حب الله .. هو .. أعظم دواء

Wednesday, November 21, 2007

دواعي الإستعمال............ ......... ......... ......uses

لما تعوز يبقالك معــــــــــــنى.... وحياه صافيه الصدق مـــــــــاليها
لما تضيق حولـــيك الدنيا.... ويكون قلبك ضايع فــــــــــــــــيها
لما تضيع أحــــــــــــلامك منك....والأيام تدبــــــــــــل أمـــــــــانيها
لما تموت جواك أحاســــيسك....وبقيت مــــش قــــــــــادر تحييها
لما الناس في المحنه تسيبك....وتروح مهمـــــــــــــا تنادي عليها
لما جروحك تفضل تنـــــــــزف.... ومافيش شئ في الكون يداويها
إوعى تروح للناس في الـدنيا .....هىّ الناس فيه ايه في إيديــــها
سيب الخلق وروح لخالــقهم .....سيب الأرض وروح لـــــــــــباريها


آ ثار الدواء............ ......... ......... ... ......actions

هيخليك إنسان له معــنى.....هيخلـــــــــــيك فعلا إنسان
ياخد قلبك فوق ويـــــــرفرف.....وسط قلوب مليــــانه ايمان
هيخليلك روحـــــــــك تبقى.... أسمى و أقوى من الأحزان
هيخليلك قلـــــــــــبك ثابت.... ولا يستسلم مـهما ان كان
أنا مش هفضل أعد فوايـده..... أصل فوايده فوق الحسبان
بس كفايه أقولك إنك يومها..... هتبقى......... مع الرحمن


التركيب............ ......... ......... .......composition

حبة صبر وحبة تـــــــــقوى.. وتدوبهم في الإخـــــــــــلاص
لازم يبقى الصبر في قلبك …ثابت مش مكتوب برصـــــاص
و الأفعال هي اللي تعـــبر....مش شعارات تنقال وخــلاص
وكفايه تعرف مهما الدنيــا.....فضيت حوليك مـ الحــــــراس
لازم تعرف إنـــــــــــنا لينا.....رب مافيش من حكمه خلاص


الجرعه............ ......... ......... ......... ......dose

خد على قد ماتقدر مـــــــــــنّه ....خد مــــا تقولشي إزاي ولا ليه
عوّد عقلك..روحك.. قـــــــــلبك.....طول أيامـك يمــــــــــشوا عليه
إوعى تسيب ولا ثـــانيه تعدي .....من غير قلبــــــك ما يعيش بيه
و أن أدمنته دا شئ من حظك .....طــــب فيه أجمل من كده ايه؟


التحضيرات............ ......... .........preperations

ركعه في قلب الليل تخفــــيها.... ولا دمـــــــــــــــوع تبكيها بقلبك
صدقه ماحدش يبقى شايفها.... علشان تطـــــــــلع خالصه لربك
فرّج كربة حد في أزمــــــــــــة.... حتى إن صدفة قابلته في دربك
الأعمال لو حتى بسيــــــــطة..... بس تكون ممـــــــــزوجه بحبك
رب الكون ده هيقبل مـــــــنك..... والأجمل...... ربنا هـــــــــيحبك


الآثار الجانبيه ............ ......... ......side effects

كل آثاره انك مـ الفرحـــه....... قلبك مكن نبضـــــــــه يزيد
و كمان ممكن تشعر إنك....... جرى في عروقك دم جديد
ممكن وشك يبقى منـور....... باسم وكأن إنـــت في عيد
يعني عيوبه مجرد إنــــك ......تلقى كيانك كلـــــه سعيد


موانع الإستعمال............ .......contra indication

مش ممنوع للدنيا بحــــــالها....... حتى العاصي مــاهوش ممنوع
عمر زمان ومكان ما هيمنع....... طول ما في قلبك لسه خشوع
لو جه يوم أخطأت طريقـــــك....... لسه بإيــــــــــــدك تاني رجـوع
دايماً دايماً خليك فاكــــــــــر....... لسه بإيدك تاني رجـــــــــــــوع

لسه بإيدك تاني رجوع
لسه بإيدك…… تاني رجوع

11 comments:

natural magic said...

