما قلبي في حزنك ِ طافْ
الله ُ سيغنيني عنــــكي......من معَـه ُ الله فكـيف يخاف؟
حقيقي كلمات جميلة وعبرة جداً يارب دايما نكون مع الله

عندما تنهمر الدموع said...

السلام عليكم ورحمة الله وبركاته
كل سنة وحضرتك طيب ياد/محمود وان شاء الله ينعاد عليك وعلى كل احبابك واصدقاءك باخير واليمن والبركات انا مبسوطة جدا لأن حضرتك حققت لي طلبي ونزلت بوست جميل زي ده بس بصراحة هو اجمل مما كنت اتوقع ربنا يكرمك يارب معلش بقى انا مش هقدر اختار جزء واحد بس لأنه في اكتر من جزء شدوني جدا وعلى العموم كلما زادت عدد الاجزاء هنتذكر حضرتك بالخير اكتر -رغم اننا دايمابنفتكرك بكل خير- وكمان كل ما هقرأالاجزاء دي هدعي لحضرتك ان ربنا يكرمك ويوفقك ويغفر ذنوبك ويحشرك مع الانبياء والمرسلين
دي الاجزاء اللي عجبتني
حينما أذكر اسم الله المنــــتقم أشعر بالخوف
و حينما أذكر اسم الله الرحمن أشعر بالأمل
و حينما أذكرهـــــــما معاً أشعر أنني مسلم

يا دنيا لن أخشى منكي.....مهما قلبي في حزنك ِ طافْ
الله ُ سيغنيني عنــــكي......من معَـه ُ الله فكـيف يخاف؟

وكيف يشق ّ آذاني أذان ٌ...و لـِي قلب ٌ على الدنيا أكبـّّـــا
فمهما كانت الدنيا تنادي....نـــداء الله أولــــى أن يلــــبّى

ألا يا ظالـــــمي مهلاً.......أنا ما جئـت ُ فيك ألومْ
كفي يا ظالــــمي أني ......شكوت ُ الظــلم للقـيومْ
وحتى لــــو ستقتـلني......ستحيا دعوة المظــلومْ


سوف يأتي النصر يوما...كي نحلق في ضــــياهْ
لا اري في النصـر شكاً....إنــّه وعــــــــــد الإلهْ
ان ّ ما يخــــــــشاه قلبي....أن أمــــوت ولا أراهْ

ما أجمل أن تملك قلبا ً إذا لم يستطع ان يحب فهو على الأقل لا يستطيع ُ أن يكره

تكاثرت الذنوب ُ على ّ يا ربي....فهبْ للقلب من تلك الذنـوب خلاصْ
وان يحلو لعيني زخرف الدنيا....خذ الدينا ..و هبْـني نعمة الاخلاصْ
معلش طولت على حضرتك بس فعلا المقاطع دي شدتني عشان حسين ان اللي يؤمن بيهم بجد فهو مؤمن بالمعنى الحقيقي للكلمة دي لأنه بيحاول ينسى الدنيا وميفتكرش غير الاخرة بيحاول يعيش عشان يرضي ربنا وبيصبر على اي حاجة عشان ينجح في اختبار ربنا ليه ولما تزيد عليه وطأة الظلم يلجأ لخالقه لأنه على يقين ان هو اللي هيقدر يساعده
واخيرا ربنا يكرمنا كلنا ريغفر لنا خطايانا ويرحمنا ويحبب الايمان الى قلوبنا

شق القمر said...

واحنا كمان نعتز بك محمود
ربنا يبارك فيك ويكرمك
ويكرم دفعتنا كلها بحسن الود
كل سنة وانت طيب وكل زوارك
رمضان كريييييييم :)

شق القمر said...

وكيف يشق ّ آذاني أذان ٌ...و لـِي قلب ٌ على الدنيا أكبـّّـــا
فمهما كانت الدنيا تنادي....نـــداء الله أولــــى أن يلــــبّى

محمد عبدالباسط said...

ياخالقي
تمضي السنين ولا اتوبْ
وغرقت في بحر الذنوب
والعمر يمضي في كـبَــدْ
لكـــــن ّ روحـــي لم تزًلْ
تأتي رحـــــابك فـي املْ
والقلب غيــــرك ما عبَـدْ
وبرغم عـــمـــــر ٍ فاتني
سأظــل اعــــــــلن أنــني
سأظــــل عبـــــدك للأبدْ
سأظــــل عبـــــدك للأبدْ
سأظــــل عبدك.. ..للأب

(ولد عاش مات كلنا ابطال القصة )


ربنا مايحرم اصحابك ولا اى حد منك ولا من بيانك يا عظيم
كل عام انت بخير

حلم كبير

GEHAD said...

