إحنا مابنبالغش

Wednesday, November 21, 2007

إحنا ما بنبالغش
بعد السبع ســــــــنين .....وكمان تلاته جـــــيش
كان فيه يا جماعه مرة...... دكتور عايـــــــز يعيش
خد أهله وكل عيلته وراح يخــطب زميلته
أم العــــــــروسه قالت..... إصحى وخــــليك معايا
انا أصْلي عايزه أجيبلك.... يا حبــــيبي من النهايه
إحـنا ما بنبالغش
أنا عايزه لبنتـــي شقة... تكون سبــــــع مـــطارح
عايزاها تبقى واســــعة.... للجايِّ واللي رايـــــــح
و إحنا ما بنبالغش
و عشان خاطــر الغلابه.....و شبـــــــاب الخريجين
كفايه جوز مطابـــــــــخ.... وصالـــــــــة و حمامين
و إحنا ما بنبالغش
و عشر تلاف جنـــــــيه.....تدفعهــــــم ليـــنا مه
رتدفع ألفين مـــــــــقدم ....و ألف كـــــل شــــــهر
و إحنا ما بنبالغش
و الشبكه عشـر خواتم.... وعقــــــــــــد و إسورة
و كتر في الــــــــغوايش... لزوم الفــــــــــــشخره
و إحنا ما بنبالغش
و فرحكم تعملـــــــــــوه ...في لوكاندةتسع نجوم
و إعمل عزومـــه جامده.... وكتّر فـي اللحـــــــوم
و إحنا ما بنبالغش
شهر العســـــل بتاعكم.... لازم يبقى فـِ باريــس
و إنت اللي تـشـيله طبعاً.... لإنـك العـريـــــــس
و طبــــعاً النتيــجه ما كانتش كويسه
علشان أم العروسه دماغها متربسه
الغلبان العــــريس قاطع صنف النسا
وطبعاً العـــــــروسه فضلت معنسه
علشان.... ما بنبالغش

!!!!!!!!!!!!!!!

5 comments:

Anonymous said...

hi ana hasa in inta hayz tklma bs haef mn elmasolea wabaden mosh gayz tkon taeba zaik wtadrak ala elhomom ibdaa inta we seba ala alla

نادوو said...

بجد بجد يادكتور محمود تحفه وفعلاً انت مش بتبالغ
عجبتنى اوووووى القصيده دى وعجبت ناس من تربيه كمااااااان ان شالله دايما فى تقدم وربنا يوفئك
ناااااادو

eng_eman said...

hi
wOoOoOoOoOw
7ela awy awy awy
rabna m3ak bgad
thnx alot

د.ميريهان said...

رااااااائعة ....

هي بالفعل تحكي واقعا مريرا..أصبح الشباب يعيشه...والفتيات..تحت وطأة رغبة الآباء والأامهات..وغلو مطالبهم..التي لايؤيدها عرف ولا دين...ولكن مذا نقول..غير ان يهدي الله الجميع...
وكأضرار جانبية للذي يحدث..وهي ليست جانبية في الواقع..بل أخطاء على إثرها فسد المجتمع...عنست الفتيات..وفسد الشباب بعد أن فقدوا الطريق الحلال ..

قد أبدعت تصوير الحدث دكتور محمود..
أهنئك على تميزك

د/إشراقة أمل said...

القصييده رائعه

وفعلا بتحكى واقع ملموس
بس صدقنى الظاهره دى قليله شويه فى طب
وكمان بتختلف من اسره لاسره
لانه فيه ناس بتشترى راجل قبل اى حاجه وفيه ناس الله على عريضه الشروط عندهم اللى سبب عنوسه نصف البنات

فى انتظار الجديد والمزيد