Thursday, November 22, 2007

الانوثه مش مــجرد....... حبة أحمـر عـ الشفابف
الانوثه مش في انك....... تهوسي عقل اللي شايف
الانوثة نعمه غالــيه..... ربنا اللي اداها لــــــيكي
و بايديكي تحفظيها..... أو تضيع من بين ايديكي
كل شئ في الدنيا لــما....... بيــــــداروه بيزيد جمال
و العفاف للبنت يغلب....... أي شــــــــكل و أي مال
هو أحسن من عيونــهم...... تاخدي نظرة الاحترام
ولا تاخدي سهم جارح...... اسمـــه نظرات الحرام؟
الزهور بتكون جمـــــــــيله..... طول ما لسّه الشوك حاميها
بس لو يوم شوكها سابــــها..... ألــــــــــــف ايـــد تتمد ليها
هو أحسن ترضي ربك... ولا ترضي الناس بحالها
هو ايـــــــه للبنت يشفع.... شكلها ولا عـــــملها؟؟؟
دا الجمال في الجسم زايل ...........انت شفتيه دام لمين
و الجمال في الروح بيفضل .........مهما بتعدي السنين

سيرة البنت العفــــــــيفه..... هى أحــــــسن شئ يدوم
حبرها مكتوب بدينـــــها...... مش بمكيــــاج أو هدوم
نسي مكياجك وسيبي........ نور إلهك يملى وشك
بدلّي مرايتك بقــــلبك........ مستـحيل قلبك يغشك
انت أجمل ألف مـــــــره
لو جمالك جوة قلـــــــبك
مش مهم الخلق ترضــى
المهم هترضي ربــــــــك
هوايه في الكون دا يغلب
لو اله الكون دا حبك؟؟؟

9 comments:

SNOW PRINCESS said...

القصيدة روووووعة ماشاء الله
لو حضرتك اللي كاتبها..بجد ماشاء الله

محمود أبوالعزم said...

السلام عليكم ورحمة الله

اختي العزيزه
نورتي المدونه بزيارتك وارائك
واتلقصايد اللي هنا كلها بتاعتي
وكلها مش هيبقى ليها لازمه من غير ارائكوا الجميله دي
أتمنى تنوروني دايما

د/اجدع بنوته said...

الله كلام حلو فعلاااااااا

وياريت بنات مصر كلها تقرااه

بس برده احسهم مهما يتقالهم ميفرقش معاهم

علشان الشباب بقت عايزاهم كده

وهما يقلولك اعرض البضاعه زى مايحب الشارى يشتريها

تحياتى

! ! ! ! said...

كلمات جميله بالفعل يا حوده

بس انا كان ليه تعليق مش عليك ....بس ل د/ ياسمين

هي بتقول ان احنا اللي عايزين البنات تكون بالمنظر المخل اللي كتيييير منهم عليه
أحب أقول ان البنت اللى ماشيه في الشارع تعرض نفسها كبضاعه.....فتأكدي تماما انها ملهاش تمن

وإن كان ليها مشتري فيبقي واحد لامؤاخذه...زيها

يعني الطيور علي أشكالها تقع

بس كده
سلاااااااااااااام

محمود سليمان ابو العزم said...

السلام عليكم ورحمة الله
متشكر جدا على مرورك يا دكتوره ياسمين
ومتكشر جدا على تعليقك الجميل
بس أنا متفقق مع مصطفي في اللي فقاله
احنا أكيد نظرتنا للبنت المحترمه نظرة مختلفه غير البنت اللي كده
انا لي اصحاب كتير اكبر مني
وكانوا لما يعوزوا يخطبوا بقولولي
ماتعرفشي عروسه تكون بنت ناس ومحترمه ولبسها محترم
وكده يعني
يعني ممكن الشاب تعجبه الواحده من دول كواحده مش كانسانه
ربنها يعف ويحفظ كل بنات المسلمين

dr_mony said...

اهلا بيك ياحوده انا بصراحه القصيده عاجبنى فكرتها بس بلاش تقوم كل الشباب علينا حرااااااااام عليك ده احنا ولايا وبعدين الواحده بتعيش لها يومين قبل الخطوبه او الجواز ايه يابنى مالك انت ومال البنات بس القصيده حلوه بعد ما اتجوز هاديك تعليق جميييييييل

eng_eman said...

بسم الله ماشاء الله بسم الله ماشاء الله بسم الله ماشاء الله
لو اقدر اقولها 100000 مرة هقولها بجد
كلام حلو اوي اوي ورائع قمة في الجمال بجد والابداع
ربنا يوفقك ان شاء الله

خديجة عبدالله said...

رووووووووووووووووعة لاه تحفة لاه جميلة جدا جدا جدا

بسم الله ماشاء الله الدكاترة دول متعددى المواهب فعلا ماشاء الله

ربنا ينفع بحضرتك وأنا هستأذن حضرتك هنزلها في منتدى مشتركة فيه بعد إذن حضرتك طبعا وطبعا هكتب مين صاحبها :):) في انتظار رد حضرتك

د.ميريهان said...

انت أجمل ألف مـــــــره
لو جمالك جوة قلـــــــبك
مش مهم الخلق ترضــى
المهم هترضي ربــــــــك
هوايه في الكون دا يغلب
لو اله الكون دا حبك؟؟؟

قليل رااائع...أمام تلك المعاني الرفيعة..والأخلاق السامية النبيلة..التي تحكيها في تلك القصيدة..
هدى الله نساء المسلمين لما يحبه ويرضاه سبحانه..
ليس لنا إلا الدعاء..
وأتمنى أن يكون لقصيدتك يادكتور الاثر الكبير في من يقرأها...لانك بالفعل قد لامست الوتر الحساس..

دمت سالما