يارب
ماتخلـنّيش من ناس كتير... عاشت حيــاتها لنفسها
ماتخلنيش من ناس كتـير....دفنت حيــــاتها بنفسها
ماتخلينيش من ناس كتير...ماشية في جنازة نفسها

>>>>>>>>>>>
ياخالقي
تمضي السنين ولا اتوبْ
وغرقت في بحر الذنوب
والعمر يمضي في كـبَــدْ
لكـــــن ّ روحـــي لم تزًلْ
تأتي رحـــــابك فـي املْ
والقلب غيــــرك ما عبَـدْ
وبرغم عـــمـــــر ٍ فاتني
سأظــل اعــــــــلن أنــني
سأظــــل عبـــــدك للأبدْ
سأظــــل عبـــــدك للأبدْ
سأظــــل عبدك.. ..للأبدْ
..............
تكاثرت الذنوب ُ على ّ يا ربي....فهبْ للقلب من تلك الذنـوب خلاصْ
وان يحلو لعيني زخرف الدنيا....خذ الدينا ..و هبْـني نعمة الاخلاصْ

..........
يارب
يمكن العـــمر القصـــيّر.... يوهـم الناس إني طاهر
و إن قدرت إني أغــيـّر.... نظرة النــاس بالمظاهر
تفضل إنت يارب عالم.... باللي باطن واللي ظاهر
يارب
يا اللي عمر ما حد جالك...يطلب الغــفران وخابْ
رحمتك فوق كل حــاجة...والدعـاء عندك مجــابْ
لو حسبـــناها بذنـــــوبي...يبـــقى مكتوبلي العذاب
وان حسبناها بعظمتك...يبــــقى ده.. أرحم حساب
...........
ما أجمل أن تملك قلبا ً إذا لم يستطع ان يحب فهو على الأقل لا يستطيع ُ أن يكره
........
تحيرت كثيراا في الاختيار
فكل سطر" بكل ما يحمل" يسمو بروحي
بارك الله فيك
جعلنا الله وإياكم من عتقائه من النار في هذا الشهر المبارك

Anonymous said...

السلام عليكم ازي حضرتك يا دكتور محمود معلش هو الرد ده هيبقي طويل شويه
اولا الف مليون سلامه علي حضرتك بجد انا مكنتش اعرف لاني مدخلتش علي النت في فتره امتحان الاطفال خالص اخر تعليق انا كتبته للدكتوره غاده ربنا يهنيها وشفت حضرتك يوم الامتحان كنت داخل مكانك في اللجنه كويس لكن لما دخلت بعدها عرفت ان حضرتك كنت تعبان الف سلامه علي رجليك تستاهل فعلا انه يتقال فيها الكلام الجميل ده
وكمان فرحت جدا جدا ان حضرتك سألت علي ردي علي البوست بجد كنت مبسوطه جدا انك مش بتنسي حد ربنا يكرمك يا رب ويحفظك
Amert Alhozn

Anonymous said...

اما بقي عن هذا الموضوع الرائع فهو مفاجأه بجد اكثر من رائعه وخصوصا في شهر رمضان الكريم
كل سنه وحضرتك طيب وكل الناس طيبين والناس اللي هنا علي المدونه وطلبه سنه خامسه كلهم ربنا يعينهم يا رب ويجعل نهايه الامتحانات علينا بخير ان شاء الله

بالنسبه بقي للطلب اللي حضرتك طلبته بخصوص الابيات اللي حضرتك كتبتها واللي انا مسمياها الللالئ وانا عامله الحكايه دي عندي من زمان انه اي بيت او جمله بتعجبني بكتبها في كتاب عندي او في كشكولي الخاص بيه علشان كل اما اجي افتحه اقراها وافتكرها مع ان في حاجات انا حفظاها صم وكتاب الاطفال يشهد
المهم اكتر الابيات اللي عجبتني
يا دنيا لن أخشى منكي.....مهما قلبي في حزنك ِ طافْ
الله ُ سيغنيني عنــــكي......من معَـه ُ الله فكـيف يخاف؟

أقولها بقلـــــــــبي.. ويقــولها لسـاني.....بك تستـــقر روحي... وتطمـئن ذاتي
وإذا غدَتْ ذنوبي..ظلماتٌ في كياني.....فرضاكَ أنت نور ٌ..ينساب في حياتي