طبعا جميله وملهاش حل
انا مش عارفه اقول ايه
بس فعلا ما شاء الله

natural magic said...

ماشاء الله علي المعاني

وما شاءالله علي قدرتك علي توصلها والاسلوب

ربنا يوفقك ويزيدك

Anonymous said...

فى البدايه السلام عليكم ورحمه الله ازيك يامحمود انا مريت على كل قصاديك بس تعرف انك احلى حاجه فيك انك جامع بين3 اشياء فى شعرك حب الله والتوبه والرومانسيه والفكاهه ودى ميزه حلوه وبصراحه انا اول ما قريت القصيده دى حسيت باحساس جميل اوى بس وكمان انا عايزه اباركلك على النيولوك الجديد ويارب يديم عليك الثلاثه نعم وينورلك طريقك والى الامام حلوه الدعوه دى ما تنساش تدعيلى ان ربنا يكرمنى اصل دى دعوتك الشهيره

خديجة عبدالله said...

بسم الله ماشاء الله

رائعة بحق بورك قلمك وحسك أخى الفاضل

ما أحلى لحظات المناجاة ..غفر الله لنا ولكم وأعز بكم الإسلام والمسلمين

elsadma kant akbar meny said...

بجد حاجه جميله جدا انا مش عارفه اوصف اعجابى بالشعر اد ايه وانا بس نفسى اعرف ازاى اشترك هنا علشانت انا كمان عندى اشعار نفسى اكتبها
وفى طلب كمان يا ريت تكتب الشعر اللى قلته فى المحاضره عينى عليكى يا فرقه يا خامسه
ولكم جزيل الشكر

محمود سليمان ابو العزم said...

الصدمه كانت اكبر مني

ربنا يكرمك
اكيد ردي متأخر كتير
اذا كان قصدك تعمل مدونه
انت ممكن تبعتلي على ايميلي
now_tears_smile@yahoo.com
ابعتلي شعرك واحنا نعملك مدونه ان شاء الله

dan dan said...

hkuiobvkklujggui hiuudgjkj; lkopiff ...................u976 756rdtrsujhhkjhgg dfgd kl;op sest .....eiopo liufgf aery iyiuuiy .......etert jhui vtuyy rr5as rrtyio zcecvs ...... rtrfd ZXsda ikll; fgdtth ,jlkijlo *******rewtreryt i8uyih ccvxfd kjlkl ghjgyt dsdfs kjkj werewrte whjy .........uyiudxfdfg' p090p ewss bggfter yututu 7567r5trtr dfdfgdd ******* يا ريت تقدر تفهمنى
good bye @good luck.

وبشر الصابرين said...

هناك اناس ينحتون فى اعماقنا مشاعر لاتنسى ويخلدون فينا ذكرى لاتمحى نهفو الى رؤياهم ولنا الفخر بحبهم ولنا الشرف بصحبتهم فليحفظهم الله اينما كانوا وليدم بيننا وبينه الحب فيه
محمود سمير

Anonymous said...

ربنا يبارك فيك يادكتور محمود..بصراحه انا أول مره ادخل مدونتك ووالله حبيتك فى الله . ماشاء الله عليك.. لك أجمل تحياتى

همسة قلب said...

بجد والله شعرك جميل اوى ورايع اوووووووووووووووى واسلوب تعبيرك حلو اوى ربنا يوقفك وموهبتك توصل لكل الناس

همسة قلب said...

ماشاء الله جميلة اوووووووووووووووووووى بجد ربنا يكرمك والله وقدرتك على الكتابة واسلوبك فيها عالى اوى,ويارب موهبتك دى تخرج لكل الناس