أقصر بوست

Tuesday, June 30, 2009

قديما كنت أري أصعب لحظات الحياة....
هي اللحظات التي نشعر فيها بقمة الحزن
ولكنني اكتشفت أخيرا ان أصعب لحظات الحياة
هي اللحظات التي لم نعد نجد فيها فرقا ً بين الفرح والحزن
..........................
قديماً كنت أتلهف لأنظر خلفي لكي أري ذلك الذي طعنني في ظهري
أما الآن فلم أعد أملك هذه اللهفة ... وذلك لأنني أعلم جيدا
أنني لن أموت بنزيفي من الطعنة ولكنني سأموت بصدمتي في من طعنني

17 comments:

محمد عبد الباسط said...

اول تعليق وكفي

أقصر تعليق said...

للأسف ..صح جدا

محمود ابوالعزم said...

على فكرة دول جملتين عاديين مش خاصين بي

د.ميريهان said...

نعم صدمتك ممن طعنك ستقتلك...ولكن..اليس من الخير لك ان تتنبه لمن طعنك؟؟؟
لتحذر في المستقبل....

كلمات في الصميم دكتور...

جزيت خيرا

Anonymous said...

بسم الله

اول جملة

بتعبر عنى كتير

تحفه بجد


pure blue

king of darkness said...

ايه القصر ده دا توابع امتحان النسا ولا ايه؟؟؟ على العموم امتحان النسا بيعمل اكتر من كده اسأل مجرب!!!! كنت اتمنى غيبة اسبوعين تبقى اطول من كده!!!!!!!!!على العموم اناكنت كاتب جملة زمان نفس السياق (اكثرالطعنات التى تأتينا من الخلف ومن الاصدقاء) تحياتى

dr/zizo said...

جميلة جدا يادكتور

والجملة التانية حصلت معاي فعلا

اتأثرت فترة كبيرة

لكن خلاص

مش ببص للطعنة ولا مين طعن

وهى المواقف اللى بتظهر الناس على حقيقتهم وبيظهر القناع اللى بيلبسوه قدام الناس

انا متابع كتاباتك كلها من زمان وبتعجبنى جدا

تقبل مرورى واتمنى نكون اصدقاء

د/محمد الخطيب said...

الله عليك يامحمود

الخلاصة فى كلام قليل جداااااااا

بس من عاداتك انك بتحب ترغى

مااااااااااالك ؟؟؟

just dream said...

يمكن فعلا البوست قصير لكن يحمل بين طياته الكثير من المعانى وفعلا الحياة بتبقى خنيقه جدا لما معدتش يكون فيه فرق بين الحزن والفرح وبين الحب والكره
حقيقى مش بتبقى حياه بتبقى موت بالبطىء

Al Bassam said...

صـــــــدقـــــــت

Al Bassam said...

أقصر رد على أقصر بوست.... مش بخل والله

ده يمكن يكون تأثر بالكلام شويه ، لكن عموما انت وحشتنا جدا يا حوده

بالتوفيق ان شاء الله

بنجاواتى said...

كلمات جميلة يا محمود

لكن لا تيأس الدنيا بخير

تحياتى

وردة said...

مع اني مش لاقيه كلام ارد به
وخصوصا علي الجزء التاني
بقي منتشر اوووي ان الطعنة تجيلك من اقرب الناس
وخصوصا لو كنت بتحبهم اوووي
ماشاء الله
هو مش اقصر بوست ولا حاجة
ممكن تسميه اعمق واخطر بوست
ربنا يكرمك ويوفقك
سلام

Sweet Violet said...

صدقت
v_v

هبهوبه said...

السلام عليكم ورحمة الله

اخبارك ايه يا دكتور محمود

الحقيقة الكلام بجد معبر جداً وفعلاً يتماشى كتير مع الواقع الحالي
بس تفتكر لو انت مش حاولت تعرف اللي طعنك هو هيسكت ومش هيطعنك تاني
افتكر اللي بيطعن مره بيتعود يطعن ويجرح الف مره

Ramy Seada said...

قشطة عليك يا ابو العزايم

بوئين فى الجون

عندما تنهمر الدموع said...

السلام عليكم ورحمة الله وبركاته
ازيك ياد/محمود يارب تكون بخير صحيح يمكن يكون بوست النهاردة اقصر بوست لكنه معبر جدا شدتني اوي اول جملة فعلا اصعب لحظة مش قمة الحزن اد ماصعب انك تحس بانه مفيش فرق بين الحزن والفرح انا فعلا مصدقاها لأني عايشة حالة مشابهة انك تتخيل نفسك انك فرحان او تتخيل ان ممكن لو حاجة حصلت تكون في قمة سعادتك وفجأة تحس ان الموضوع عادي وترجع تاني لا انت فرحان ولا زعلان عايش وبس مش حاسس لا بطعم الفرح ولا بطعم الحزن
والجملة التانية اعتقد اني قريتها لحضرتك قبل كده لكني بابدي اعجابي بيها تاني لأن معظمنا بيخاف يبص وراه عشان ميكونش اللي طعنه انسان عزيز عليه رغم انه ممكن يكون احساسه بيأكد له ان اللي طعنه هو الشخص ده لكنه بيخاف يصدق احساسه ويخاف من اليوم اللي ممكن غصب عنه يبص وراه ويتصدم
بوست جميل فعلا ربنا يكرمك ويوفقك