وكيف يشق ّ آذاني أذان ٌ...و لـِي قلب ٌ على الدنيا أكبـّّـــا
فمهما كانت الدنيا تنادي....نـــداء الله أولــــى أن يلــــبّى

البيتين دول بقي عاوزه اقول لحضرتك انهم اكثر من رائعين ربنا يديم عليك موهبتك يا رب

سوف يأتي النصر يوما...كي نحلق في ضــــياهْ
لا اري في النصـر شكاً....إنــّه وعــــــــــد الإلهْ
ان ّ ما يخــــــــشاه قلبي....أن أمــــوت ولا أراهْ

يا اللي عمر ما حد جالك...يطلب الغــفران وخابْ
رحمتك فوق كل حــاجة...والدعـاء عندك مجــابْ
لو حسبـــناها بذنـــــوبي...يبـــقى مكتوبلي العذاب
وان حسبناها بعظمتك...يبــــقى ده.. أرحم حساب

ياخالقي
تمضي السنين ولا اتوبْ
وغرقت في بحر الذنوب
والعمر يمضي في كـبَــدْ
لكـــــن ّ روحـــي لم تزًلْ
تأتي رحـــــابك فـي املْ
والقلب غيــــرك ما عبَـدْ
وبرغم عـــمـــــر ٍ فاتني
سأظــل اعــــــــلن أنــني
سأظــــل عبـــــدك للأبدْ
سأظــــل عبـــــدك للأبدْ
سأظــــل عبدك.. ..للأبدْ

ما أجمل أن تملك قلبا ً إذا لم يستطع ان يحب فهو على الأقل لا يستطيع ُ أن يكره

الجمله دي كمان جميله جدا ربنا يجعل قلوبنا جميعا قلوبا لا تعرف غير الحب
ربنا يكرمك ويحفظك ويوفقك يا دكتور محمود وينم عليك من الموهبه ما تسعدنا به
معلش انا طولت علي حضرتك اوي المره دي بس الموضوع يستاهل واوعدك ان شاء الله مش هسيب موضوع الا اما ابعت ردي فيه ان شاء الله

Amert Alhozn

Anonymous said...

انا مش هقدر اقول كلام اكتر من اللي كل اللي قبلي قالوه ربنا يبارك فيك يا محمود ولسا ما قلتش ايه رايك في تصميم المدونة ؟؟؟؟؟؟؟

أحمد سعيد بسيوني said...

بسم الله
بصراحة اتفاجئت بالشكل الجديد الرائع حقيقة
احسنت الاختيار كعادتك يا محمود سواء في المنظر والمظهر الخارجي او الجوهر المتمثل في الاشعار والقصائد الجميلة التي تتحفنا بها على صفحات هذه المدونة
عجبتني هذه الجملة
قصةٌ قصيره.. ( وُلِد َ ...مات )؛؛؛ملحوظه.. في هذه القصه.. كلنا أبطال
مع تمنياتي لك بان يزيد الله في عمرك ويبارك في وقتك وجهدك ونزيد في الجملة السابقة وتبقى " ولد ... ترك بصمه .. مات"
الهمك الله الصحة والعافية يا طويل العمر
تحياتي

Anonymous said...

elrousha
السلام عليكم يا دكتور محمود
كل سنه وحضرتك طيب
صراحه الكلام اللي حضرتك كتبه جميل جدا وبجد انا محتارة اختار ايه بس ديه اكتر حاجه عجبتني
يارب
يمكن العـــمر القصـــيّر.... يوهـم الناس إني طاهر
و إن قدرت إني أغــيـّر.... نظرة النــاس بالمظاهر
تفضل إنت يارب عالم.... باللي باطن واللي ظاهر
يارب
يا اللي عمر ما حد جالك...يطلب الغــفران وخابْ
رحمتك فوق كل حــاجة...والدعـاء عندك مجــابْ
لو حسبـــناها بذنـــــوبي...يبـــقى مكتوبلي العذاب
وان حسبناها بعظمتك...يبــــقى ده.. أرحم حساب

بجد جميله جدا ومعبرة
ربنا يوفقك

أحمد سعيد بسيوني said...

تدعوكم اللجنه المصريه لفك الحصار عن غزه واللجنه الشعبيه لفتح معبر رفح لتلبيه نداء الدكتور حمدي حسن والحمله الشعبيه لكسر الحصار عن غزه ..
للخروج في قوافل بإتجاه معبر رفح من أجل رفع الحصار عن غزه .
وقد أعلنت اللجنه المصريه لفك الحصار عن غزه عن التحرك بقافله من أمام نقابة الصحفيين بالقاهره يوم الأربعاء 10 رمضان الموافق يوم 10 سبتمبر بإتجاه معبر رفح .. علي أن يكون موعد الإنطلاق في تمام الساعه 6 صباحا مباشره .
* نرجو ممن يود المشاركه الإتصال باللجنه علي الأرقام التاليه للحجز من أجل توفير أماكن و أوتوبيسات للجميع
* الإشتراك بالقافله ب 30 جنيه للفرد الواحد
* نرجو الإتصال بالأرقام 0105805657 - 0106832876 من أجل الحجز وتوفير أوتوبيسات للجميع
* من يستطيع القدوم بمساعدات مهما كان حجمها نرجوا إحضارها معه وسيتم إرفاقها بالأوتوبيس لتوصيلها للقطاع إن شاء الله
* عنوان نقابة الصحفيين بالقاهره : 3 شارع عبد الخالق ثروت ( المتفرع من شارع رمسيس) - منطقه الإسعاف - محطه مترو جمال عبد الناصر ( خلف دار القضاء العالي )
الأربعاء 10 رمضان - 10 سبتمتبر
الساعه 6 صباحا
أمام نقابة الصحفيين بالقاهره
قافله بإتجاه قطاع غزه المحاصر
للحجز والإستعلام والمعلومات
0105805657 - 0106832876
فاكس:0223623935

06 سبتمبر, 2008 04:20 ص

Anonymous said...

فى خلال الثلاثين عاما الماضية تعرضت مصر الى حملة منظمة لنشر ثقافة الهزيمة بين المصريين, فظهرت أمراض اجتماعية خطيرة عانى ومازال يعانى منها خمسة وتسعون بالمئة من هذا الشعب الكادح . فلقد تحولت مصر تدريجيا الى مجتمع الخمسة بالمئه وعدنا بخطى ثابته الى عصر ماقبل الثورة .. بل أسوء بكثير من مرحلة الاقطاع.
هذه دراسة لمشاكل مصرالرئيسية قد أعددتها وتتناول كل مشاكلنا العامة والمستقاة من الواقع وطبقا للمعلومات المتاحة فى الداخل والخارج وسأنشرها تباعا وهى كالتالى:

1- الانفجار السكانى .. وكيف أنها خدعة فيقولون أننا نتكاثر ولايوجد حل وأنها مشكلة مستعصية عن الحل.
2- مشكلة الدخل القومى .. وكيف يسرقونه ويدعون أن هناك عجزا ولاأمل من خروجنا من مشكلة الديون .
3- مشكلة تعمير مصر والتى يعيش سكانها على 4% من مساحتها.
4 - العدالة الاجتماعية .. وأطفال الشوارع والذين يملكون كل شىء .
5 - ضرورة الاتحاد مع السودان لتوفير الغذاء وحماية الأمن القومى المصرى.
6 - رئيس مصر القادم .. شروطه ومواصفاته حتى ترجع مصر الى عهدها السابق كدولة لها وزن اقليمى عربيا وافريقيا.
ارجو من كل من يقراء هذا ان يزور ( مقالات ثقافة الهزيمة) فى هذا الرابط:

http://www.ouregypt.us/culture/main.html

Anonymous said...

بسم الله

اولا الف سلامه لرجلك


ثانيا انا احترت كتير اختار ايه

بس فعلا الجزء دا

ياخالقي
ماكنت يومـــــــا ً يائسااااا
رغم الضني..رغــم الأسى
رغم الجـــــــراح الماضيهْ
مادام نــــــــــــورك داخلي
مادام حبــــــــــك شـــاغلي
والننفس نفـــــــسٌ راضيهْ
سيظل قلــــــــبي باســــماً
وتظل روحــــي دائــــــماً
في درب حبتتتك ماضيهْ


كان فى تدوينه قبل كده وانا نقلته وحفظته من كتر ما هو رائع

بجد كلام جميل

بارك الله فيك

pureblue

Dr.M.EL-KHATIB said...

يارب
ماتخلـنّيش من ناس كتير... عاشت حيــاتها لنفسها
ماتخلنيش من ناس كتـير....دفنت حيــــاتها بنفسها
ماتخلينيش من ناس كتير...ماشية في جنازة نفسها


دى بجد اكتر حتة اثرت فيا

لانى حاسس ان فعلا فينا ناس

عايشة كده بجد

عايشة وميتة ى نفس الوقت

بجد عليت انت فى الحتة دى اوى

بتغير كلمة فى البيت

وتغير المعنى كلة

انت طول عمرك جامد ياحوده

ربنا يباركلك ويزيدك كمان وكمان